I. Je Than 3:9 - Iaai Bible 1901 (New Caledonia)

⁹ Ö u ham könya athnyabaem hnyok ae metâ he ka owisa ka lakem, mʼ inye he ka wâhmakhmeto so me kong; anyin a ie at ae khana he ka owisa ka lakem ae gan helâng?

I. Je Than 3:9 ပူးပေါင်းရင်းမြစ်များ

II. Samuela 14:17

Ke ame ha athnyabaem, ka habe, Ö u, he ka öûsoköuâ but hofuc hwan than a tuhok: anyin a helâ than a tuhok me angela anyin Khong, he ka wâhmakhmeto so me kong: ke ame he Iehova Khongom ka tha e möu.

I. Je Than 10:24

Me haba hmeledrany hia ame elöm Solomona, he ka long anyin metâ, wale Khong ame ip eû hnyi hnyekon.

I. Je Than 3:10

Ke haba hofuc ho Solomona me so ka Than, wale ame sumâtâ ûnyi eling.

I. Je Than 3:28

Haba at Isaraela hia adre me long hna owisa hnen than; me adre me outen than: anyin adre me wâ a e unyin metâ he ka owisa ûnyi ge Khong.

I. Man Ûlabainy Je Than. 22:12

E na he ju Iehova ka ham köu metâ me wâhmakhmeto, me hûna köu ge at Isaraela; me u me he ka tuö hnanyibu anyi Iehova Khongom.

I. Man Ûlabainy Je Than. 29:19

ke ham kö Solomona a nokuk hnyok ae bekhot, he ka tuö hnâm je hna hûna, me hna ohnathoâ, me hnâm je hnanyibu, me he ka ânyâ ta je ûnyi hia eling, me otilâ uma, wale oge me penapena kâu.

II. Man Ûlabainy Je Than. 1:10

Ö u ham könya walang metâ me wâhmakhmeto, mʼ inye he ka didrut me didro hnyi hnyimakan tavat eang: anyin a ie at ae khana he ka owisa ka lakem eang ae gan?

Salamo 119:144

E wisa balua bi hnâm ta je hna ohnathoâ: Okhanö nya thö, me oge me he ka möt.

Salamo 119:34

Ham könya metâ, me oge me he ka tuö ânyâm hnanyibu; Eke, oge me he ka tuö e ge hnyekuk ae bekhot.

Salamo 119:73

Ame up nya me tretrau nya ge li hnyamâm: Okhanö nya thö, me me khanö nya ânyâm ta je hnanyibu.

Ta je Vejec 14:8

Haba metâ anyin at e so, me wale he ka wâ ûnykûme deny gethen: Ke haba hwen monu anyin tavat ae monu, me wale tang iyawo.

Ta je Vejec 16:16

Shaiba ge soiny hom metâ hon gol! Eke, e so he ka hu wâhmakhmeto hon he ka hûce sileva.

Ta je Vejec 20:12

Hnyiköny at ame long, ke ecmak at ame bwele, Ke Iehova ame tha up hia.

At Khet 7:11

E so metâ, ae ûcû e me hwajekhoû: eke, e ti beönua e ka tavat adre me wâ seûno.

At Khet 7:19

E man hmonyin metâ ka at ae metâ hon tavat musi a ten hnyi taun.

Jeremia 1:6

Me oge me ha, ka habe, Ekölö Than Iehova! wâ bi, e ca khanö nya he ka fuc: anyin a iny wanakat.

Jeremia 45:5

Ke hawa, u me elâm je ûnyi ae gan hobi köu bi? ca elâm bi: anyin a wâ bi, oge me he ka oâ okongon ka tavat hia thithö, haingö Iehova; ke oge me he ka ham köu ânyâm bi mot hnân jekhom hnyi ta je dok hia thithö waleji u me he ka he ka hnyin.

Daniela 2:21

ke e ame wia je huna me je ûen: e ame hom but je than me otilâ je than: e ame ham metâ ka tavat ae metâ, me wâhmakhmeto ka tavat wâhmakhmeto:

Mataio 3:11

Haba inya oge me bapataisoi öbun ge köiö ka hnyi ietra: ke haba at ame he jem hotuk ae beönua huk, ae ca ûcû nya bi he ka hom taben li hnyeûcan: e ame he ka bapataisoi öbun ge Hanu Kap me meic:

Mataio 3:14

Ke haba Ioane ame bethawâ e, me ha, ka habe, E so u me he bi ka bapataisoi nya, ke u me he but könya?

Ioane 5:30

E ca khanö nya he ka hake mâdrâ thiju ke ûnyi: oge me hnö hoton hnök hna long: ke inya oge me hnö wisa; anyin oge me ca elâm wek, ke so bi weny at a kunö nya.

II. Korinito 2:16

haba öhmun me bunen mok ka keihen tavat adre me he ka hnyi mok; ke öhmun bunen möt ka keihen tavat adre me he ka hnyi möt. Ke ie at ae ûcû ka hnyi ta je ûnyi eang?

II. Korinito 3:5

ca ha bi a öhmun hake ûcû he ka ûnykûme ke ûnyi, me ka ûnyi gahmun bi; ke öhmun ûcû a ûnyi ge Khong;

Efeso 5:17

Anyin a wale, ca hwen monu bi öbun, ke wâ ûnykûme weny Than.

Filipi 1:10

mʼ öbun e he ka haisoâ ta je ûnyi ae so; mʼ öbun e he ka hnyok hnathu, ke ba hnyikongon gabun ke ne o but hnyi bong bongon Keriso;

Heberu 5:14

Haba jeû, me hobi kâu tavat ae gan, wale tavat a ödra khenen huliwan hnyok he ka wâ cicöâ so me kong.

Iakobo 1:5

A ne ke at gabun ae ba metâ gan, me so e ame sumâtâ unyin Khong, at ame ham gânâ ka tavat hia thithö, kʼ ame ca û bi; me adre me he ka ham kâu.

Iakobo 3:17

Ke haba metâ ûnyi ethö wale a bân me ba hnyikongon, kʼ ame ûsoköu, me menyik, me ie löng, kʼ ame unöngöt ge ibetengiö me je wan ae so, ke ba lolo, ke ba iyawâ.