I. Je Than 9:4 - Iaai Bible 1901 (New Caledonia)

⁴ Ke haba u, u je ne he ka he hnyi hnyimakök, helâ me hnö Davita a kâmâm hna he me hnyekon ae bekhot me wisa, he ka ânyâ ta je ûnyi hia oge hûna köu, me tuö anyik je hnanyibu me hnok je hna owisa;

I. Je Than 9:4 ပူးပေါင်းရင်းမြစ်များ

Genese 17:1

KE nainte nain hunai Aberama, me ame manen dut Iehova kö Aberama, me ha kân, ka habe, Inya ang Khong Ataekhanahia; u ma he hnyi hnyimakök, ke wisa but.

Genese 20:5

Hawa, a ca ha könya, ka habe, Hanik at e? ke haba momo, e ame ha minya, ka habe, Hanik at ang: me oge hia but ânyâ ûnyi ang ge hnyekuk ae hnathu, me li hnyamök ae alai.

II. Samuela 22:22

Anyin oge me vheno je gethen de Iehova, Ke oge me ca saû degecâ bi Khong me be monu but.

I. Je Than 11:38

Ke u je ne he ka long hia hoton hnok hna hûna köu, me vheno dek je gethen, me ânyâ ûnyi ae wisa hnyi hnyimakök, me tuö anyik je hnanyibu, me hnok je hna hûna, helâji a ânyâ Davita athnyabaik; me oge me he bi nya ka tha inya möu, me bi uma ae tet hmâ me umâm, helâji me hnok hna ânyâ hobi kö Davita, me oge me he ka ham köu Isaraela bi.

I. Je Than 11:4

Anyin ae ka hingat ut Solomona, haba laâiân ödrin e wia thö hynekon he ka hnu hoton je khong me monu: ke e ca bekhot bi hnyekon kö Iehova a Khongon, helâ me hnyeku Davita a kamen.

I. Je Than 11:6

Ke Solomona ame ânyâ hwakecin ae kong hnyi hnyimakö Iehova, ke ame ca ti hnu hotu Iehova helâ me Davita a kamen.

I. Je Than 14:8

me kia luâ dökhu ûnyi hnyi lap anyi Davita, me ham e köu: ke haba u ca ûcû me Davita athnyabaik, at ame tuö hnok je hna hûna me vheno hotuk hia ge hnyekon a khaca, he ka ânyâ thibi wisa hnyi hnyimakök;

I. Je Than 15:5

anyin a haba Davita ame ânyâ ûnyi ae wisa hnyi hnyimakö Iehova, me ca saû ûnyi hnyi ta je ûnyi hia e ame hûna kâu hnyi bongon ta je bong hia, ke so bi hwakecin thibi ga Uria at Heth.

I. Je Than 3:14

Ke u je ne he ka vheno dek je gethen he ka tuö anyik je hnanyibu me hnok je hna hûna, helâ me hnö Davita a kâmâm hna vheno, me oge me he ka osehia bongom je bong.

I. Je Than 3:3

Ke Solomona ame hnyok kö Iehova, kʼ ame vheno je hnanyibu anyi Davita a kamen; ke so bi e ame hudo me leû uto ae bo so hnyi je dok ae görany.

I. Je Than 3:6

Ke haingö Solomona, ka habe, U je betenge gan hmâ ga cica Davita athnyabaem, hoton hnen hnaʼ he hnyi hnyimâkâm hnyi hnathu, me hwakecin ae so, me hnyekon ae wisa köu; ke u je tuö hobi kâu ibetengiö ang ae gan, a u je ham kâu nokon he ka laba hon anyin theron, helâ me hnyi bong ang.

I. Je Than 6:12

Haba bongon uma ang u je op, me u je ne he ka vheno anyik je hnanyibu, me ânyâ hnok je hna owisa, me tuö hnok je hna hûna hia he ka vheno e; awe, oge me he ka ohmâ köu hok hofuc, waleji oge me ha kö Davita a kâmâm.

I. Je Than 8:25

Ke walang ang, Jehova lö, Khongu Isaraela, tuö thö hobi kâu athnyabaem a cica Davita waleji u je ha kâu, ka habe, Ame ca he ka ba hwabâm hnyi hnyimakök hnân tabô theron anyi Isaraela; wale thibi e ame ne he lakom ka tuö dedrin je gethen, he ka vheno hnyi hnyimakök, helâ me hnâm hna vheno hnyi hnyimakök.

II. Je Than 20:3

Iehova lö, oge me khöû köu, Ö u ûnykûme ju walang ang hnok hna he hnathu hnyi hnyimâkâm, me hnyok ae wisa, me ânyâ ûnyi ae so hnyi hnyimâkâm. Ke Hezekia ame tenge hwege.

II. Man Ûlabainy Je Than. 17:4

ke e ame elâm unyin Khongon kamen, me vheno anyin je hnanyibu, kʼ ame ca hnu hoton hwakecin Isaraela.

Salamo 101:2

Oge me he ka metâ hnyi gethen ae wisa: Ie ûen u me he ka o hnyin könya? Oge me he ka he hnyin umök uma me hnyok ae wisa.

Salamo 128:1

HNAHIC hnen at ame outö Iehova, A at ame vheno deny ta je gethen

Salamo 15:2

E so thibi at ame he wisa, me ânyâ wisa, Kʼ ame ha hnathu ûnyi eû hnyi hnyekon.

Salamo 26:1

IEHOVA lö, owiso nya thö, anyin a oge hia but vheno anyik wisa: Ke oge hia but labageju kö Iehova, me ca bwebwet.

Salamo 26:11

Ke oge me he bi nya ka vheno hwakecin ae wisa: Omeli nya ju, me betenge ju gak.

Salamo 78:72

Me e ame haödra hoton wisainy hnyekon: Me su ödra hnen metâiny li hnyamen.

Ta je Vejec 10:9

Haba at ame vheno wisa, me ame he khötkic: Ke ame he ka manen at ame ohwalö deny ta je gethen.

Ta je Vejec 20:7

Haba at ae wisa, wale at ame he hnyi anyin wisa, Me hnahic bi lakon hwaban.

Ta je Vejec 28:18

Haba at ame vheno wisa, me ame he ka mot: Ke haba at ae hwali a lo bongon, me ame he ka ie ta.

Ezekiela 18:9

ke ame vheno anyik je hnanyibu, ke tuö hnok je hna owisa, ke me ânyâ hnathu; awe, e at ae wisa, e hnathu e ame he ka möt haingen Than Iehova.

Zakaria 3:7

Walang hna ha hnö Iehova tuhan saboath, ka habe, U je ne he ka vheno dek je gethen, me tuö hnok je hna otilâ, me u me he ka owisa umök uma, me tuö je hnyeulek, ke oge me he ka ham köu dok he ka vheno unyin tavat adre me tot eû.

Luka 1:6

Ke ödru li at ae wisa hnyi hnyimakan Khong, kʼ ödru me vheno ta je hnanyibu ke ta je hna otilâ hnen Than, ke ba monu gadru.

Deuteronomi 28:1

KE u je ne he ka ti löng hoton hofuc ho Iehova Khongom he ka wâ wia me ânyâ hnen je hna hûna, wale oge me huna köu hnyi bong ang, me ame he Iehova Khongom ka obeönuai u hon ta je hynei hia eang hmelen: