I. Korinito 13:1 - Iaai Bible 1901 (New Caledonia)

¹ OGE ne fuc hnyi je ifucin tavat me ta je angela, ke ba gak ibetengiö, me iny ûcû me fao ame cuha, me simebalo ame kitenge.

I. Korinito 13:1 ပူးပေါင်းရင်းမြစ်များ

Salamo 150:5

Ogânâ thö e ge simebalo ae mea hwege: Ogânâ thö e ge simebalo wale at ame mea hwege goranyai.

Mataio 25:45

Me e ame he ka thu kodra, me ha, ka habe, E hnathu inya oge me ha köbun, ka habe, Habaji ge hnobun hna ca ânyâ ka ke at gadra ae ûhnyûkong hmonyin, me öbun e ca ânyâ minya ling könya.

Mareko 16:17

Ke walang je haten ame he ka tha he me tavat labageju: adre me he ka obâ ta je demoni ge iök; adre me he ka fuc hnyi ke je hwen;

Roma 14:15

Ke a ne hmak hnyekon liamekeiny möu, can âm jeû, awe, u me ca vheno hmetu ibetengiö. Ca he ka ohia hnen âm jeû at a mok Keriso hobi kâu.

I. Korinito 12:10

ke ka ke at he ka ânyâ je ûöman; ke ka ke at he ka perofeta; ke ka ke at he ka wâ ûnykûme ta je hanu; ke ka ke at he ka ha je hwen hnyei; ke ka ke at he ka wia hwan hnyei:

I. Korinito 12:16

Ke a ne ha hnyiköny, ka habe, Iny ca hanen bi nya unyin, anyin a ca ecmak bi nya; me ca hnathu bi ae ca hanen unyin.

I. Korinito 12:8

Anyin adre ham ka ke at hofuc ae metâ a deny Hanu; ke ka ke at hofucin wâ ûnykûme hoton Hanu a khaca:

I. Korinito 13:8

Haba ibetengiö, me ame ca he ka um dö: ke ame he ka hia ta je hna perofeta; kʼ ame he ka aû but ta je hwen hnyei; kʼ ame he ka hia metâ.

I. Korinito 14:2

Anyin a haba at ame hwen ke hnyei, e ame ca fuc ka at, ke ka Khong bi; anyin ae ba at ame wâ ûnykûme; ke e ame ha hnyi hanu ta je ûnyi ae iyong.

I. Korinito 14:4

Haba at ame hwen ke hnyei me ame okahwa e bi; ke haba at ame perofeta ame okahwa ekalesia.

I. Korinito 14:5

E wek öbun e he hia ka ha ta je hwen hnyei, ke nua bi wek a öbun e he ka perofeta: anyin ae nua at ame perofeta hon at ame hwen ke hnyei, at ka ca wia bi, mʼ adre me he ka okahwa ekalesia.

I. Korinito 8:1

KE haba ta je ûnyi adre hudo ka ta je hnatheat: E khanʼ öta a öta hia ate me wâ ûnykûme. Haba wâ ûnykûme ame obigânâ, ke haba ibetengiö ame okahwâ.

II. Korinito 12:4

ke adre hom dö e ethö ka hnyi Paradaiso, kʼ ame long ta je hofuc a ca hnân ha, wale ae ca ûcû ka at he ka ha:

Galatia 5:22

Ke haba je wan Hanu, me, ibetengiö, me senyin, me hnahic, me hokhnyok beû hmâ, me menyik, me hwakecin ae so, me hnathu,

Galatia 5:6

Anyin ae ca ûnyi hnathu bi ka Keriso peritom, me ca peritom; ke so bi labageju, at ame huliwa hnyi ibetengiö.

I. Timoteo 1:5

Ke haba obiny hna hûna, me ibetengiö, ûnyi hnyi hnyok ae kalaöt, me oûnykûm ae so, me labageju ae ba thoi hnyin:

I. Peteru 4:8

ke hon ta je ûnyi hia, e so öbun e ibetengiököu; anyin ame he ibetengiö ka tube ta je hulo ae se hia.

II. Peteru 2:18

Anyin adre me fuc bi gan me hobelöu monu, adre me iyawâ tavat adre me hap kec dö ge tavat adre me laba hnyi monu, ge ta je weny unyin, me bi ûnyi monu;

Hna Omanenâ 14:2

Ke oge me löng hofuc ûnyi hnyi drany, helâ me hwan je wagewe ae se hia, ke helâ me hwan hendreng ae gan: ke haba hwan oge me löng, me helâ me hwan tavat adre me khumöngö anyidra ta je kitara: