I. Je Than 8:1 - Iaai Bible 1901 (New Caledonia)

¹ HABA Solomona ame ûkhacakönâ wahingatiny Isaraela, me je ban je tribu hia, je tuhan je lap anyin je kamen laku Isaraela, kö Solomona than hnyi Jerusalema, he ka hom tangen ûhihinköu anyi Iehova ûheny hnyi taun anyi Davita, wale Ziona.

I. Je Than 8:1 ပူးပေါင်းရင်းမြစ်များ

II. Samuela 6:6

Ke adre me o ka hnyi hna huje hwit anyi Nakan, me haba Uza ame inâ benyin ka hnyi tang tangen Khong, me kât e; anyin ame haû li bolok.

I. Je Than 2:10

Ke Davita ame tha mokut me lakamen, me adre me konâm e hnyi taun anyi Davita.

I. Je Than 3:15

Ke ame hmak dö Solomona, me wâ bi, ame bwi: ke e ame o Jerusalema ai me tot hnyi hnyimakan tangen ûhihinyköu anyi Iehova, me hudo je hudiny leû, me je hudiny ole, me ânyâ bijeû ka lathnyabainy hia.

I. Man Ûlabainy Je Than. 11:7

Ke ame laba Davita hnyi hnabâ; anyin a wale adre me hwenyi ien e taun anyi Davita.

I. Man Ûlabainy Je Than. 15:25

Me Davita me wahingatiny Isaraela, me je taben thauzan, ödrin e he me hom senyinâ tangen ûhihinyköu anyi Iehova ûnyi hnyi hnyin uma umo Obed-edoma:

I. Man Ûlabainy Je Than. 15:29

Ke adre me odilâ thö tangen ûhihinköu anyi Iehova hnyi taun anyi Davita, me haba Mikala momo nöku Saulo ame selat hnyi mamalama me ō Davita than ame biâ me khumöng; me e ame hûkotiâ e eû hnyi hnyekon.

I. Man Ûlabainy Je Than. 15:3

Ke haba Davita ame ûkhacaköuâ Isaraela hia hnyi Jerusalema, he ka hom tang tangö Iehova, ka hnyi hnen, waleji e ame penapena hobi kâu.

I. Man Ûlabainy Je Than. 28:1

KE haba Davita ame ûkhacaköuâ ta je taben at Isaraela hia hnyi Jerusalema, a je taben je tribu, me je taben tavat bi huliwa ka than adre ve khenâ, me je taben thauzan, me je taben haded, me hnyat muso je ûnyi me omjehen than me lakon, tha ödrin me je eunuka, me tavat ae hwege, wale je hnyat hia ae hwege.

II. Man Ûlabainy Je Than. 30:1

KE haba Hezekia ame ûkhûnöng ka at Isaraela me Juda hia, me sihnalimen minya je tusi ka at Eferaima me Manase, mʼ ödrin e he ka o ka hnyi uma umü Iehova hnyi Jerusalema, he ka hnyi ânyâ paseka kö Iehova, Khongon Isaraela.

Ezera 3:1

KE ame o but tehi a seveniny, ke e but lakon Isaraela hnyi anyidrin je taun, me haba tavat adre me ûkhacaköu hnyi Jerusalema helâ me at a khaca.

Salamo 102:21

Me me he tavat ka ha iö Iehova hnyi Ziona, Me hnân ogânâ e hnyi Jerusalema;

Salamo 9:11

Khumöng olungi Iehova, at ame labâ Ziona: Omanenâ thö hnyi wanben ta je hnyei hnen je hna ânyâ.

Isaia 28:16

anyin a wale ame ha Than Iehova, ka habe, Wâ bi, inya oge me ip hnyi Ziona veto hnân taben, a veto adre cubec, vetoiny ban kopiny ae gan hwaban hnân taben ae hmâ: kʼ ame ca he ka he mweimwei at ame labageju kâu.

Isaia 46:13

oge me hakekenyâ anyik wisa, e ame ca he ka ûsâkâûö, ke ame ca he ka bec ûhomeli ûnyi gak; ke oge me he ka ip hnyi Ziona ûhomeli hobi kö Isaraela hmanenangik.

Numera 1:4

Ke ame he ka tha e möbu ke je hnyat, a ûsa khaca ûnyi hnyi je tribu; a je taben je lap anyin je lakamödrin.

Josua 23:2

me haba Josua ame hawâ at Isaraela hia thithö, me wahingatidra, me anyidra je ban, me tavat owisa ködra, me je homakan gadra, me ha ködra, ka habe, Iny hingat ut, ke se hia je hunaik:

Josua 24:1

KE haba Josua ame ûkhacaköuâ je tribu Isaraela hia hnyi Sekema, me hawâ wahingatiny at Isaraela, me je ban, me je hnyat owisa, me je homakan gadra; me adre me o hnyi hnyimakan Khong.

I. Peteru 2:6

Anyin adre me ha hnyi hna sihnalimen, ka habe, Wâ bi, inya oge me ip hnyi Ziona veto hnân kopiny adre ûca, ke gan hmâ hwaban: Ke ame ca he ka hmehma at ame labageju kâu.