I. Je Than 3:3 - Iaai Bible 1901 (New Caledonia)

³ Ke Solomona ame hnyok kö Iehova, kʼ ame vheno je hnanyibu anyi Davita a kamen; ke so bi e ame hudo me leû uto ae bo so hnyi je dok ae görany.

I. Je Than 3:3 ပူးပေါင်းရင်းမြစ်များ

I. Je Than 11:34

Ke so bi oge me ca he ka hûgûnâ hia dökhu gan: ke oge me he ka ânyâ e, me me tuhan hnyi ta je bonginy hia anyin möt, ga Davita athnyabaik, wale o ge ûca, anyin a e ame tuö hnok je hna hûna, me anyik je hnanyibu:

I. Je Than 11:38

Ke u je ne he ka long hia hoton hnok hna hûna köu, me vheno dek je gethen, me ânyâ ûnyi ae wisa hnyi hnyimakök, me tuö anyik je hnanyibu, me hnok je hna hûna, helâji a ânyâ Davita athnyabaik; me oge me he bi nya ka tha inya möu, me bi uma ae tet hmâ me umâm, helâji me hnok hna ânyâ hobi kö Davita, me oge me he ka ham köu Isaraela bi.

I. Je Than 11:4

Anyin ae ka hingat ut Solomona, haba laâiân ödrin e wia thö hynekon he ka hnu hoton je khong me monu: ke e ca bekhot bi hnyekon kö Iehova a Khongon, helâ me hnyeku Davita a kamen.

I. Je Than 11:6

Ke Solomona ame ânyâ hwakecin ae kong hnyi hnyimakö Iehova, ke ame ca ti hnu hotu Iehova helâ me Davita a kamen.

I. Je Than 14:23

Ke ödrin e ânyâ minya hobi ködrin je dok ae görany, me je veto ame tot, me je Aseira, hon je dok ae hut hia, me hmelen je ûö ae hât hia thithö;

I. Je Than 14:8

me kia luâ dökhu ûnyi hnyi lap anyi Davita, me ham e köu: ke haba u ca ûcû me Davita athnyabaik, at ame tuö hnok je hna hûna me vheno hotuk hia ge hnyekon a khaca, he ka ânyâ thibi wisa hnyi hnyimakök;

I. Je Than 15:11

Ke haba Asa ame ânyâ wisa hnyi hnyimakö Iehova helâ me Davita a kiben.

I. Je Than 15:14

Ke adre ca ohia je dok ae görany: ke so bi e bekhot ut hnyeku Asa nnyi Iehova hnyi bongon ta je bong hia.

I. Je Than 15:3

Ke e ame vheno ta je hwakecin hia ae kong anyin kamen, waleji e ame ânyâ ehac: ke ame ca bekhot ut hnyekon kö Iehova a Khongon, helâ me hnyeku Davita a kiben.

I. Je Than 15:5

anyin a haba Davita ame ânyâ ûnyi ae wisa hnyi hnyimakö Iehova, me ca saû ûnyi hnyi ta je ûnyi hia e ame hûna kâu hnyi bongon ta je bong hia, ke so bi hwakecin thibi ga Uria at Heth.

I. Je Than 22:43

Ke e ame vheno gethen de Asa a kamen; e ame ca saû ûnyi hnyin, ame ânyâ ûnyi ae wisa hnyi hnyimakö Iehova: ke so bi adre me ca ohia je dok ae görany; ke haba tavat adre me bi hut bala me leû utö ae bo so hon je dok ae görany.

I. Je Than 22:44

Ke haba Jehosafata ame ânyâ ûsoköu me than Isaraela.

I. Je Than 3:14

Ke u je ne he ka vheno dek je gethen he ka tuö anyik je hnanyibu me hnok je hna hûna, helâ me hnö Davita a kâmâm hna vheno, me oge me he ka osehia bongom je bong.

I. Je Than 3:6

Ke haingö Solomona, ka habe, U je betenge gan hmâ ga cica Davita athnyabaem, hoton hnen hnaʼ he hnyi hnyimâkâm hnyi hnathu, me hwakecin ae so, me hnyekon ae wisa köu; ke u je tuö hobi kâu ibetengiö ang ae gan, a u je ham kâu nokon he ka laba hon anyin theron, helâ me hnyi bong ang.

I. Je Than 8:25

Ke walang ang, Jehova lö, Khongu Isaraela, tuö thö hobi kâu athnyabaem a cica Davita waleji u je ha kâu, ka habe, Ame ca he ka ba hwabâm hnyi hnyimakök hnân tabô theron anyi Isaraela; wale thibi e ame ne he lakom ka tuö dedrin je gethen, he ka vheno hnyi hnyimakök, helâ me hnâm hna vheno hnyi hnyimakök.

I. Je Than 8:61

E so e bekhot je hnyekubun unyi Iehova Khonguta, he ha vheno anyin je hnanyibu, me tuö hnen je hna hûna, helâ me hnyi bong ang.

I. Je Than 9:4

Ke haba u, u je ne he ka he hnyi hnyimakök, helâ me hnö Davita a kâmâm hna he me hnyekon ae bekhot me wisa, he ka ânyâ ta je ûnyi hia oge hûna köu, me tuö anyik je hnanyibu me hnok je hna owisa;

II. Je Than 12:3

Ke so bi adre me ca ohia je dok ae görany: ke haba tavat adre me bi hut bala me leû uto ae bo so hnyi je dok ae gorany.

II. Je Than 12:4

Ke haba Joasa ame ha ka tavat bihut, ka habe, Haba je mone hia ae kap wale adre me labö hom ka hnyi uma umo Iehova, a mone cici, wale mone anyin tavat adre ve ûcû, me mone hia a ûnykûme tavat he ka hom ka hnyi uma umo Iehova,

II. Je Than 14:3

Ke e ame ânyâ ûnyi ae so hnyi hnyimakö Iehova, he so bi a ca helâ me Davita a kiben: kʼ ame ânyâ hia hoton hna ânyâ hnö Joasa a kamen.

II. Je Than 14:4

Ke so bi adre me ca ohia je dok ae görany: ke haba tavat adre me bi hudo bala bi je hut me leû uto ae bo so hnyi je dok ae görany.

II. Je Than 15:35

Ke so bi adre ca ohia je dok ae görany: haba tavat ödrin e bi hut bala bi me leû uto ae bo so hnyi je dok ae görany. E ame op homagöule walethö hnyi uma umo Iehova.

II. Je Than 15:4

Ke so bi adre me ca ohia je dok ae gorany: ke haba tavat adre me bi hut bala, me leû uto ae bo so hnyi je dok ae gorany.

II. Je Than 18:22

Ke öbun e ne ha könya, ka habe, Öhmun e labageju kö Iehova Khonguhmun; hawa, ame ca ohia ga Hezekia anyin je dok ae görany me je taben hut, me ha ka at Juda me Jerusalema, ka habe, Walang taben hut hnyi Jerusalema öbun e he ka khudrung hnyi hnyimakan?

II. Je Than 18:4

Haba e ame ohia je dok ae görany, me tho je veto ame tot, me sö degecâ je Aseira: ke e ame kot amamâ on bras waleji a ânyâ Mose; anyin a lakon Isaraela ödrin e leû, utö ae bo so kâu, ke ne o but hnyi bong eling; ke e ame hwenyi ien me Nehusetana.

II. Man Ûlabainy Je Than. 15:17

Ke adre ca hom degecâ je dok ae gorany hnyi Isaraela: ke so bi, e wisa hnyeku Asa, hnyi bongon je bong hia.

Salamo 145:20

Iehova ame tuʼ ödra hia adre me hnyok kâu; Kʼ ame he ka ohia tavat hia ae kong.

Salamo 31:23

Hnyok ju kö Iehova, öbun laten ae kap hia: Iehova ame tuö tavat ae hnathu. Me bi hwaban gânâ ka at ame ânyâ hwakecin bi gan.

Levitiko 17:5

waleling me me he ka hom hnen lakon Isaraela haledra je meno hnân hudo, wale adre me labö hlingâ hnyi hnyei, ödra ka he ka hum odrin kö Iehova hnyi hwanumen uma ûkhacaköu, ka at bihut, me hlingʼ odrin hnân hudiny ole kö Iehova.

Mataio 22:37

Me e ame ha kâu, ka habe, U me he ka hnyok ka Than a Khongom ge hnyekom ae bekhöt, me hanom ae bekhöt, me oûnykûmâm ae bekhöt.

Ioane 14:15

Öbun e ne hnyok könya, öbun e he ka vheno anyik ta je hnanyibu.

Ioane 14:21

Haba at ae hu gan anyik je hnanyibu, kʼ ame vheno e, me wale bi e at ame hnyok könya: haba at ame hnyok könya, me ame he Cica ka hnyok kâu, ke oge me he bi nya ka hnyok kâu, ke oge me he minya ka omanenö nya kâu.

Roma 8:28

Ke e khanʼ öta a gʼ ame tha huliwa ta je ûnyi hia me me so ka tavat adre me hnyok ka Khong wale tavat ame hawʼ ödra helâ me hnen hna ûnykûme.

I. Korinito 8:3

a ne ke at ame hnyokâ Khong, awe, e ame wâ ûnykûme at eling.

Deuteronomi 10:12

Ke haba walang ang Isaraela lö, ieû we Iehova Khongom ûnyi gam, ke wale thibi ang, he ka outö Iehova Khongom, he ka vheno deny je gethen hia, me hnyok kâu, me athnyabai Iehova Khongom ge hnyekom ae bekhöt, me hanom ae bekhöt,

Deuteronomi 10:13

he ka tuö je hna hûna hnö Iehova, me anyin je hnanyibu, wale oge me hûna köu hnyi bong ang, mʼ u me so bi?

Deuteronomi 11:13

Ke öbun e ne he ka ti löng hoton anyik je hnanyibu oge me hûna köbun hnyi bong ang, he ka hnyok kö Iehova Khongubun, me bi athnyabainy ge je hnyekubun ae bekhöt, me hanubun ae bekhöt,

Deuteronomi 30:16

anyin a inya oge me hûna köu hnyi bong ang, he ka hnyok kö Iehova Khongom me vheno deny je gethen, me tuö anyin je hnanyibu, me hnen je hna otilâ, me hnen je hna owisa, mʼ u me möt me osehia, me ame he Iehova Khongom ka ohnahici u hnyi hnyei u me he ka hnyin he ca labā.

Deuteronomi 30:20

me hnyok ju kö Iehova Khongom, me löng hoton hwan hofuc, me kece kâu; anyin a e melam, ke at ame osehia bongom je bong: mʼ u me he ka labā hnyei Iehova ame khemanyin ka lakâmâm, jia Aberahama, me Isaaka, me Jekob, he ka ham ködrin.

Deuteronomi 30:6

Ke ame he Iehova Khongom ka peritomonâ hnyekom, me hnyekon je mâtrânâm, mʼ u me we Iehova Khongom ge hnyekom ae bekhöt me hanom ae bekhöt, mʼ u me möt bi.

Deuteronomi 6:5

ke hamâm he ka hnyok kö Iehova Khongom ge hnyekom ae bekhöt, me hanom ae bekhöt, me tang hwegiâm ae bekhöt.

Iakobo 1:12

Hnahic hnen at ame hokhnyokâ ûcûbic: anyin a at ka hia but cubecâ, me e ame he ka hu koranainy möt, wale a ha bânâ Than ka tavat adre me hnyok kâu.

Iakobo 2:5

Hnyat me lakeiny a oûnykûmik lö, löng ju öbun; hawa, ame ca ûca hnen Khong watheduoc eang hmeledrany he ka tren omjeû hnyi labageju, mʼ adre me he ka hu dokhu waleji e ame ha bânâ ka tavat adre me hnyok kâu.

I. Samuela 9:12

Me ödrin e thu ködrin, ka habe, e, wâ bi hnyi hnyimâkâm: hele thʼ öbu, anyin a o thö eja hnyi taun; anyin ae hu hut anyin tavat eâu hnyi dok ae görany: