I. Korinito 1:18 - Iaai Bible 1901 (New Caledonia)

¹⁸ Anyin a hwen monu ûthmetu ge satauro ka tavat adre me he ka hnaûhango; ke man maniny Khong köta a tavat adre me he ka möt.

I. Korinito 1:18 ပူးပေါင်းရင်းမြစ်များ

Ta je huliwa 13:41

Öbun tavat öbun e hmiâ, wâ ju, me lâiâ, me laba iyong bi; Anyin a oge me ânyâ huliwa hnyi bongubun je bong, Wale huliwa, ame ne he ke at ka omanenâ e köbun, me öbun e ca he ka kap.

Ta je huliwa 17:18

Me ame ivinö me keihen hnyat bemetâ a latö Epikureo, me hnyat Setoiko. Haingen keihen ka habe, Ieû ame he ka ha hnen at ang ame fuc bebehu? Ke haingen keihen, ka habe, Haba e, me helâ me at ame omanenâ ta je khong kanyua: anyin a e ame kheti Iesu ke möt hmetu.

Ta je huliwa 17:32

Adre me long möt hmetu ûnyi hnyi hna mok, me haba keihen adre me hiâ; ke haingen keihen, ka habe, Ohmun e he ka ling u hmetu ge ûnyi e hnyi ke ûen.

Ta je huliwa 2:47

me oganâ Khong, ke ame betenge gadra tavat hia. Ke haba Than ame bi hanen kodra hnyi je bong tavat adre me he ka möt.

Roma 1:16

Anyin a inya oge me ca hmehma ge ûthumetu ae so: anyin a wale man maniny Khong hnân omelö tavat hia thithö adre me labageju; ka at Juda a bân, me ka at Heleni minya ju.

I. Korinito 1:21

Anyin a ûnyi hnyi metâ anyin Khong, e ca khana bi Khong hnen aten hmeledrany hnyi anyidra metâ, haba Khong ame weny he ka omelö tavat adre me labageju, hnen hwen monu, a wale hna khetâ.

I. Korinito 15:2

kʼ adre me omeli öbun kâu; oge me omanenâ ta je hofuc, waleji oge me khetâ köbun hnyin, ke öbun e ne kât hmâ, me ca labageju baû bi öbun.

I. Korinito 2:14

Ke haba aten unyin ame ca kap ta je ûnyi anyin Hanon Khong: anyin a hwen monu e kâu; ke e ca khana he ka wâhmakhmetoâ e, anyin adre me wâ ûnykûme hnen hanu.

I. Korinito 2:2

Anyin ae mou but eû hnyi hnyekuk ehac, a gʼ ame ca he ka khanö nya ke ûnyi unyibun, ke hake Iesu thibi a gʼ adre osatauroâ ehac.

I. Korinito 3:19

Anyin ae monu hnyi hnyimakan Khong metâiny hmeledrany. Anyin adre hia but sihnalimen, ka habe, E ame ohnokâ wametâ hnyi anyidra bibihwakeoin:

I. Korinito 4:10

Ohmun tavat ae monu can Keriso, ke öbun e meta but unyi Keriso; ohmun e sēnyin dut, ke öbun e hwege bi öbun; e hu hnân ogânʼ öbun, ke ohmun tavat baû.

II. Korinito 10:4

(Anyin a haba omjehen anyihmun vat me ca hwen unyin bi, ke hwege maniny hnyi hnyimakan Khong hnân hagutâ je hnabâ ae hwege);

II. Korinito 4:3

Ke adre me ne tubi anyihmun ûthumetu ae so, me adre me tube ka tavat adre me he bi ka mok:

I. Thesalonika 1:5

a ga ca o köbun anyihmun ûthumetu hnyi hofuc thibi, ke so bi hnyi man minya, me Hanu Kap, me ti kap wia; anyin ae khanʼ öbun hwakecihmun unyibun hobi köbun.

II. Thesalonika. 2:10

me tang iyawo hia thithö hnyi hwakecin ae ca wisa bi unyin tavat adre me he ka hnaûhango; anyin adre me ca kap hnyok ka hnyi hnathu, mʼ adre me he ka möt.

Heberu 12:2

me ō Iesu at ame hwân me obekhötâ labageju, waleji at ame hokhnyokâ satauro, kʼ ame ca oûnyihnathoâ hmehma, ûnyi hnyi senyin adre me ip hnyi hnyimakan, ke e ame laba ju hnyi ke keihen metân theron anyin Khong.

Heberu 4:12

Anyin ae möt hofuc hwan Khong, me hwege huliwa, me so hwan hon hele vat a lo homakan, ame dâ me subâ luâ but hnyok me hanu, me hna hûjö je jeien unyin me onyen jeien, ke ame ie wâ cicöâ ta je ûnykûme me ta je weny hnyok.