I. Je Than 8:9 - Iaai Bible 1901 (New Caledonia)

⁹ E ba ûnyi hnyi hnyin tang, ke li veto thibi ae lau, waleji ame ip hnyin Mose hnyi Horeba, hnyi ûen Iehova ame ûhihinyköu me lakon Isaraela, waleji a ûhedrin hnyi hnyei Aigupito.

I. Je Than 8:9 ပူးပေါင်းရင်းမြစ်များ

I. Je Than 8:21

Ke oge me hia but bi hnen eling tang, adre hitangen ûhihinyköu anyi Iehova, waleji e ame ânyâ me lakamöta, kʼ ame hum ödrin ûnyi hnyi hnyei Aigupito.

II. Man Ûlabainy Je Than. 5:10

Ke ba ûnyi hnyin tang ke li veto thibi ae lau waleji a ip Mose hnyin hnyi Horeba, waleji hnyi ûen Iehova ame ûhihinyköu me lakon Isaraela, hnyi ûhedrin Aigupito.

II. Man Ûlabainy Je Than. 5:9

Ke ame beû li venyâ me me manen li hnyiban li venyâ hnyi tang cicö umen hofuc, ke ca manen bi eû. Ke ka eling ke ne o but hnyi bong ang.

Esodo 13:21

Ke haba Iehova ame he hnyi hnyimaködra hnyi lany hnyi ûlâ ame tot wisa, he ka hum odra eû hnyi gethen, ke hnyi hnyinghet, ge meic ama tot wisa, he ka omelami odra; mʼ adre me he ka he hnyi lany me lit:

Esodo 14:24

Ke haba hnyi hmak hnyi hnyomakatu, Iehova ame selâdrâ hnyi meic ame tot wisa me ûlâ, me ame ovecâ vat anyin at Aigupito.

Esodo 16:10

Ke Arona ame tiga ha hofuc ka ûkhacaköu hia anyin lakon Isaraela, me adre me bwele hnyebuba ai, ke wâ bi, e manen soi Iehova hnyi ûlâ.

Esodo 16:33

Haba Mose ame ha kö Arona, ka habe, Hom dö kaia me bi önyen ju e ge mana a khaca omer me ip hnyi hnyimakö Iehova, mʼ adre me he ka tuö hobi kâu anyibun je dö.

Esodo 25:16

Ke u me he ka hitangen hnyin tang ûnyi hnân ohnatho, wale oge me he ka ham köu.

Esodo 25:21

Ke u me he ka ip taben ibetengiö ethö hon tang: ke u me he ka hitangen hnyin tang ûnyi hnân ohnatho oge me he ka ham köu.

Esodo 40:20

Ke e ame hom me hitangen ûnyi hnân ohnatho hnyin tang, me inâ li venyâ hnyi tang, me ip taben ibetengiö ethö hon tang:

Ezekiela 10:4

Ke haba hmanenangi Iehova ame ölö ûheny hon kerubi, me tot hon hwanumen uma; ke unöngötö hnyeule ge ulâ, ke unö-ngötö hnyeule ge melaminy hmanenangi Iehova.

Levitiko 16:2

ke Iehova ame ha kö Mose, ka habe, Ha thö kö Arona a tuhâm, a gʼ ame ca he ka dit monu hnyi je ûen hia ka hnyi dok ae kap hoton singiny mano hnyi hnyimakan taben ibetengiö hon tang; wâ e nye mokcu: anyin a oge me he ka manen hnyi ûlâ hon taben ibetengiö.

Numera 17:10

Ke Iehova ame ha kö Mose, ka habe. Ip hmetu ju uci anyi Arona ka hnyi cicö tangen ohnatho, mʼ adre me tuö me hnân haten ka tavat bi tot; mʼ u me he ka bi obiny hnödra hna ulidri nya, mʼ adre me ca he ka mok bi.

Numera 9:15

Ke haba hnyi bong adre me otilâ uma mano hnyin, me ame tube uma mano hnen ûlâ, wale uma ohnatho: ke haba hnyi sahac e ame mokut hon uma mano helâ me meic ke ne o but hnyomakatu.

Deuteronomi 31:26

Hom dö tusiny hnanyibu eang, me ip e hnyi tangen ûhihinyköu anyi Iehova Khongubun, kʼ ame he ka hnen ling hnân ohnatho gam.

Deuteronomi 4:13

Ke e ame omanenâ köbun anyin ûhihinyköu, waleji e ame hûna köbun he ka ânyâ, a libenyita je hnanyibu, ke e ame sihnalimen hnyi li veto ae lau.

Heberu 9:4

ke eling taben meic gol, me tangen ûhihi-nyköu adre tube ge gol, ke eû hnyin e kaia gol ae hu mana hnyin, me uci anyi Arona ame vhong, me li taben ûhihinyköu;

Hna Omanenâ 15:8

Me ame unöngötö uma kap ge hai ûnyi hnyi hmanenang anyin Khong, me ûnyi hnyi maniny man; ke ba at ae khana he ka didro ka hnyi uma kap, ke ne o but ame hwâdâ thö je mok a seven anyin je angela a seven.