I. Je Than 3:6 - Iaai Bible 1901 (New Caledonia)

⁶ Ke haingö Solomona, ka habe, U je betenge gan hmâ ga cica Davita athnyabaem, hoton hnen hnaʼ he hnyi hnyimâkâm hnyi hnathu, me hwakecin ae so, me hnyekon ae wisa köu; ke u je tuö hobi kâu ibetengiö ang ae gan, a u je ham kâu nokon he ka laba hon anyin theron, helâ me hnyi bong ang.

I. Je Than 3:6 ပူးပေါင်းရင်းမြစ်များ

Genese 24:40

Me haingen könya, ka habe, Ame he Iehova, wale oge me he hnyi hnyimakan, ka kunâ anyin angela ka tha e möu, me ohnahicâ ûhem; ke u ma he ka hok âiân nokuk ûnyi hnyi anyik lap, me hnyaba cica:

II. Samuela 22:21

Iehova ame hia but bi hwaban könya hoton hwakecik ae wisa: E ame bi hwaban könya hoton hâuen li hnyamok.

II. Samuela 22:25

Anyin a wale Iehova ame hia but bi hwaban könya, hoton hwakecik ae wisa; Hoton hwakecik ae wisa hnyi hnyimakan,

II. Samuela 7:5

He thö me ha kö Davita athnyabaik, ka habe, Walang hofuc ho Iehova, ka habe, Hawa u me he ka up uma me hnyabak?

I. Je Than 1:48

Ke ame ha minya than, ka habe, Ole kö Iehova Khongu Isaraela at ame ham hnyi bong ang at he ka tabâ anyik theron, ke inya oge me wâ.

I. Je Than 15:5

anyin a haba Davita ame ânyâ ûnyi ae wisa hnyi hnyimakö Iehova, me ca saû ûnyi hnyi ta je ûnyi hia e ame hûna kâu hnyi bongon ta je bong hia, ke so bi hwakecin thibi ga Uria at Heth.

I. Je Than 2:4

me me he Iehova ka ohmâ hwan hofuc, waleji e ame ha gak, ka habe, Ame ne he lakom ka tuö dedrin je gethen he ka he hnyi hnyimakök hnyi hnathu ge hnyekudrin ae bekhot me hanu ae bekhot, (haingen,) ame ca he ka ba hwabâm hon theron hnyi Isaraela.

I. Je Than 3:14

Ke u je ne he ka vheno dek je gethen he ka tuö anyik je hnanyibu me hnok je hna hûna, helâ me hnö Davita a kâmâm hna vheno, me oge me he ka osehia bongom je bong.

I. Je Than 9:4

Ke haba u, u je ne he ka he hnyi hnyimakök, helâ me hnö Davita a kâmâm hna he me hnyekon ae bekhot me wisa, he ka ânyâ ta je ûnyi hia oge hûna köu, me tuö anyik je hnanyibu me hnok je hna owisa;

II. Je Than 20:3

Iehova lö, oge me khöû köu, Ö u ûnykûme ju walang ang hnok hna he hnathu hnyi hnyimâkâm, me hnyok ae wisa, me ânyâ ûnyi ae so hnyi hnyimâkâm. Ke Hezekia ame tenge hwege.

II. Man Ûlabainy Je Than. 1:8

Me haingö Solomona ka Khong, ka habe, U je betenge gan hmâ ga cica Davita, me otilö nya ka than hwaban.

Salamo 116:7

Hanuk lö, hmetu ju ka hnyi hnâm hna menâ; Anyin a hia but Iehova ânyâ köu so.

Salamo 119:17

Ânyâ thö so ka athnyabaem, me inye he ka möt; Me oge me he ka tuö hwâm hofuc.

Salamo 13:6

Oge me he ka khumöng kö Iehova, Anyin a e ama hia but betenge gan hmâ könya.

Salamo 15:2

E so thibi at ame he wisa, me ânyâ wisa, Kʼ ame ha hnathu ûnyi eû hnyi hnyekon.

Numera 12:7

Ke haba athnyabaik Mose, me ca helâe; e bi at ae hnathu hnyi hnyabak hia:

II. Korinito 9:11

ame otreni öbun ge omjeû hnyi ta je ûnyi hia, mʼ öbun e hnyi ham gânâ but, wale hnân okûâ ole ka Khong ûnyi gahmun.

II. Korinito 9:5

Anyin a wale oge me ûnykûme ae ûnyi hnathu he ka khöû ka ta je liamekeiny he ka bodrin köbun me penapena ta je ûnyi hnyi anyibun ibetengiö, waleji öbun e ha bânâ ehac, mʼ öbun e he ka penapena e, helâ me ûnyi hnyi ibetengiö, ke ca helâ bi me hna behânâ.