I. Korinito 1:10 - Iaai Bible 1901 (New Caledonia)

¹⁰ Hnyat me lakeiny lö, inya oge me sumat öbun hnyi ien Tuhöta Iesu Keriso, ka habe, e so e khaca thibi ifucibun, me me ca he ka hu je imouköu unyibun; ke so öbun e tha hnyok hnathu hnyi oûnykûm a khaca.

I. Korinito 1:10 ပူးပေါင်းရင်းမြစ်များ

Salamo 133:1

WÂ bi, e ti so me kese hmönyin He ka tha laba je liamekeiny me ûhnyoköu!

Jeremia 32:39

ke oge me he ka ham kodra hnyok a khaca, me gethen a khaca, mʼ adre me he ka outö nya balua; mʼ adre me he ka so, me je lakudra hwabödra:

Mataio 9:16

E ba at ame ûtibetköuâ ecmano ae hât ka hnyi ûkhaû ae bobot ut; anyin a haba ecmano hnân okhötâ ame okongoâ ûkhaû me ame gan hmâ but mou.

Mareko 2:21

E ba ke at ame ûtibetköuâ ecmano a teb ûnyi ka hnyi ûkhaû ae bobot ut: wâ e nye ok ut ecmano ae bobot ge ecmano ae hât adre me ip hnân okhötâ, me ame he ka gan hmâ but mou.

Mareko 3:24

Ke a ne imouköu ke dokhu, e ca khana dokhu eling he ka tethmâ.

Ioane 10:19

Ke ame khekhe lo hmetu but at Juda can ta je hofuc eling.

Ioane 17:23

inya eû hnyi hnyidra, ke u eû hnyi hnyik, me adre me he ka khaca thibi hmonyin bi: me me he hmeledrany ka wâhmakhmetoâ a u je kunö nya, me u je hnyok kodra, helâji me hnâm hna hnyok könya.

Ioane 7:43

Me ame khekhe lo but tavat gan.

Ioane 9:16

Me ame ha keihen ta je Faresaio, ka habe, Ca ûnyi ge Khong at ang, anyin a e ame ca okabâ sabath. Ke haingen keihen, ka habe, A hawa at ae monu ka khana ka ânyâ ta je ûöman helâe? Me adre me khekhe lo but.

Ta je huliwa 4:32

Ke haba ûseiny tavat adre me labageju, adre me tha hnyok me tha ûnykûme: kʼ ame ca ha bi ke at gadra, a ga ka anyin bi ûnyi eling e ame hu; ke ka tha anyidra thibi.

Roma 1:13

Hnyat me lakeiny lö, e wek e me hnyi khanʼ öbun, a iny osehia ûnykûme he ka he köbun, (ke hu hna ovheli nya ke ne o but walang ang), me me hu gak ke je wan ûnyi gabun, helâ me hnyi ke keihen Aten ta je hnyei.

Roma 12:1

ANYIN a wale, hnyat me lakeiny lö, inya oge me ûjongi öbun ûnyi hnyi ibetengiö anyin Khong, möbun e he ka ham je unyibun me hnân hut ae möt, me kap, me so ka Khong, wale hanymöbun ae ûcû.

Roma 12:16

Tha hnyokköuâ juöbun. Ca ûnykûme bi ta je ûnyi ae görany, ke ca höcö he ka vheno ta je ûnyi ae hnyikânâ. Ca bemetâ bi öbun hnyi je ûnykûmenöbun.

Roma 15:30

Hnyat me lakeiny lö, inya oge sumat öbun ûnyi ge Tuhöta Iesu Keriso, me ûnyi ge ibetengiö anyin Hanu, möbun e he ka tha hic ûjöng mönya ka Khong hobi könya;

Roma 16:17

Inya oge me sumat Öbun hnyat me lakeiny, möbun e wâhmakhmetu ödra ju, waleji a tavat adre me okûâ imouköu me hnân öthöâ, wale ta je hwakecin ae ca ûcû bi me hnobun hna ûne: ke ûsâkâû mödrae

I. Korinito 1:11

Anyin a haba tavat hnyi hnyaba Keloe, me ödrin e hia but hai öbun könya, a gʼ ame iwatretra öbun.

I. Korinito 11:18

Anyin a walang ûnyi a bân, ka habe, oge long ut, öbun ka he ka ûkhacaköu hnyi ekalesia me öbun e imouköu; ke oge me ûnykûme me hnathu ke je hofuc.

I. Korinito 12:25

me me ba imouköu hnyi unyin; ke so bi me me ûtuököuâ je ong outhunyin.

I. Korinito 3:3

anyin a öbun tiga aten unyin: anyin a e unyibun ihunyinköu me iwatretra, hawa, ca aten unyin bi öbun, kʼ öbun e he helâ me hwakecin at bi?

I. Korinito 4:16

Anyin a wale, oge me sumat öbun he ka ûcûcubingi nya.

II. Korinito 10:1

HABA inya Paulo, at ae hnyikânâ e tha inya mʼ öbun, ke kwege e ka hiö nya mʼ öbun, me oge me khöû köbun ûnyi hnyi hwakecin ae menyik me ilemuk anyin Keriso:

II. Korinito 13:11

Hnyat me lakeiny lö, obiny ju ang, ka habe, e so öbun e hnahic. Wisa ju öbun, ke kahwa ju; tha hnyok ju; ûsoköu ju: me me e unyibun Khongon ibetengiö me hnahic.

II. Korinito 13:9

Anyin öhmun e sēnyin; a ne hwege öbun kʼ öhmun sënyin bi: öhmun e hic miny mʼ öbun e he ka bekhöt.

II. Korinito 5:20

Anyin a wale, öhmun je metâ anyin Keriso, helâke Khong ame khöû ûnyi gahmun: ke öhmun e sumatʼ öbun, hobi kâu Keriso, ka habe, ûsoköu öbun ju me Khong.

II. Korinito 6:1

KE öhmun ang hnyat öhmun e tha huliwa më, me öhmun e ûjongi öbun, wâ öbun nye kap bâûâ ibetengiö anyin Khong,

Galatia 4:12

Hnyat me lakeiny lö, inya oge me khöû köbun he ka helâ mönya, anyin a haba inya, me helâ möbun. Öbun e ca hia but okongu nya:

Filipi 1:27

E so e he ka ûcû hwakecibun me ûthumetu ae so anyin Keriso: me iny ka o he ka iouny mʼ öbun, ke a ne hiö nya minya bi, oge me he ka long gabun, ka habe, öbun e tethmâ hnyi hanu a khaca, me ûnykûme a khaca, me tha hwege ka hnyi labageju, wale ûthumetu ae so;

Filipi 3:16

ke haba hnöta hna o ka hnyin, me so ate me he bala bi hnyi ûnyi eling.

I. Thesalonika 5:13

me oûnyihnathu ödrin hmönyin hnyi ibetengiö can anyidrin huliwa. E so öbun e laba ûsoköu.

II. Thesalonika. 2:1

ÖHMUN e ûjongi öbun hnyat me lakeiny, wale ge ioiny hmetu Tuhöta Iesu Keriso, me hna ûkhacaköu öta kâu;

I. Timoteo 5:21

Inya oge me hûna wia köu hnyi hnyimakan Khong, me Keriso Iesu, me ta je angela adre ûca, ka habe, u me he ka tuö ta je ûnyi eang, ke ca he ka wâhmakhmeto, me bi hien ke at bi.

II. Timoteo 4:1

INYA oge me hûna wia köu hnyi hnyimakan Khong, me Keriso Iesu, at ame he ka owisa wamöt me wamok, me he ka manen dut e, me dokhon dokhu;

Josua 22:15

Ke ödrin e o but ka laku Reubena, me laku Gada, me hafiny tribu Manase hnyi hnyei Gileada, me ha ködrin ka habe,

I. Peteru 2:11

Hnyat a oûnykûmik lö, inya oge me ûjongi öbun a ta je atkanyua me tavat menâ tot, ka habe, ûsâkâûö but öbun me ta je weny unyin ae kong, je ûnyi ame vat me hanu;

I. Peteru 5:10

Ke haba Khong hwecin ibetengiö baû hia, wale ame hawʼ öbun ka hnyi anyin hmanenang ame ca ba balua unyin Keriso, öbun ka um dö vec hnyi ûen ae okhulit, me wale at ame he ka obekhöti öbun, me otethmʼ öbun, me ohwegi öbun.