I. Korinito 11:3 - Iaai Bible 1901 (New Caledonia)

³ Ke wek e me khanʼ öbun a haba Keriso, me ban obaga hia; ke haba obaga, me ban omomo; ke haba Khong, me ban Keriso.

I. Korinito 11:3 ပူးပေါင်းရင်းမြစ်များ

Genese 3:16

Ke e ame ha ka momo, ka habe, Oge me he ka osehia ânyâm vec u ka erkin; u ma he ka hnokoâ hnyi vec; ke u me he ka wem bi hmelen âiâm, ke e ame he ka musi u.

Isaia 52:13

Wâ bi, ame he athnyabaik ka ânyâ ûnyi ae metâ, adre me he ka ogöranyâ e, me obeönua e, me e ame he ka gorany hmonyin.

Isaia 55:4

Wâ bi, oge hia but otilâ e hnân at ohnathoâ ka tavat, ke homakan, ke at musi ka tavat.

Mataio 28:18

Me haba Iesu ame o but ködrin me ba hofuc ködrin, haingen, ka habe, Adre hia but ham könya musi hia hnyi drany me eang hmeledrany.

Ioane 14:28

Öbun e hia but long hnok hna ha köbun, ka habe, Oge me, he but, ke oge me he ka hmetu köbun. Öbun e ne hnyok könya, öbun e he ka senyin anyin oge me he ka Kamen: anyin ae gan hmâ Kamen huk.

I. Korinito 3:23

ke haba öbun me anyin Keriso; ke haba Keriso me anyin Khong.

Efeso 4:15

ke so bi köta he ka ha hofuc ae hnathu hnyi ibetengiö, me me he ka kû thö kâu hnyi ta je ûnyi hia, wale thibi ban, a Keriso;

Kolose 1:18

Ke e thibi ban unyin, wale ekalesia: e thibi can, atöiny tavat ûhedra hnyi hna mok; me me he ka beönua hon ta je ûnyi hia thithö.

Kolose 2:10

kʼ adre me ounöngöti öbun ûnyi gan, kʼ ame ban at eling hon ta je musi me ta je man hia thithö;

Kolose 2:19

kʼ ame ca kât hmâ bi Ban, wale at a ûnyi gan unyin hia thithö, adre ûhûjâköuâ hnen ta je outhunyin me toiny, ame hûhûö, a öhûhûö hnen Khong.

Kolose 3:18

Omomo lö, ve long ju hoton laöiöbun, helâ me ûcû ka Than.

I. Peteru 3:1

HELÂE minya öbun omomo löng ju hoton laöiöbun; mʼ adre me he ka hmehmelâ ge hwakecin laöiödra ae so, ke ca hnen bi hofuc, a ne hu tavat gadra adre me ca löng hoton hofuc;