I. Korinito 12:2 - Iaai Bible 1901 (New Caledonia)

² E khanʼ öbun, ka habe, habaji öbun tiga Aten ta je hnyei, me adre me lili öbun ka ta je hnatheat ae hum, kʼ adre me lili öbun monu öbun.

I. Korinito 12:2 ပူးပေါင်းရင်းမြစ်များ

Salamo 115:5

E ve hu hnyimödra, kʼ adre me ca fuc bi; E ve hu li emaködra, kʼ adre me ca wâ bi;

Salamo 115:7

E ve hu li hnyamödra, kʼ adre me ca mâdrâ bi; E ve hu li cadra, kʼ adre me ca he bi; Kʼ adre me ca fuc bi a deny je jeköwidra,

Salamo 135:16

E hu hnyimödra, kʼ adre me ca fuc bi; E hu li emaködra, kʼ adre me ca wâ bi;

Isaia 46:7

Adre me vadren e hon abenyidra, kʼ adre me hom tilâ e, me ip e hnyi hnen, ke e ame tot; kʼ ame ca he bi ûnyi hnyi hnen: eke, ame he at ka tenge kâu, ke e ca khana he ka thu, me omelo e ûnyi hnyi anyin hmak.

Jeremia 10:5

Ödra ûcû me pama adre kave, ke ca khana bi fuc: adre me labö vadren, anyin ae ca khana he. Ca he bi ka outʼ ödra; anyin ae ca khanʼ ödra he ka okongo, ke haba khaca, me ca khanʼ ödra bi he ka ânyâ so.

Mataio 15:14

Hnʼ ödra but: ödra je hnyat kû gethen kʼ ödra wadröu. Ke a ne lelö wadröu ge ke wadröu, ödru me he ka tha ta eû hnyi hmonop.

I. Korinito 6:11

Ame helâe keihen gabun ehac: ke adre hia but hû öbun, me okabi öbun, me haiwisʼ öbun hnyi ien Than Iesu Keriso, me hnyi Hanon Khonguta.

Galatia 4:8

Ke haba ehac, waleji ae tiga ca khanʼ öbun Khong, me adre me hwenbʼ öbun hnen ta je ûnyi a ca je hing khong:

I. Thesalonika 1:9

Anyin a ödra bi adre me haimemenʼ öhmun je bongon ioihmun köbun; me hnobun hna hwio ka Khong ûnyi ge ta je hnatheat, he ka bi athnyaba ka Khong ae möt me hnathu,

Tito 3:3

Anyin a öta ta je monu ehac, me tavat ca ûling, me tavat adre iyawâ, me bi athnyabainy ta je weny ae kong, me ta je ûnyi hnân osenyinâ unyin a ve bongon bi, ate me laba hnyi hnyok ae kong me ihunyinköu, tavat hnân ikikiâ, me tavat adre me ûikikiköu.

I. Peteru 1:18

anyin ae khanʼ öbun a gʼ adre ca ûco anyibun möt hwaban ta je ûnyi ame he ka bobot, wale sileva me gol, ûnyi hnyi hwakecibun ae monu a nʼ öbun hnen lakamöbun;

I. Peteru 4:3

Ame ne soju hna ânyâ weny Aten ke je hnyei, hnyi je ûen a hia but, waleji adre me vheno wagelue, me je weny ae kong, me hwen hmiâ waina, me mede, me ta je bijeû ae kong, me hmi ka ta je hnatheat ae ikiki: