I. Je Than 18:3 - Iaai Bible 1901 (New Caledonia)

³ Ke haba Ahaba ame hao Obadia, at ame tuö hnyaban. (Ke haba Obadia ame ot gan hmâ ga Iehova:

I. Je Than 18:3 ပူးပေါင်းရင်းမြစ်များ

Genese 22:12

Me e ame ha, ka habe, Ca ip hnyamâm hon da, ke ca ânyâ ke ûnyi kâu: anyin a oge wâ but walang ang a u me outen Khong, anyin a u je ca behânâ gak nokom, wale nokom a khaca.

Genese 24:10

Ke haba athnyaba ame hom ke je kamela a libenyita hanen je kamela haleny tuhan, me he but; anyin a e ame musö ta je ûnyi hia anyin tuhan: ke e ame tot me he Mesopotamia ai, ka hnyi taun i Nahora.

Genese 24:2

Ke Aberahama ame ha ka athnyabainy, a hingatiny hnyaba, at ame musö anyin ta je ûnyi hia, ka habe, Inâ ju hnyamâm hmelen jevak:

Genese 39:9

ke ba at ae beönua huk hnyi hnyaba eang; ke e ame ca behânâ gak ke ûnyi ke u thiju, anyin a u bi âiân: oge ma hawa ka ânyâ monu e ae gan, ke kong ka Khong?

Genese 41:40

u thibi at ame he ka hon hnyabak, kʼ u ma he ka musö ik hnyei hoton hwâm hofuc: ke theron thiju oge ma he ka beönua hom.

Genese 42:18

Ke haba hnyi bong a kuniny Josefa ame ha ködrin, ka habe, Ânyâ thʼ öbun ûnyi ang mʼ öbun e möt; anyin a iny outen Khong:

I. Je Than 16:9

Ke haba Zimeri athnyabainy, taben hafiny anyin je kariota, ame sihnân: ke e bi hnyi Tireza ame ic me ka omono e bi hnyi uma umö Areza, at ame tuö hnyaban hnyi Tireza:

I. Je Than 18:12

Ke oge me ne he eâu ka he gam, me ame he Hanu Iehova ka hum u ka hnyi dok ae ca khanö nya; ke iny ka he but me thumetu Ahaba, ke e ame ca ō u, me e ame he bi ka hlingö nya: ke inya athnyabaem oge me outö Iehova hwân kʼ iny tiga wanakat.

I. Je Than 18:2

Ke Elia ame he he ka omanenâ e bi kö Ahaba. Ke e gan hmiâ hnyi Samaria.

II. Je Than 4:1

KE ame tenge kö Elisaia ke momo âiân ke nokon je perofeta, me ha, ka habe, A mokcu öiök athnyabaem: ke u me wâ e at ame outö Iehova, athnyabaem: ke ame o but at waleji e ame hom gufa gan, he ka hom lakuk li baga he ka bi athnyaba.

Nehemia 5:15

Ke haba je gavena ehac, ödrin e ohmakâ tavat, kʼ ödrin e hom ûnyi gadrin jeû me waina, me fâte je sekel sileva; eke, ke lathnyabaidrin minya ödrin e muso tavat: ke oge me ca ânyâ helâe, anyin a iny outen Khong;

Nehemia 7:2

me oge me kû Hanani liamekeiny mönya, me Hanania at ame muso hnabâ, he ka musi hnyi Jerusalema: anyin a e at ae wisa, kʼ ame ti outen Khong hon tavat ae se hia.

Jobu 28:28

Ke e ame ha ka at, ka habe, Wâ bi, haba hna outen Than, me wale metâ; Ke adre me ne degec hulo, me wale wâ ûnykûme.

Salamo 112:1

OGANÖ Ja thʼ öbun. Hnahic hnen at ame outö Iehova, At ame senyin gan hmâ ge anyin ta je hnanyibu.

Ta je Vejec 14:26

E hnyi ot kö Iehova labageju ae hwege: Kʼ ame he lakon ka hu dok hnân luba-duöng hnyin.

Malaki 3:16

Me ame ûhnenamököuâ tavat adre me outö Iehova: ke Iehova ame tevehlöng me long, me adre me sihnalimen tusi hnân oûnykûmeâ hnyi hnyimakan, hobi kâu tavat adre me outö Iehova, me ûnykûme ien.

Mataio 10:28

Ke ca ot bi ge tavat adre me hlingâ unyin, ke ca khanʼ ödra bi he ka hlingâ hanu: ke so he ka outen at ae khana he ka ohnaûhangoâ unyin me hanu hnyi gena.

Mataio 25:17

Ke helâe me at a kap lo, e ame ûcû hanen ke lo hmetu.

Ta je huliwa 10:2

e at fâfâ hnyekon, kʼ ame outen Khong tha e me anyin lap hia, me ham ta je betenge ae se ka tavat, me hic bala ka Khong.

Ta je huliwa 10:35

ke e ame kap at ame outen e hnyi ta je hnyei hia, wale at ame ânyâ hwakecin ae wisa.