I. Korinito 10:4 - Iaai Bible 1901 (New Caledonia)

⁴ ke ödra hia adre me tha ijem belen hanu: anyin adre me ic ûnyi hnyi kiciny hanu ame ûhnûhnû: haba kic eling, me Keriso.

I. Korinito 10:4 ပူးပေါင်းရင်းမြစ်များ

Genese 40:12

Ke haingö Josefa, ka habe, Walang bongon; Haba je vheiny a kun, me wale kun ta bong;

Genese 41:26

Haba je kau a seven ae so, me wale seven ta huna; ke haba je wan hwit a seven ae, me wale seven ta huna: khaca thibi ang bwi.

Salamo 105:41

E ame khong ut kic, me ame badedö but köiö; Me di ka hnyi je dok ae atgec helâ me wagewe.

Salamo 78:15

E ame thö luâ je kic hnyi hnyebuba, Me habelidra helâke me ûnyi hnyi je dok ae dit.

Salamo 78:20

Me wâ bi, e ame kot kic, me ame hingölö but köiö, Ame bahihingölö ta je wadutö; Ke hawa, e khana he ka ham jeû minya? Hawa, e ame he ka penapena utiö hobi kâu lakeiny?

Esodo 17:6

Wâ bi oge me be ka tot hnyi hnyimâkâm wale hon bân kic hnyi Horeba; ke u me he ka kot kic me me hingölö but köiö ûnyi hnyin. Ke haba Mose ame ânyâ e hnyi hnyimakan wahingatiny at Isaraela.

Isaia 43:20

Ke ame he ka oganö nya hnen je menoiny hnyot, je luko me je iaena: anyin oge me oâ köiö hnyi hnyebuba, me je wagewe hnyi dok ae hnyei baga, he ka habelen lakeik waleji oge ûca:

Isaia 48:21

Ke adre me ca beic hnyi ûen e ame su ödra hnyi hnyebuba: e ame oi köiö ûnyi hnyi kic hobi kodra: kʼ ame so kic me ame patrutrua but köiö.

Daniela 2:38

Ke e ame hia but hna ka hnyi hnyamâm je menoiny hnyot, me je meno ame gâ ethö, hnyi je dok hia ame laba hnyin lakon tavat, ke e ame hna köu he ka musi ödra hia: haba u, waleji ban a gol.

Daniela 7:17

Haba ta meno ang ae gan a vak, me walödrin vak ta than, ödrin e he ka o ûnyi hnyi hmeledrany.

Numera 20:11

Ke Mose ame inâ hnyamen goranyai, me olo kot kic ge uci: kʼ ame patrutrua köiö ae gan, me ame ic ûkhacaköu me haledra omeno.

Ioane 4:10

Haba Iesu ame thu me ha ka momo, ka habe, A ne manen köu bwihlany anyin Khong, me at ame ha köu, Habelik; me u je he ka sumâtâ gan, me e ame he ka ham köu köien möt.

Ioane 4:14

ke haba at ame he ka ijem an oge me he ka ham, me ame ca he hmetu bi ka beic nyiele balua; ke haba köiö oge me he ka ham kâu me ame he ka eû hnyi hnyekon wale an ame pupua ka hnyi möt ame ca ba balua.

Ioane 7:37

Hnyi bong a biliny bonginy bijeû, wale bong ae gan, Iesu ame todrö me ha hwegiâ, ka habe, A ne ke at ae beic, he but jem ka ic unyik.

Galatia 4:25

Haba Hagara eling me wale bucen Sinai hnyi Arabia, e ûcû me Jerusalema walang ang: anyin a e ame tha hwenbâ me lakon.

Deuteronomi 9:21

Ke oge me hom anyibun hulö, wale nokon kau öbun e ânyâ, me thong ge meic, me kokot e, me oamamâ ke ne o but ame sesâ but: ke oge me khûâ sesâiny ka hnyi wagewe ame di ûnyi hnyi bucen.

Kolose 2:17

wale hmenon ta je ûnyi ame he ka o; ke haba onyen, me, wale Keriso.

Heberu 10:1

ANYIN a haba hnanyibu, a hmenon ta je ûnyi ae so ame he ka o, ke ca; tha ûcû me ta je ûnyi eling, me pason bala he ka obekhötâ tavat adre me ûhakekenyi hnen ta je hut adre me hudo huyi je huna, wale adre me labö hudo.

Hna Omanenâ 22:17

Ke haingen Hanu me hlu a teb faipoipo, ka habe, Aiö u. Ke so ame ha minya at ame löng, ka habe, Aiö u. Ke haba at ae beic, me he but jem: ke haba at e weny, me hom bâûâ ju köiöiny möt.