I. Je Than 4:1 - Iaai Bible 1901 (New Caledonia)

¹ HABA Solomona than, me e thaniny at Isaraela hia thithö.

I. Je Than 4:1 ပူးပေါင်းရင်းမြစ်များ

II. Samuela 20:23

Ke haba Joab me e taben je utbavat hia anyin at Isaraela: ke Benaia nöku Jehoiada me ban ka at Kerethi, me Pelethi:

II. Samuela 5:5

E ame musi Juda hnyi Heberona seven je huna ke siks je tehi: ke thote theri je huna e ame musi Isaraela me Juda hia hnyi Jerusalema.

II. Samuela 8:15

Ke Davita ame muso Isaraela hia; ke Davita ame ûhnö me ânyâ wisa ka lakeiny hia.

I. Je Than 11:13

Ke oge me ca he ka hûgûnâ hia dökhu; ke oge me he ka ham khaca tribu ka nokom, ga Davita athnyabaik, me Jerusalema waleji oge me ûca.

I. Je Than 12:6

Me haba Reoboama than ame ûhnenamö me wahingat, a hnyat adre me tot hnyi hnyimakö Solomona a kamen ke tiga möt, me ha, ka habe, Ie hofuc öbun e ûnykûme hnân thu ka tavat ang?

I. Je Than 3:28

Haba at Isaraela hia adre me long hna owisa hnen than; me adre me outen than: anyin adre me wâ a e unyin metâ he ka owisa ûnyi ge Khong.

I. Je Than 4:2

Ke walang je taben unyin; Azaria nöku Zadoka at bihut;

I. Man Ûlabainy Je Than. 12:38

Ödrin hia e tavat vat, tavat tot metâ, kʼ adre me he Heberona ai me hnyok ae bekhot he ka otilö Davita ka than hon Isaraela hia: ke haba khaca, e tha hnyekon bi je kolon at Isaraela he ka otilö Davita ka than.

II. Man Ûlabainy Je Than. 1:13

Ke haba Solomona ame he Jerusalema ai ûheny hnyi dok ae gorany hnyi Gibeona, hnyi hnyimakan uma ûkhacaköu; ke e ame musi hnyi Isaraela.

II. Man Ûlabainy Je Than. 9:30

Ke haba Solomona ame musi hnyi Jerusalema hon at Isaraela hia fâte je huna.

Nehemia 13:26

Hawa, a ca monu Solomona tuhan Isaraela hnen ûnyi e? ke so bi e ba than a helâ mē hnyi je hnyei ae se biâ, ke haba Khongon ame betenge gan, ke Khong ame otilâ e he ka than hon at Isaraela hia; ke so bi je momo kanyua ödrin e omono e.

At Khet 1:12

Inya at Khet, tuhan Isaraela hnyi Jerusalema.