I. Je Than 2:4 - Iaai Bible 1901 (New Caledonia)

⁴ me me he Iehova ka ohmâ hwan hofuc, waleji e ame ha gak, ka habe, Ame ne he lakom ka tuö dedrin je gethen he ka he hnyi hnyimakök hnyi hnathu ge hnyekudrin ae bekhot me hanu ae bekhot, (haingen,) ame ca he ka ba hwabâm hon theron hnyi Isaraela.

I. Je Than 2:4 ပူးပေါင်းရင်းမြစ်များ

Genese 17:1

KE nainte nain hunai Aberama, me ame manen dut Iehova kö Aberama, me ha kân, ka habe, Inya ang Khong Ataekhanahia; u ma he hnyi hnyimakök, ke wisa but.

Genese 18:19

Anyin a oge hia but wâhmakhmetoâ e, me me hamen he ka hûna ka lakon me anyin lap hwaban e, mʼ adre me he ka tuö de Iehova, he ka ânyâ wisa me owisa; me me he Iehova ka ohmâ kö Aberahama hna ha bânâ gan.

II. Samuela 7:25

Ke walang ang, Iehova Khong lö, otilâ hmâ ju hofuc u je ha hobi kâu athnyabaem, me anyin lap nyiele balua, me ânyâ helâ me hnâm hna ha.

I. Je Than 1:48

Ke ame ha minya than, ka habe, Ole kö Iehova Khongu Isaraela at ame ham hnyi bong ang at he ka tabâ anyik theron, ke inya oge me wâ.

I. Je Than 11:36

Ke khaca tribu oge me he ka ham ka nokon, me me hu ga Davita athnyabaik nyiele balua lamepa hnyi hnyimakök hnyi Jerusalema, taun oge ûca hobi könya bi he ka ip eling iök.

I. Je Than 3:14

Ke u je ne he ka vheno dek je gethen he ka tuö anyik je hnanyibu me hnok je hna hûna, helâ me hnö Davita a kâmâm hna vheno, me oge me he ka osehia bongom je bong.

I. Je Than 3:3

Ke Solomona ame hnyok kö Iehova, kʼ ame vheno je hnanyibu anyi Davita a kamen; ke so bi e ame hudo me leû uto ae bo so hnyi je dok ae görany.

I. Je Than 6:12

Haba bongon uma ang u je op, me u je ne he ka vheno anyik je hnanyibu, me ânyâ hnok je hna owisa, me tuö hnok je hna hûna hia he ka vheno e; awe, oge me he ka ohmâ köu hok hofuc, waleji oge me ha kö Davita a kâmâm.

I. Je Than 8:23

ke haingen, ka habe, Iehova lö, Khongu Isaraela, e ba ke khong ae ûcû möu, ethö hnyi drany, me eang hmeledrany; at ame tuö ûhihinyköu mo ibetengiö ka je laathnyabaem, tavat adre me vheno hnyi hnyimâkâm me hnyekudrin ae bekhot:

I. Je Than 8:25

Ke walang ang, Jehova lö, Khongu Isaraela, tuö thö hobi kâu athnyabaem a cica Davita waleji u je ha kâu, ka habe, Ame ca he ka ba hwabâm hnyi hnyimakök hnân tabô theron anyi Isaraela; wale thibi e ame ne he lakom ka tuö dedrin je gethen, he ka vheno hnyi hnyimakök, helâ me hnâm hna vheno hnyi hnyimakök.

I. Je Than 9:5

me oge me he ka ohmâ theroniny dokhom dökhu hon Isaraela nyiele balua; helâ me hnok hna ha bânâ kö Davita a kâmâm, ka habe, Ame ca he ka ba hwabâm hon theroni Isaraela.

II. Je Than 20:3

Iehova lö, oge me khöû köu, Ö u ûnykûme ju walang ang hnok hna he hnathu hnyi hnyimâkâm, me hnyok ae wisa, me ânyâ ûnyi ae so hnyi hnyimâkâm. Ke Hezekia ame tenge hwege.

II. Je Than 23:25

Ke ba than a helâ mē ehac, ame hwio kö Iehova me hnyekon ae bekhot, me hanon ae bekhot, me hwegien ae bekhot, hoton ta je hnanyibu hia anyi Mose; ke a ca o bi ke at ae ûcû hwaban.

II. Je Than 23:3

Kʼ ame tot than hnyi tap me ânyâ ûhihinyköu hnyi hnyimakö Iehova, he ka he hotu Iehova, me tuö anyin ta je hnanyibu, me hnen ta je hna ohnatho, me hnen je hna otilâ, ge hnyekon ae bekhot me hanon ae bekhot, he ka ânyâ je hofuc hnyi ûhihinyköu ang, adre me sihnalimen hnyi tusi ang: me haba tavat hia adre me tot hwege ka hnyi ûhihinyköu.

I. Man Ûlabainy Je Than. 28:9

Ke haba u, Solomona nokuk, khanö u thö Khongon kâmâm, me bi athnyaba kâu ge hnyok ae bekhot me hanu ae weny: anyin a Iehova ame elâm ta je hnyok hia, me wâhmakhmeto ta je hna ûnykûme hia eû hnyi hnyok: u je ne elâm e, me u me he ka wâ e; ke u je ne hna degecâ e, me ame he ka digic u nyiele balua.

II. Man Ûlabainy Je Than. 17:3

Ke Iehova ame tha e me Jehosafata, anyin a e ame vheno je de Davita a bân a kiben, ke e ame ca elâm unyin je Baala;

II. Man Ûlabainy Je Than. 6:16

Anyin a wale, Iehova lö, Khongu Isaraela, tuö thö hobi kâu athnyabaem a cica Davita waleji u je ha bânâ kâu, ka habe, Ame ca he ka ba hwabâm hnyi hnyimakök, he ka tabâ theron hnyi Isaraela; ame ne he thibi lakom ka tuö dedrin je gethen, he ka vheno anyik hnanyibu helâ me hnâm hna hia but vheno hnyi hnyimakök.

II. Man Ûlabainy Je Than. 7:18

awe, oge me he ka otethmâ theroniny dokhom dokhu, helâ me hnok hna ûhihinyköu me Davita a kâmâm, ka habe, Ame ca he ka ba hwabâm hnân musi hnyi Isaraela.

Salamo 119:9

Ame he ka kâmâu hidröu ka ânyâwia deny gethen? Hamen he ka wâ wia e hoton hwâm hofuc.

Salamo 37:22

Ame he tavat, wale e ame ohnahicâ, ka hu hnyei; Ke e ame he ka subâ degecâ tavat ae hnaûhango.

Salamo 37:9

Anyin adre me he ka subâ degecâ tavat adre me ânyâ hulo: Kʼ ame he ka hu hnyei ka tavat adre me halubahing Iehova.

Salamo 39:1

HAINGÖK, Oge me he bi nya ka tuö dek je gethen, Mʼ oge me ca he ka monu ge bolimök: Oge me he ka tuö hnyimök ge ûnyi hnân ohnyibö, E ka tiga laba hnyi hnyimakök tavat ae kong.

Jeremia 33:17

Anyin a walang hna ha hnö Iehova, ka habe, Ame ca he ka ba hwabö Davita at ame he ka tabâ theroniny lap anyi Isaraela:

Levitiko 26:3

Öbun ka he ka vheno hnok je hna otilâ, me tuö anyik je hnanyibu, me ânyâ;

Zakaria 14:2

Anyin oge me he ka ûkhacaköuâ ta je hnyei hia ûcon Jerusalema he ka vat; ke adre me he ka hûgûnâ taun, me söh je uma, me okongoâ omomo: ke adre me he ka hom bâ hafiny taun, ke adre me ca he ka subâ degecâ ûnyi hnyi taun kolon tavat.

Mataio 22:37

Me e ame ha kâu, ka habe, U me he ka hnyok ka Than a Khongom ge hnyekom ae bekhöt, me hanom ae bekhöt, me oûnykûmâm ae bekhöt.

Luka 1:6

Ke ödru li at ae wisa hnyi hnyimakan Khong, kʼ ödru me vheno ta je hnanyibu ke ta je hna otilâ hnen Than, ke ba monu gadru.

Deuteronomi 10:12

Ke haba walang ang Isaraela lö, ieû we Iehova Khongom ûnyi gam, ke wale thibi ang, he ka outö Iehova Khongom, he ka vheno deny je gethen hia, me hnyok kâu, me athnyabai Iehova Khongom ge hnyekom ae bekhöt, me hanom ae bekhöt,

Deuteronomi 11:13

Ke öbun e ne he ka ti löng hoton anyik je hnanyibu oge me hûna köbun hnyi bong ang, he ka hnyok kö Iehova Khongubun, me bi athnyabainy ge je hnyekubun ae bekhöt, me hanubun ae bekhöt,

Deuteronomi 6:5

ke hamâm he ka hnyok kö Iehova Khongom ge hnyekom ae bekhöt, me hanom ae bekhöt, me tang hwegiâm ae bekhöt.

Deuteronomi 7:12

Ke ame he ka e bi, a u je ne löng je hna owisa eang, me tuö, me anyâ, a gʼ ame he Iehova Khongom ka tuö mou ûhihinyköu me ibetengiö waleji e ame khemanyin ka lakâmâm:

Juda 1:24

Ke so e unyin at ae khana he ka tuʼ öbun, wâ öbun nye ū but, me omanenʼ öbun ae ba hnyikongon hnyi hnyimakan anyin hmanenang me senyin ae gan,