I. Je Than 5:1 - Iaai Bible 1901 (New Caledonia)

¹ KE haba Hirama thaniny Turo ame kunâ lathnyabainy kö Solomona; anyin a e ame long a gʼ adre hû me me than hwaban kamen: anyin a Hirama ame labö hnyokö Davita.

I. Je Than 5:1 ပူးပေါင်းရင်းမြစ်များ

Genese 15:18

Haba hnyi bong eling Iehova ame ha ûhihinyköu me Aberama, ka habe, Oge hia but ham hnyei ang ka ta je mâtrânâm, hwân hnyi wageweiny Aigupito keneo but wagewe ae gan, wale wagewe Euferate:

II. Samuela 5:11

Ke haba Hirama thaniny Turo ame kunâ je ûthumetu kö Davita, me je ûö arasi, me tavat tretrau uto, me hnyat tretrau veto, me ödrin e up uma umo Davita.

II. Samuela 8:10

me haba Toi ame kunö Jorama a nokon kö Davita than, he ka iouny mē, me ha hnahicâ e, anyin a e ame hia but vat me Hadadeza, me kot e: anyin a li iwahnaihmiony jia Toi me Hadadeza. Ke e hu eû hnyi hnyamen je kaia sileva, me je kaia gol, me je kaia bras:

I. Je Than 10:25

Ke adre me ve hom anyidrin je bwihlany, a je kaia sileva, me je kaia gol, me je ûkhaû, me je ûnyi hnân vat, me je uto ae bo so, me je hors, me je miul, adre fâtâ hnyi ke huna me ke huna.

I. Je Than 5:10

Me Hirama ame ham kö Solomona je uto arasi me je uto kop e ame weny.

I. Je Than 5:13

Ke Solomona than ame ûca tavat ûheny Isaraela hia; ke haba hna hûce at, me ödrin thote thauzan tavat.

I. Man Ûlabainy Je Than. 14:1

KE haba Hirama than Turo ame kunâ je ûthumetu kö Davita, me je ûö arasi, me tavat huliwan veto, me tavat tretrau uto, mʼ adre me op umen uma.

II. Man Ûlabainy Je Than. 17:11

Ke haba keihen at Filisiti ödrin e hom kö Jehosafata je bwihlany, me fâtâ sileva; ke at Arabia ödrin e hom kâu je meno, a seven thauzan ke seven haded je mamoe baga, me seven thauzan ke seven haded je got baga.

II. Man Ûlabainy Je Than. 2:3

Ke haba Solomona ame ukhûnöng kö Hirama thaniny Turo, he ka ha, ka habe, U me he ka ânyâ könya, helâ me hnâm hna ânyâ kö cica Davita, me hmâ kân je arasi hnân op umen uma hnân laba hnyin.

II. Man Ûlabainy Je Than. 9:26

Ke e ame musi hon ta je than hia thithö hwân hnyi Wagewe ke ne o but hnyi hnyei iny at Filisiti, me ke ne o but hnyi hnyigöulen Aigupito.

Ezera 4:20

Ke haba ehac e hu je than ae hwege hnyi Jerusalema, kʼ ödrin e muso je hnyei hia thithö hoton wagewe; kʼ adre me labö fâtâ omjeû, me jeû, me bi öhnyei ködrin.

Salamo 45:12

Ke ame he ka e bi nöku Turo tha e me bwihlany; Ke ame he tavat tren omjeû hnyi hnyei ka sumâtâ ibetengiö gam.

Salamo 72:8

E ame he ka musi minya ûnyi hnyi ke köiö ke ne o but ka hnyi ke köiö, Ke ûnyi hnyi Wagewe ke ne o but ka hnyi je can hmeledrany.

Salamo 80:12

Ieû gam u je kia degecâ haginy je hak, Me adre me tau e hnen tavat hia adre me gethen eling?

Esodo 34:24

Anyin oge me he ka obâ ta je hnyei hnyi hnyimâkâm, me ogânâ je hnyegöulâm: ke ame ca he ke at ka behnyekon em hnyei, u ka he ka manen hnyi hnyimakö Iehova Khongom, hnyi kun ta ûen hnyi huna.

Isaia 23:1

HOK honen Turo. Je huiny Tasesa lö, kuku tenge thö; anyin ae ba wan e, ke ba uma, ke ba hna dit: adre me omanenâ e kodra ûnyi hnyi Kitim.

Ezekiela 19:11

Ke e hu gan je vheiny ae hwege hnân uci anyin tavat musi, ke adre ogöranyâ ibeûen e ûnyin je anginy ae khot ke e manen ge ibeûiny göranyai unyin je anginy ae se hia.

Amosa 1:9

Walang hna ha hnö Iehova, ka habe, Can kun ta monuiny Turo, eke, can vak, me oge me ca he ka ohavâ hwaban e; anyin adre me hna tavat hia ka at Edoma, ke adre me ca ûnykûme ûhihinyköu liamekeiny:

Numera 24:7

Ame he ka hingâlâ köiö ûnyi hnyi anyin li baket, Kʼ ame he ka hu je mâtrâniny hnyi je köiö ae se, Kʼ ame he ka gan hmâ thaniny hu Agaga, Kʼ adre me he ka oganâ dokhon dökhu.

Luka 7:5

anyin a e ame betenge ge ita hnyei, ke a hia but otilâ umöhmun sunago.

Deuteronomi 20:11

Ke adre me ne thu ûsoköu hmetu köu, me khong köu, me hamen tavat hia adre wâ eû hnyin be ka bi fat köu, me bi athnyabaem.

I. Samuela 10:27

Ke ame ha ke je laku Belial, ka habe, Ame he ka kâmâu hna omeli otin at eji? Me ödrin e hûkötiâ e, ke ödrin e ca hom kâu je bwihlany. Ke e bi ame laba hnyibû.