I. Je Than 2:12 - Iaai Bible 1901 (New Caledonia)

¹² Ke Solomona bi ame tabâ theron anyi Davita a kamen; ke adre ti ohmâ dokhon dökhu.

I. Je Than 2:12 ပူးပေါင်းရင်းမြစ်များ

II. Samuela 7:29

ke walang ang, e na wem bi he ka ohnahicâ lap anyin athnyabaem, me me e bi nyiele balua hnyi hnyimâkâm: anyin a u at ame ha, Than Iehova: me ö u ohnahicâ lap anyin athnyabaem ge hnahic ûnyi gam nyiele balua.

I. Je Than 1:13

He thö ka dit kö Davita than me ha kâu, ka habe, Than lö a tuhök, u je ca khemanyin könya athnyabaem, ka habe, E hnathu ame he Solomona a nokom ka than hwabök, ke e ame he ka tabâ anyik theron? ke anyin a ieû ame musi but Adonia?

I. Je Than 1:30

a oge me he ka ânyâ hnyi bong ang helâ me hnok hna khemanyin köu ga Iehova Khongu Isaraela, ka habe, E hnathu ame he Solomona a nokom ka than hwabök, me e ame he ka tabâ anyik theron hwabök.

I. Je Than 1:35

Ke öbun e he ka he hoton, me e ame he ka tabâ anyik theron; anyin a e ame he ka than hwabök: ke oge me hia but wia e me me tuhan at Isaraela me Juda.

I. Je Than 1:46

Ke Solomona ame tabâ minya theroniny dökhu.

I. Je Than 2:46

Haba than ame kunö Benaia nöku Johoiada me e ame he me kot hlingâ e. Ke hmâ but dökhu unyi Solomona.

I. Man Ûlabainy Je Than. 23:1

KE hingat ut Davita me se hia je hunainy; me e ame otilö Solomona a nokon ka than hon at Isaraela.

II. Man Ûlabainy Je Than. 1:1

KE adre me ohwegiö Solomona nöku Davita hnyi dokhon dokhu, ke tha Iehova a Khongon mē, kʼ ame ogânâ e.

Salamo 132:12

Ame ne he lakom ka vheno anyik ûhihinyköu, Me je ûnyi hnân ohnathu nya wale oge me he ka nʼ ödra gan, Awe, ame he balua ta je lakudra ka tabâ ânyâm theron.