I. Je Than 17:4 - Iaai Bible 1901 (New Caledonia)

⁴ Ke u me he ka ijem wagewe, ke oge hia but hûna je oreba he ka hâm.

I. Je Than 17:4 ပူးပေါင်းရင်းမြစ်များ

I. Je Than 13:28

Me e ame he me wâ komok adre khûâ eû hnyi gethen, me asina me liona ödru me tha tot hakekenyâ komok: haba liona ame ca an komok, kʼ ame ca kia minya asina.

I. Je Than 17:3

He thö eang, me he jio, me lubaduöng hnyi wagewe Kerith, cicö Joridano.

I. Je Than 17:5

Ke e ame he me ânyâ hoton hofuc ho Iehova: anyin a e ame he me laba hnyi wagewe Kerith, cicö Joridano.

I. Je Than 17:9

Todrö, he thö Sarepeta ai, hnyi Sidona, me laba ju eling: wâ bi oge hia but ha ka safac eling he ka hâm.

Jobu 34:29

E ka omenâ, me ie ame he ka haikongoâ? Ke e ka ikhâlâ hnyimakan, me ie ame he ka wâ e? Adre me ne ânyâ ka hnyei, kʼ adre me ne ânyâ ka at, me, khaca thibi:

Jobu 38:41

Ia penapena jeû hobi kâu oreba, E ka tenge lakon ka Khong, Me gâ monu ae ba an?

Salamo 147:9

E ame ham ka ta je meno ö ʼdra jeû, Me ka je lakou oreba ame kuku.

Jona 2:1

ME Jona ame hic kö Iehova a Khongon eû hnyi hnyin wâ.

Numera 20:8

Hom dö uci, ke ûkhacaköuâ tavat, a u, me Arona liamekeiny möu, ke öbu me he ka fuc ka kic hnyi hnyimaködra, me ame he ka ham köien; ke u me he ka oâ köiö ûnyi hnyi kic hobi ködra: ke u me he ka habelen ûkhacaköu, me haledra omeno.

Mataio 4:11

Me haba diabolo ame hna but e; ke wâ bi, ame o thö ta je angela me bi athnyabainy.

Mataio 4:4

Me e ame thu me ha, ka habe, Adre hia but sihnalimen, ka habe, Ame ca he ka möt at ge areto thibi, ke hnen bi ta je hofuc hia ame o but ûnyi hnyi hnyimen Khong.