I. Je Than 5:6 - Iaai Bible 1901 (New Caledonia)

⁶ Ke walang ang u me he ka hûna he ka si arasi hnyi Lebanona hobi könya; ke ame he lakeik ka tha ödrin bi me lakeim; ke oge me he ka ham köu hwaban lakem hoton hnâm hna ha: anyin ae khanö u ae ba at gahmun ae khana he ka si uto helâ me at Sidona.

I. Je Than 5:6 ပူးပေါင်းရင်းမြစ်များ

Genese 10:15

Ke Kanana ame hnöku Zidona a atö, me Heth;

I. Je Than 10:26

Ke Solomona ame ûkhacaköuâ je kariota, me tavat tabö hors; me e hu gan bi wan thauzan ke foa haded je kariota, ke twelv thauzan tavat tabö hors, wale e ame khene ödrin ka hnyi je tauniny kariota, me Jerusalema unyin than.

I. Je Than 5:7

Ke a long ut Hirama hofuc ho Solomona, me e ame senyin gan hmâ, me ha, ka habe, Ole kö Iehova hnyi bong ang, at ame ham kö Davita nokon ae metâ he ka muso hnyei eling ae gan.

I. Je Than 6:16

Ke e ame bi haginy eiö hnyin uma a twente kubit ge je esö arasi, hwân eû hnyikânâi ke ne o thö ethö: wale e ame otilâ e eiö hnyin me hnân umen hofuc, wale hnân dok ae kap hmonyin.

I. Je Than 6:20

Ke haba umen hofuc me twente je kubit ibeûen, ke twente je kubit ûlauen, ke twente je kubit ibeûen goranyai; ke ame tube ge gol ae so, me tube taben hut ge arasi.

I. Je Than 9:19

me je taun hia hnân ip omjeû omjehe Solomona, me je taun hnân ip anyin je kariota, me je tauniny tavat tabö hors, me ûnyi a we Solomona he ka op hnyi Jerusalema hnân weny bi, me Lebanona, me hnyi hnyei hia hnyi dokhon dökhu.

I. Je Than 9:27

Ke haba Hirama ame kunâ hon hu ai lathnyabainy a je aten hu, tavat ödrin e wâhmakhmeto köiö, he ka tha he me lathnyabai Solomona.

I. Man Ûlabainy Je Than. 22:4

me je ûö arasi adre me ca aû, anyin a at Sidona me Turo ödrin e hom kö Davita je ûö arasi ae se hia.

II. Man Ûlabainy Je Than. 1:14

Ke Solomona ame ûkhacaköuâ je kariota, me tavat tabö hors: ke hu gan wan thauzan ke foa haded anyin je kariota, ke twelv thauzan tavat tabö hors, wale e ame ip ödrin hnyi je tauniny je kariota, me e unyin than hnyi Jerusalema.

II. Man Ûlabainy Je Than. 2:10

Ke wâ bi, oge me he ka ham ka lathnyabaem a hnyat si utö je tulut hwit adre kokot a twente thauzan, ke twente thauzan je tulut bali, ke twente thauzan je bath waina, ke twente thauzan je bath wakaco.

II. Man Ûlabainy Je Than. 2:8

Kunâ minya ju könya je ûö arasi, me kop, me alemuga, ûheny Lebanona; ke wâ bi ame he ka tha he lathnyabaik me lathnyabaem,

Ezera 3:7

Ke ödrin e ham mone ka tavat up veto, me tavat tretrau uto; me ham jeû me köiö, me wakaco, ka at Zidona me Turo he ka hom je uto arasi ûnyi Lebanona ka hnyi köiö, Jopa ai, hoton hna hna ködrin ga Koreso than Peresi.

Salamo 29:5

Ame hmetru je arasi hnen ifuci Iehova; Eke, Iehova ame thu je arasiny Lebanona.

Zakaria 11:12

Me haingök kodra, ka habe, A ne so köbun hö jem hwabök; ke a ne ba, hna ju. Me adre me tuluto hwabök a thote je sileva.

Roma 12:17

Ca bi hwaban bi monu anyin ke at ge monu. Penapena thö ta je ûnyi ae ûcû hnyi hnyimakan tavat hia.

Efeso 4:7

Ke adre me ve ham köta ibetengiö baû hoton tulutiny bwihlany anyin Keriso.

Deuteronomi 17:16

Ke so bi e ca so e ame osehia je hors hobi kâu, me ohmeto tavat Aigupito ai, me me he ka osehia haleny je hors: anyin a hia but ha Iehova köbun, ka habe, Öbun e ca he ka hmetu hnyi gethen eling.

Filipi 4:8

Hnyat me lakeiny lö, walang obiny, ka habe, haba ta je ûnyi ae hnathu, me ta je ûnyi adre me haisoâ, me ta je ûnyi ae wisa, me ta je ûnyi ae kalaöt, me ta je ûnyi ae hmanenang, me ta je ûnyi ae lung so; ke a ne ke hwakecin ae so, me ke ûnyi hnân ogânâ, ûnykûme ju öbun ta je ûnyi e.