I. Je Than 21:3 - Iaai Bible 1901 (New Caledonia)

³ Haba Nabotha ame thu kö Ahaba, ka habe, Ohe, e kap ga Iehova a oge me he ka ham iny lakamök köu.

I. Je Than 21:3 ပူးပေါင်းရင်းမြစ်များ

Numera 36:7

Me helâe adre me ca he ka ûhomköuâ je iny lakon Isaraela ûnyi hnyi ke tribu ka hnyi ke tribu; anyin ame he lakon Isaraela ka ve kece hmâ ka hnyi je iny je tribu anyin lakamödrin.

Levitiko 25:23

Ke adre me ca he ka ûco degecâ kânâ me me hia balua; anyin a ik kânâ: anyin a öbun je atkanyua, me tavat adre me laba ka bi athnyisi unyik.

Ezekiela 46:18

Ke haba khaca, ame ca he than ka hûgûnâ hwajekhon tavat, me hagutʼ ödra ûnyi hnyi idra; e ame he ka ham hwajekhon ka je lakon ge iny bi: me me ca vese lakeik hnyi je idra bi.

Roma 6:15

Ama hawa? ate me he ka ânyâ hulo anyin a ca öta bi hnyi hmelen hnanyibu, ke hmelen bi ibetengiö baû? Ohe.

Galatia 6:14

Ke haba inya, me oge me ca he bala ka hobelöû ke so thibi hnyi satauro anyin Tuhöta Iesu Keriso, kʼ adre me osatauroâ hmeledrany könya a deny e, ke ka inya minya ka hmeledrany.

I. Korinito 6:15

Ke ca khanʼ öbun a haba je unyibun, me wale je outhunyin Keriso? anyin a wale, hawa oge me he ka hom je outhunyin Keriso he ka wia me hnân outhunyin momo hnyi gethen? Ohe.

Roma 7:13

Hawa, hnân mekiny könya ûnyi ae so? Ohe, ke haba hulo, me me manen dut a e hulo bi, ame okûâ mok könya hnen ûnyi ae so:— me me ti kong gan hmâ hulo hnen hnanyibu.

Roma 7:7

Anyin a wale ieû ate me he ka ha? E monu hnanyibu? Ohe. Ke so bi a ne ba hnanyibu mʼ oge me ne ca he ka wâ ûnykûme hulo: a ne ca ha bi hnanyibu, ka habe, U ca behnyekon, me ca khanö nya bi behnyekon:

Roma 6:2

Ohe. Öta tavat a mok ka hnyi hulo, kʼ ate me he ka kâmâu he ka möt bala hnyin?

Roma 3:31

Hawa, ate me he ka oûnyibâûâ hnanyibu hnen labageju! Ohe; ke so bi ate me otilâ hmâ hnanyibu.

Roma 3:6

Ohe; a ne helâe ame he Khong ka kâmâu ka hnö hmeledrany?

Roma 3:4

Ohe; eja ke ne a ne thoi tavat hia, me so e me hnathu bala bi Khong; helâ me hna sihnalimen, ka habe, Mʼ u me he ka wisa hnyi hwâm ta je hofuc Me tom, at ka he ka hnei u.

Jobu 27:5

Kia inya Khong, oge me ca he ka haiwisai öbun: Oge me ca he ka degec ha hwakecik ae ba hnyikongon ke ne o but oge me mokcu.

I. Man Ûlabainy Je Than. 11:19

me ha, ka habe, Ohe, Khonguk lö, oge me ca he bi nya ka ânyâ ûnyi eling: hawa, oge me he ka ijem dren tavat eang ödrin e ne mokcu? anyin a ödrin e hom e, ke ödrin e ne mokcu. Anyin a wale e ame höcö he ka ijem. Wale hna ânyâ hnen hnyat eling a kun ae hwege.

I. Samuela 24:6

Me e ame ha ka lahien, ka habe, E so Iehova ame thawo nya he ka ânyâ ûnyi ang ka tuhok, at Iehova ame hû, he ka inâ hnyamok kâu, anyin a e bi at a hû hnö Iehova.

I. Samuela 12:23

Ke haba inya bi, ö iny ca he ka monu kö Iehova, he ka degec hiji öbun: ke oge me he ka nʼ öbun ge gethen ae so me wisa.

Josua 24:16

Ke haba tavat ödrin e thu me ha, ka habe. Ohmun na ca he ka hna degeci Iehova me bi athnyabainy ke je khong;

Josua 22:29

Ohmun na ca he ju ka khikhin ga Iehova, me hmetu ga Iehova hnyi bong ang, he ka otilâ taben hut hnân leû, me hudiny han, me ke hut, hnân he ka hanen taben hut kö Iehova Khongutin cicö umen uma mano.

Genese 44:17

Ke haingen, ka habe, Ohe, ame ca he ka helâe: ke haba at adre wâ unyin kaia e ame he ka hwenbâ unyik; ke haba öbun, he thʼ öbun me hmanenang ka kamöbun.

Genese 44:7

Ke haingödrin kâu, ka habe, Than j ame ha hofuc eling geû? Ohe e ca khanʼ öhmun je athnyabaem he ka ânyâ ûnyi e.

Numera 36:9

Ke ca he bi ka ûhomköuâ je hnyei ûnyi hnyi ke tribu ka hnyi ke tribu; anyin ame he je tribuiny lakon Isaraela ka ve kece hmâ ka hnyi je idra.