I. Je Than 5:9 - Iaai Bible 1901 (New Caledonia)

⁹ Ke hamen lathnyabaik he ka lelö je ûö ka hnyi köiö ûheny Lebanona: me oge me he ka ûhukhâlâköuâ je ûö he ka hâiâ tilâ hnyi köiö ka hnyi dok u me he ka kû könya, ke adre me be ka thang ut eling, me u me he ka kap; ke u me he ka ânyâ wek he ka ham jeû hobi kâu anyik lap.

I. Je Than 5:9 ပူးပေါင်းရင်းမြစ်များ

I. Je Than 3:12

awe, oge hia but ânyâ helâ me hnâm hna ha: me wâ bi, oge hia but ham köu hnyok ae metâ me wahmakhmeto; ke ba ke at a helâ möu ehac, ke haba khaca, e ba ke at ame he ka ûcû möu ame he ka o hwabâm.

I. Je Than 4:20

Ke e se hia at Juda me Isaraela, helâ me önyin köiö ûseiny, adre me han me ic me senyin.

I. Je Than 5:10

Me Hirama ame ham kö Solomona je uto arasi me je uto kop e ame weny.

I. Je Than 5:8

Me haba Hirama ame ûkhûnöng kö Solomona me ha, ka habe, Oge me long ut uthumetu u je hunâ könya: me oge me he ka ânyâ hia wem, ge ta je uto arasi, me ta je uto kop.

I. Je Than 9:27

Ke haba Hirama ame kunâ hon hu ai lathnyabainy a je aten hu, tavat ödrin e wâhmakhmeto köiö, he ka tha he me lathnyabai Solomona.

II. Man Ûlabainy Je Than. 1:15

Ke haba than ame osehia sileva me gol hnyi Jerusalema helâ me je veto, me je arasi helâ me je sukamore hnyi hnyigöulen bucen.

II. Man Ûlabainy Je Than. 2:16

ke ohmun e he ka si utö hnyi Lebanona hoton wem: kʼ ohmun e he ka mâtâ eû hnyi köiö Jopa ai köu bi; ke u me he ka hom Jerusalema ai.

II. Man Ûlabainy Je Than. 9:22

Ke beönua Solomona than hon je than hia eang hmeledrany hnyi omjeû me metâ.

Ezera 3:7

Ke ödrin e ham mone ka tavat up veto, me tavat tretrau uto; me ham jeû me köiö, me wakaco, ka at Zidona me Turo he ka hom je uto arasi ûnyi Lebanona ka hnyi köiö, Jopa ai, hoton hna hna ködrin ga Koreso than Peresi.

Jobu 32:8

Ke e hu hanu eû hnyin at, Ke haba homenân Ataekhanahia ame ham ködrin wâ ûnykûme.

At Khet 1:16

Oge me ûhnenamö me hnyekuk, haingök, ka habe, Wâ bi, oge hia but hom hobi könya metâ ae beönua hudra hia adre bödra hnyi Jerusalema: eke, a wâ but hnyekuk metâ me wâhmakhmeto ae gan hmâ.

Ezekiela 27:17

Kʼ ame ûcû unyâm at Juda me hnyei Isaraela, adre me ûcû hnyi ânyâm je hna ûcû hwit ûnyi Minith, ke panag, ke hani, ke wakaco, ke basama.

Ta je huliwa 12:20

Ke ame hmonyin hnyekon ka at Turo me Sidona: me adre me tha he kâu hnyi hnyok a khaca, ke adre hia but hum Balaseto at ame tuö je hnyeuleny than, me ihumidra, ke adre me sumat ûsoköu, ke e hu jeû hnyi idra hnyei ûnyi hnyi hnyei iny than.

Deuteronomi 3:25

Iny ha he ju ka hnyi hama hnyei ae so hnyi ke keihen Joridano, wale bucen ae so, me Lebanona.