I. Je Than 5:3 - Iaai Bible 1901 (New Caledonia)

³ E khanö u a e ca khanö cica Davita he ka bi uma hobi kâu iö Iehova Khongon can je vat igigilo, ke ne o but Iehova ame ip ödra hmelen li hnyeûcan.

I. Je Than 5:3 ပူးပေါင်းရင်းမြစ်များ

I. Je Than 8:19

ke so bi u me ca he ka op uma; ke haba nokom ame he ka o gam, me hamen bi he ka op uma hobi kâu iök.

I. Man Ûlabainy Je Than. 22:8

Ke so bi ame o könya hofuc ho Iehova, ka habe, E gan hmâ dra u je hingâlâ, ke gan hmâ hnâm hna vat: ke u me ca he ka op uma hobi kâu iök, anyin ae gan hmâ dra u je hingâlâ hon kânâ hnyi hnyimakök:

I. Man Ûlabainy Je Than. 28:2

Me ame tot Davita than, me ha, ka habe, Ling nya ju le liamekeiny mönya me lakeik: haba inya oge me ûnykûme he ka op uma umen tang ûhihinyköu anyi Iehova, me taben hnyeûcan Khongutin; ke oge hia but penapena he ka op e.

I. Man Ûlabainy Je Than. 28:3

Ke so bi Khong ame ha könya, ka habe, U me ca he ka op uma hobi kâu iök, anyin a u at vat me hingâlâ dra.

II. Man Ûlabainy Je Than. 9:4

me jeû hon anyin laulau, me ûlabainy lathnyabainy, me ûtilen hnyat huliwa kâu, me je khaûödrin; me tavat hok utkaia hnân belen, me khaûödrin; me gethen ame ölö ka hnyi uma umö Iehova: me ame gâ ön momo.

Nehemia 5:17

Ke haba khaca ame labö han hnyi anyik laulau at Juda me hnyat musi a wan haded ke fifte, ke ca ha bi ge aten ke je hnyei adre me he kohmun ûhedrin hnyi je hnyei igigili öhmun.

Nehemia 5:18

Ke haba ta je ûnyi adre me penapena hnyi ke bong me ke bong, me, khaca bolok, ke siks ta mamoe adre me ûca; ke adre me penapena hobi könya minya je meno ame gâ, ke haba hnyi je bong a ten adre me hip waina ae ve bongon; ke so bi hnyi ta je ûnyi hia eling oge me ca ûkhûnöng he ka hom an gavena, anyin adre me ohmakâ tavat ang ge huliwa.

Salamo 110:1

HAINGÖ Iehova ka tuhok, ka habe, Laba ju hnyi ke keihök a metök, Ke ne o but oge me he ka wia ta je iwahnaihmiöny möu me hnân taben li cam.

Salamo 8:6

U je otilâ e he ka muso ta je huliwa anyin li hnyamâm; U je hia but ip ta je ûnyi hia thithö eû hmelen li can:

Malaki 4:3

Ke öbun e he ka uto tavat ae kong; anyin adre me he ka helâ me hnabadröu hmelen je hnyeûcabun hnyi bong waleji oge me thu, haingö Iehova tuhan sabaoth.

I. Korinito 15:25

Anyin ae ûca kâu he ka musi ke ne o but a hia but ip hmelen li can ta je iwahnaihmiöny më hia.

Efeso 1:22

ke e ame ip ta je ûnyi hia hnyi hmelen li can, me hna but kâu he ka bi ban ta je ûnyi hia thithö hobi kâu ekalesia,

Deuteronomi 14:5

me aila, me zebi, me imura, me got ae hiny, me disona, me teo, me zamera.

Josua 10:24

Ke ödrin e hia but hom kö Josua je than eling a thabûng, me haba Josua ame hawâ at Isaraela hia thithö, me ha ka je taben vat a tha he mē, ka habe, Ai öbun jem me uto ju nyin je than eang. Me ödrin e he me uto je nyidrin.