I. Korinito 10:7 - Iaai Bible 1901 (New Caledonia)

⁷ Ke haba khaca, ca he öbun ka hmi ka je hnatheat, helâ me keihen gadra; helâ me hna sihnalimen, ka habe, Ame laba ju tavat he ka han me ic, me adre me tödra he ka mat.

I. Korinito 10:7 ပူးပေါင်းရင်းမြစ်များ

Esodo 32:17

Ke a löng hnö Josua hwan imedien tavat adre me kuku, me e ame ha kö Mose, ka habe, Hwan vat ûnyi hnyi hna hunuma.

Esodo 32:19

Ke ame hakekeny ka hnyi hna hunuma, me e ame wâ nokon kau me biâ, me ame ubâhlâ hmönyin anyi Mose, me e ame khûâ degecâ li veto ae lau ûnyi hnyi li hnyamen, me me hmouca but hmelen bucen.

Esodo 32:4

Ke e ame kap ta je ûnyi eling gadra, me tretrauâ ge sulâ, me ânyâ me me nokon kau adre oköiâ: ke adre me ha, ka habe, Isaraela lö, walang khongom at ame hum u ûnyi hnyi hnyei Aigupito.

Ta je huliwa 15:20

ke so otin e he ka sihnalimen ködra he ka ûsâkâûö me ta je ûnyi ae ikiki anyin je hnatheat, ke bi ûnyi monu, ke je meno adre me noc nyin, ke dra.

I. Korinito 10:14

Anyin a wale hnyat a oûnykûmik lö, kec ut ge hmi ka je hnatheat.

I. Korinito 5:11

ke walang ang inya oge me sit köbun, ka habe, öbun e ca he ka tha he me at adre hâiâ, ka habe, liamakeiny, ke e at bi ûnyi monu bi, ame ne at behnyekon, ame ne at a hmi ka hnatheat, ame ne at ae hwege hnyimen, ame ne at ic monu, ame ne at hûgûnö omjeû; ke ca tha han me at a helâe.

I. Korinito 6:9

Ke ca khanʼ öbun a haba tavat ae ca wisa hwakecidra, me adre me ca he ka hnyi hanen dokhu dokhon Khong? Ca omonu öbun bi: haba tavat adre me bi ûnyi monu, me tavat adre me hmi ka hnatheat, ʼme tavat adre me venöu âiân ke at, me tavat wagelue, me tavat adre me hwen sodoma,

I. Korinito 8:7

Ke so bi ame ca wâ ûnykûme e hnen tavat hia: ke haba keihen, me adre me khenen ka ta je hnatheat ke ne o but hnyi bong ang, kʼ adre me an ta je ûnyi adre me hudo ka ta je hnatheat; me ame kong ut ûnykûmenödra anyin ae sēnyin.

Deuteronomi 9:12

Ke Iehova ame ha könya, ka habe, Todrö, ie utut ûhem ang; anyin ae kong ut ânyâm tavat wale u je hom ûheny Aigupito; adre me saû logot ûnyi hnyi gethen waleji oge hûna ködra; kʼ adre ânyâ hobi ködra hnatheat adre oköiâ.

I. Ioane 5:21

Je wanakat lö tuʼ öbun ju ge ta je hnatheat.