I. Korinito 12:3 - Iaai Bible 1901 (New Caledonia)

³ Anyin a wale, inya oge me thumetu öbun a gʼ ame ca fuc ûnyi ge Hanon Khong at ame ha, ka habe, anathema Iesu; ke ba at ae khana he ka ha, ka habe, Iesu thibi Than, ke so bi ûnyi ge Hanu Kap.

I. Korinito 12:3 ပူးပေါင်းရင်းမြစ်များ

Salamo 109:20

Walang hwaban ka ta je iwahnaihmiöny mönya ûnyi ga Iehova, Me ka tavat adre me haikongoâ hanuk.

Mataio 22:43

Me e ame ha kodra, ka habe, Ieû ga Davita ame hâiâ e ûnyi ge Hanu, ka habe, Than, haingen.

Mareko 9:39

Ke haingö Iesu, ka habe, Ga thawâ bi e, anyin ae ba at ame ânyâ ke huliwa ae man hnyi iök, me ame he ka ie haikongu nya.

Ioane 13:13

Öbun e hawo nya, ka habe, At ûne me Than: ke so hnobun hna ha, anyin a eke.

Ioane 13:14

Oge ne Than me At ûne, ke oge hia but osûâ je li cabun, me ûcû köbun he ka ûösûâköuâ je li cabun.

Ioane 15:26

Ke e ka o Ûhadruo wale oge me he ka kunâ köbun ûnyi ge Kamen, wale Hanon hnathu, at ame he but ûnyi ge Kamen, me e ame he ka ohnathu nya:

Roma 10:9

anyin a u je ne he ka hâiâ Than Iesu ge hnyimâm, me labageju eû hnyi hnyekom a Khong ame omelö hmetu thö e ûnyi hnyi hna mok, awe, u me he but ka möt:

Roma 9:3

Anyin a helâke oge me wek la, a gʼ adre me he ka ovesei nya me Keriso can je liamekeiny mönya, wale je lahanök hoton unyin:

I. Korinito 16:22

A ne ca hnyok bi ke at ka Than Iesu Keriso, e so he ka anathema e. Maranatha.

I. Korinito 8:6

ke so bi khaca thibi Khong köta, wale Kamen, ûnyi gan ta je ûnyi hia, ke haba öta me hobi kâu e; ke Than minya a khaca, a e Iesu Keriso, ûnyi gan ta je ûnyi hia, me öta minya a ûnyi gan.

II. Korinito 11:4

Anyin a ne o ke at me khetâ ke Iesu bi, waleji öhmun e ca khetâ, ke öbun e ne kap ke hanu, waleji öbun e ca kap, me ke ûthumetu ae so, waleji öbun e ca kap, awe, e ûcû hnobun hna hokhnyok kâu.

II. Korinito 3:5

ca ha bi a öhmun hake ûcû he ka ûnykûme ke ûnyi, me ka ûnyi gahmun bi; ke öhmun ûcû a ûnyi ge Khong;

Galatia 3:13

Haba Keriso ame ûcû öta ûnyi hnyi hnaûhangöiny hnanyibu, anyin a e ame wia me hnaûhango hobi köta: anyin adre hia but sihnalimen, ka habe, E hnaûhango but tavat hia adre me uhni ödra hnyi ûtö:

Deuteronomi 21:23

kʼ ame ca he ka hnen unyin hon ûö hnyi hnyinghet, ke u me he ka konâm e hnyi bong eling; anyin a hnaûhangö ka Khong at adre uhno; me u me ca he ka okongoâ kânâm kânâ hnö Iehova Khongom hna ham köu me em.

Hna Omanenâ 1:10

Inya but hnyi Hanu hnyi bong bonginy Than, ke oge me löng hnyi hotuk hofuc ae gan helâ me hwan khoto, ame ha, ka habe,