I. Korinito 1:9 - Iaai Bible 1901 (New Caledonia)

⁹ Haba Khong, me hnathu, waleji at ame hia but hawʼ öbun he ka tha e me Nokon a Iesu Keriso a Tuhöta.

I. Korinito 1:9 ပူးပေါင်းရင်းမြစ်များ

Salamo 100:5

Anyin ae so Iehova; e tethmâ balua bi anyin ibetengiö; Me anyin hnathu ke ne o but ta je dö hia thithö.

Isaia 11:5

Ke wen hnyekon hwakecin bi ae wisa, ke wen fetriny hwakecin bi ae hnathu.

Isaia 25:1

IEHOVA lö, u thibi Khonguk; oge me he ka ogöranyi u, oge me he ka ogânâ iâm; anyin a u je hia but ânyâ ta je ûnyi hnân lâiâ, wale je hna musi ehac, hnyi hnathu, me wisa.

Isaia 49:7

Walang hna ha hnö Iehova, at ame ûcû meli Isaraela, wale Kabiny, kâu a at ame hûkhötiâ hnen tavat, ke u at ame bi athnyabainy tavat musi, ka habe, Ame he je than ka wâ me tot; kʼ ame he lakon than ka khudrung; can bi Iehova ae hnathu, wale Kabi Isaraela at a ûco u.

Numera 23:19

Haba Khong me ca at bi, me me he ka thoi; Ke ca nokon at bi, me me he ka ietra: Hawa e ame fuc kʼ ame ca he ka ânyâ? Ame ha hofuc, kʼ adre me ca he ka owhâdâ?

Mataio 24:35

Ame he ka hia drany me hmeledrany, kʼ ame ca he bi ka hia hok ta je hofuc.

Ioane 17:21

mʼ adre me be bi hia thithö ka khaca thibi; helâ me u Cica eû hnyi hnyik, ke inya minya bi eû hnyi hnyâm, me me tha ödra mʼ ötu: me me labageju hmeledrany a u je kunö nya.

Roma 11:17

Ke adre ne thu degecâ but ke je anginy, ke u elaioiny hnyot adre ûhûjâköuâ unyidra, ke u me tha hu mödrin iwân me dân elaio;

Roma 8:28

Ke e khanʼ öta a gʼ ame tha huliwa ta je ûnyi hia me me so ka tavat adre me hnyok ka Khong wale tavat ame hawʼ ödra helâ me hnen hna ûnykûme.

Roma 8:30

ke haba hnyat e ame okabâ adrem, me e ame hawʼ ödra bi: ke haba tavat e ame hawʼ ödra, me e ame haiwisʼ ödra bi; ke haba tavat e ame haiwisʼ ödra, me e ame ohmanenangi ödra bi.

Roma 9:24

wale öta, hnyat e ame hawʼ öta minya, a ca hake at Juda thibi, ke Aten minya bi ta je hnyei?

I. Korinito 1:30

Ke ûnyi gan öbun hnyi Keriso Iesu, at adre wia köta ûnyi ge Khong hnân metâ, me hwakecin ae wisa, me kap, me hnân möt:

I. Korinito 10:13

Ame ca o bi köbun ke ûcûbic, waleji ae ca ûcû ka at: ke e hnathu Khong, at ame ca he ka hnʼ öbun ka hnyi ûcûbic hon hnobun hna khana; ke so bi e ame he ka bi deny kec ûheny hnyi ûcûbic, me me khanʼ öbun he ka hokhnyokâ.

I. Korinito 10:16

Haba utköiöiny ole otin e oleâ, hawa ca e bi hnyi hnötin hna tha hu hnyi dren Keriso? Haba areto otin e susubâ, hawa, ca e bi ate me tha hu hnyi unyin Keriso?

II. Korinito 1:18

Ke hnathu bi Khong, me haba hohmun hofuc köbun me ca eke, me e ba.

Galatia 1:15

Ke a manen dut weny Khong, waleji at ame ûcö nya ûnyi hnyi hnyekon hinyök, me hawo nya ûnyi ge anyin ibetengiö baû,

Galatia 2:20

Adre hia but tha osatauroi nya me Keriso; ke iny möt bi; ke ca inya hmetu bi, ke Keriso bi at ae möt eû hnyik: ke haba möt oge me melö hnyi unyin, inya oge me melö e hnen labageju ka Nokon Khong, waleji at ame betenge gak, me ka ham e hnân hobi könya.

Efeso 3:6

a gʼ ame he Aten ke je hnyei ka hnyi hu minya, me hnyi hanen unyin, me hnyi kap ta je ûnyi adre ha bânâ ge Keriso ûnyi ge ûthumetu ae so,

Deuteronomi 32:4

E Kic, ke bekhöt anyin huliwa; Anyin a je deny hia, me hna owisa: E Khong ae hnathu, ke ba hnyikongon E wisa ke fâfâ.

Deuteronomi 7:9

Khanö u thö a Iehova Khongom, e thibi Khong; Khong ae hnathu, at ame tuö ûhihinyköu me ibetengiö ka tavat adre me hnyok kâu, me tuö anyin je hna hûna ka ta je dö a thauzan;

Kolose 1:24

Ke walang ang inya oge me senyinâ anyik je vec hobi köbun, ke oge me obekhötâ hnyi unyik hounyin je vec anyin Keriso hobi kâu unyin e, wale a ekalesia;

I. Thesalonika 2:12

mʼ öbun e he bala ka ûcû ka Khong, at a hawʼ öbun ka hnyi dokhon dokhu me anyin hmanenang.

II. Thesalonika. 2:14

Waleji e ame hawʼ öbun ka hnyin hnen anyihmun ûthumetu ae so, me öbun e he ka hu hmanenanginy Tuhöta Iesu Keriso.

II. Thesalonika. 3:3

Ke e hnathu Than, at ame otethmʼ öbun, me tuʼ öbun ge hulo.

II. Timoteo 1:9

at ame omeli öta, me hawʼ öta ge hwahongot ae kap, ca hoton bi anyita ta je huliwa, ke so bi hoton weny me anyin ibetengiö baû, waleji adre ham köta unyin Keriso Iesu adrem balua,

II. Timoteo 2:13

ke ate ne ca hnathu, me hnathu bala bi e; anyin e ca khana he ka hamen ivinoâ e bi.

Tito 1:2

hnyi hna gejon möt ame ca ba balua, waleji hna ha bânâ adrem balua hnen Khong at ae ca khana he ka thoi;

Heberu 10:23

e so ate me kât hmâ hmi ate me gejon me ca loloâ bi; anyin ae hnathu bi at ame ha bânâ:

Heberu 11:11

Hnen labageju adre ham man kö Sara he ka erkin me ame hnokoâ wanakat ka someca but, anyin a e ame ûnykûme ae hnathu e at a ha bânâ:

Heberu 2:17

Wale me ka hamen e he ka wia e hēlâ me je liamekeiny më hnyi ta je ûnyi hia thithö, me me he ka at bihut ae nua ae betenge me hnathu hnyi ta je ûnyi anyin Khong, me me he ka hut bi, hnân ohia ta je hulo anyin tavat.

Heberu 3:1

ANYIN a wale hnyat me lakeiny ae kap lö, hanen tavat adre me hawâ ûnyi hnyi drany, ûnykûme ju Aposetolo me At bihut ae nua hnyi anyita hmi, a Iesu;

Heberu 3:14

anyin adre me wiʼ öta mʼ ate me lahanen Keriso, öta ka he ka kât hmâ hwakecin anyita labageju hnyi can ke ne o but hnyi obiny:

Heberu 6:18

mʼ ate me he ka hu hnâu sihwegi öta, ge lo li ûnyi ae ca khana he ka wia, ke ca khana Khong he ka thoi hnyin, wale öta ate me kec ut he ka kât hmâ gejon adre ip hnyi hnyi-maköta;

I. Peteru 5:10

Ke haba Khong hwecin ibetengiö baû hia, wale ame hawʼ öbun ka hnyi anyin hmanenang ame ca ba balua unyin Keriso, öbun ka um dö vec hnyi ûen ae okhulit, me wale at ame he ka obekhöti öbun, me otethmʼ öbun, me ohwegi öbun.

I. Ioane 1:3

ke öhmun e omanenâ köbun ûnyi öhmun e wâ me löng, mʼ öbun e he ka tha laba mʼ öhmun: eke, ke öhmun e tha laba me Kamen me Nokon a Iesu Keriso;

I. Ioane 1:7

ke ate me ne he hnyi melam, helâ me e hnyi melam, awe, ate me tha laba ke at me ke at, kʼ ame hneû degecâ anyita ta je hulo hia thithö hnen dro Iesu a Nokon.

I. Ioane 4:13

ke e khanʼ öta a ate me laba eû hnyin hnyekon, ke e bi eû hnyi je hnyekuta, anyin a e ame ham köla Hanon.

Hna Omanenâ 19:11

Ke oge me wâ drany adre khong; ke wâ bi hors ae hau, ke haba li ien at ame tabâ e me Wisa me Hnathu; ke e ame hnei me vat hnyi hwakecin ae wisa.