I. Je Than 3:7 - Iaai Bible 1901 (New Caledonia)

⁷ Ke haba walang ang, Iehova lö a Khonguk, u je otilö nya athnyabaem he ka than hwabö cica Davita: ke iny wanakat ae ûhnyûkong; ke ca khanö nya bongon he ka didrut me didro.

I. Je Than 3:7 ပူးပေါင်းရင်းမြစ်များ

II. Samuela 5:2

Ke haba ehac waleji a than kötin Saulo, me u thibi at ame lelö hââng me lelö hmetu jem at Isaraela: ke Iehova ame ha köu, ka habe, U ma he ka hān lakeik a Isaraela, ke u me be ka bi than hnyi Isaraela.

I. Man Ûlabainy Je Than. 22:5

Ke haingö Davita, ka habe, E tiga wanakat me but Solomona a nokuk, ke haba uma adre me be ka op hobi kö Iehova me ame he ka ti beönua mecin, me lung, me hmanenang hnyi ta je hnyei: anyin a wale oge me he ka penapena hobi kâu. Ke Davita ame penapena gan hmâ e me tiga ca mok.

I. Man Ûlabainy Je Than. 22:9

wâ bi, adre me he ka hnokoâ nokom, at ame laba ûsoköu, anyin a oge me he ka oûsokö-oâ e me je iwahnaihmiony mē igigilo: anyin a adre me he ka hwenyi ien Solomona, ke oge me ke ka ham ûsoköu me me laba wia at Isaraela hnyi bongon je bong hia:

I. Man Ûlabainy Je Than. 29:1

KE haingö Davita than ka ûkhacaköu hia, ka habe, Wanakat ae tiga but, Solomona a nokuk, e thibi ûcanen Khong, ke ti gan hmâ huliwa: anyin a ca hobi kâu at uma, ke hobi kö Iehova Khong.

Salamo 121:8

Ame he Iehova ka tuö u, u ka dit ut, ke u ka didro hmetu, Hwân walang ang ke ne o but nyiele balua.

Ta je Vejec 18:12

Ame bân ka bi gan hnyekon at, ke biliny bi he ka hia, Ke ame bân hnyok ae hnyikânâ, ke biliny bi hna ogânâ.

At Khet 10:16

Hnyei lö, e köiö gam, e ka wanakat tuhâm, ke ame han hnyi hnyomakatu ânyâm je taben!

Jeremia 1:6

Me oge me ha, ka habe, Ekölö Than Iehova! wâ bi, e ca khanö nya he ka fuc: anyin a iny wanakat.

Jeremia 1:7

Haba Iehova ame ha könya, ka habe, Ca ha bi, ka habe, Iny wanakat: anyin a u me he ka he kodra hia thithö, wale oge me kunö u ka hnyin, ke u me he ka ha ta je hofuc hia thithö oge me he ka hûna köu.

Daniela 2:21

ke e ame wia je huna me je ûen: e ame hom but je than me otilâ je than: e ame ham metâ ka tavat ae metâ, me wâhmakhmeto ka tavat wâhmakhmeto:

Daniela 4:25

a adre me he ka obö u unyin tavat, ke u me he ka tha laba me je menoiny hnyot, ke u me he ka han önying helâ me bolok, ke u me he ka kubet ge dân hau ûnyi hnyi drany, kʼ ame he ka seven je ûâm; ke ne o but ame khanö u thö a gʼ ame musi At ae Beönua hnyi dokhu dokhon tavat, kʼ ame ham e ka hnen hna weny kâu.

Daniela 4:32

Me adre me he ka obö u unyin tavat, me u me he ka tha laba me ta je menoiny hnyot; u m he bi ka han önying helâ me bolok ke ame he ka seven je ûâm, ke ne o but ame khanö u thö a gʼ ame musi At ae Beönua hnyi dokhu dokhon tavat, me ham e ka at e ame weny kâu.

Daniela 5:18

Than lö, Khong ae Beönua ame ham kö Nebukaneza a kamâm dökhu, me hna ogânâ, me mec, me hmanenang:

Daniela 5:21

ke adre obâ e unyin tavat; ke helâ but me je meno hnyekon, ke e ame tha laba me je asinainy hnyot; e ame han önying helâ me bolok, ke khubet unyin ge dân hau ûnyi hnyi drany: ke ne o but e ame wâ a gʼ ame musi Khong ae Beönua hnyi dökhu dokhon tavat, me e ame otilâ hon e hnen hna weny kâu.

Numera 27:17

me me didrut hnyi hnyimaködra me dit hmetu hnyi hnyimaködra, me lili ödra e helē, me ohmetu ödra, me me ca he ûkhacaköu anyi Iehova ka helâ me hnahat mamoe ae ba at ame tuö.

Ioane 10:9

Inya ang homagöule, a ne ke at ame didro unyik, e ame he ka möt, me didro me didrut, kʼ ame he ka wâ jeû.

Deuteronomi 31:2

Haingen ködra, ka habe, Wan haded ke twente but je hunaik hnyi bong ang; ke ca khanö nya hmetu he ka didrut me didrö: ke Iehova ame hia but ha könya, ka habe, U me ca he ka hanyâûâ Joridano eang.

I. Samuela 18:16

Ke ame betenge Isaraela hia me Juda hia ga Davita; anyin a e ame didrut me didro hnyi hnyimaködrin.