I. Korinito 1:5 - Iaai Bible 1901 (New Caledonia)

⁵ a gʼ adre otreni öbun ge omjeû ûnyi gan hnyi ta je ûnyi hia, hnyi ta je hofuc hia, me ta je metâ hia:

I. Korinito 1:5 ပူးပေါင်းရင်းမြစ်များ

Ta je huliwa 2:4

Me ödrin e unöngöt hia thö ge Hanu Kap, me hwân he ka fuc hnyi je ve hwen hnyei bi, helâ me hnen Hanu hna ham ködrin he ka fuc.

Roma 11:12

Ke a ne tang omjehen dut hmeledrany ta a ödra, me tang omjehen dut Aten ta je hnyei hna otheduoci ödra; hawa, ame ca he ka ti gan hmâ anyidra hnahic?

Roma 15:14

Ke mou but eû hnyi hnyekuk gabun je liamekeiny mönya, a öbun e unöngötö ge hwakecin ae so, ke unöngöt ge metâ hia, ke e khanʼ öbun he ka ûsihwegei öbun köu.

Roma 15:4

Anyin a haba ta je ûnyi adre sihnalimen adrem, me adre me sihnalimen hnân nʼ öta, me me hu anyita geju hnen hokhnyok me kaukahwa ûnyi hnyi je hna sihnalimen.

I. Korinito 12:10

ke ka ke at he ka ânyâ je ûöman; ke ka ke at he ka perofeta; ke ka ke at he ka wâ ûnykûme ta je hanu; ke ka ke at he ka ha je hwen hnyei; ke ka ke at he ka wia hwan hnyei:

I. Korinito 12:8

Anyin adre ham ka ke at hofuc ae metâ a deny Hanu; ke ka ke at hofucin wâ ûnykûme hoton Hanu a khaca:

I. Korinito 13:2

Ke oge ne at perofeta; ke khanö nya ta je ûnyi ae iyong, me je metâ hia; ke a ne hu gak labageju hia, me me khanö nya he ka oc ta je bucen, ke ba gak ibetengiö, awe, iny ca ûnyi hnathu bi.

I. Korinito 13:8

Haba ibetengiö, me ame ca he ka um dö: ke ame he ka hia ta je hna perofeta; kʼ ame he ka aû but ta je hwen hnyei; kʼ ame he ka hia metâ.

I. Korinito 14:26

Hnyat me lakeiny lö, ame he ka hawa? Öbun ka ûkhacaköu, öbun e ve hom ke khumöng, me hna sihwege, me hna omanenâ, me hwen ke hnyei, me hna wia. E so he ka ânyâ ta je ûnyi hia hnân okahwa.

I. Korinito 8:11

Anyin ame he ka ohia at ae sēnyin hnen ânyâm wâhmakhmeto, wale ke liamekeiny, waleji at ame mok Iesu Keriso hnân hobi kâu.

II. Korinito 4:6

Anyin a Khong, waleji at ame ha, ka habe, Ame he ka umumelam but melam ûnyi hnyi lit, waleji ame öumumelamâ je hnyekuta, me me melam but he ka wâhmakhmetoâ hmanenang anyin Khong hnyi hnyimakö Iesu Keriso.

II. Korinito 6:10

helâke hnyat ae hmak hnyok, kʼ öhmun e sēnyin bala; helâ me theduoc, kʼ öhmun e otrenâ tavat ae se; helâke me ba ta ûnyi, ke hu but ta je ûnyi hia thithö.

II. Korinito 8:7

Ke öbun e tren gânâ ta je ûnyi hia, wale labageju, me ha hofuc, me metâ, me kong hnyekunâ gan hmâ, me anyibun ibetengiö kohmun, awe, e so ame he ka si minya unyibun ibetengiö ang.

II. Korinito 9:11

ame otreni öbun ge omjeû hnyi ta je ûnyi hia, mʼ öbun e hnyi ham gânâ but, wale hnân okûâ ole ka Khong ûnyi gahmun.

Efeso 1:17

me me he Khongon Tuhöta Iesu Keriso, Kamen ae hmanenang, ka ham köbun hanuiny metâ me hna omanenâ, mʼ öbun e he ka wâhmakhmeto e:

Efeso 2:7

me me he ka omanenâ hnyi ta je dö ame he ka o ûnyi hnathuiny anyin ibetengiö baû hnyi hwakecin ae so köta, ûnyi ge Keriso Iesu:

Efeso 3:8

Ke haba ibetengiö baû eang adre ham könya, wale at ae ûhnyûkong hmonyin hmelen tavat ae ûhnyûkong hnyi wakap hia, me inye he ka khetâ ka Aten ta je hnyei tang omjehen Keriso, ae ca hnân ha bi ûganiny;

Efeso 6:19

me hobi könya minya, mʼ adre me he ka ham könya he ka fuc, mʼ inye hwege thö he ka omanenâ ûnyi ae iyong hnyi ûthumetu ae so,

Filipi 1:9

Ke walang hijic hic, a gʼ ame he ka kû gan hmâ bala anyibun ibetengiö hnyi metâ me wâhmakhmeto hia;

Kolose 2:3

at adre ikhâlâ unyin ta je omjeûiny hia metâ me wâ ûnykûme.

Kolose 3:10

me khaû öbun ge at ae teb ûnyi, adre me labö ohâtâ hnyi metâ hoton we at a op e:

Iakobo 3:13

Ewa at unyibun ae metâ kʼ ame wâ ûnykûme? e so e ame he ka omanenâ anyin ta je huliwa ge hwakecin bi ae so, me hwakecin ae menyik me metâ.

II. Peteru 3:18

Ke hûhûö thʼ öbun hnyi ibetengiö baû me wâhmakhmetoâ Tuhöta At ûhomeli, a Iesu Keriso. E unyin hmanenang walang ang me nyiele balua. Amen.