I. Korinito 11:2 - Iaai Bible 1901 (New Caledonia)

² Ke inya oge me haisoi öbun, anyin a öbun e ûnykûmi nya hnyi ta je ûnyi hia thithö, kʼ öbun e kât hmâ ta je hna ûne, helâji me hnok hna ham köbun.

I. Korinito 11:2 ပူးပေါင်းရင်းမြစ်များ

Luka 1:6

Ke ödru li at ae wisa hnyi hnyimakan Khong, kʼ ödru me vheno ta je hnanyibu ke ta je hna otilâ hnen Than, ke ba monu gadru.

I. Korinito 11:17

Ke oge me ca haisoi öbun hnyi ûnyi eang oge me he ka hûna, a öbun e ca ûkhacaköu hobi kâu so, ke hobi kâu bi monu.

I. Korinito 11:22

Hawa? e ba umöbun je uma he ka han me ic hnyin? ke hawa, öbun e oûnyibâûâ ekalesia anyin Khong, me ohmehma ta je theduoc? Ieû oge me he ka ha köbun? oge me he ka haisoi öbun hnyin e? Oge me ca haisoi öbun.

I. Korinito 15:2

kʼ adre me omeli öbun kâu; oge me omanenâ ta je hofuc, waleji oge me khetâ köbun hnyin, ke öbun e ne kât hmâ, me ca labageju baû bi öbun.

I. Korinito 4:17

Can e oge hia but kunö Timotheo köbun, wale nokuk, a oûnykûmik ke at ae hnathu ka Than, ke e ame he ka oûnykûmi öbun ge je hwakecik hnyi huliwa anyin Keriso, helâ me oge me nâ je ekalesia hnyi je dok hia.

I. Korinito 7:17

Ke so ame ve he tavat helâ me Than ame ve khenâ oûco, ke helâ me Khong ame ve hawʼ ödra. Ke oge me owisa helâe hnyi je ekalesia hia thithö.

I. Thesalonika 1:6

Ke öbun e ûcûcûbingi öhmun, me Than minya, me kap hwan hofuc hnyi vec ae gan hmâ, me senyin ûnyi ge Hanu Kap;

I. Thesalonika 3:6

Ke walang ang ame o but kohmun Timoteo ûheny unyibun, me thumetu öhmun ge hofuc ae so ge anyibun labageju me anyibun ibetengiö, me hnobun hna ûnykûmi öhmun bala, me webun gan hmâ he ka ö ʼhmun, ke helâ öhmun köbun;

II. Thesalonika. 2:15

Anyin a wale, hnyat me lakeiny lö, tethmâ ju, ke kât hmâ ju hna hûna waleji adre nʼ öbun kâu, ame ne hofuc, ame ne anyihmun tusi.

II. Thesalonika. 3:6

Ke öhmun e hûna köbun hnyat me lakeiny, hnyi ien Tuhöta Iesu Keriso, ka habe, ûsâkâûʼ öbun dut me je hnyat me lakeiny hia thithö ae hwali hwakecidra, ke adre me ca hnu hoton hna ûne waleji adre me kap ûnyi gahmun.