I. Je Than 16:2 - Iaai Bible 1901 (New Caledonia)

² Anyin a oge ogöranyi u ûnyi hnyi sesâ me otüö u hnân thaniny lakeik a at Isaraela; ke u je hia but vheno gethen de Jeroboama, me kunâ lakeik a Isaraela he ka monu, he ka okûâ anyik hmonyin ge anyidrin je hulö;

I. Je Than 16:2 ပူးပေါင်းရင်းမြစ်များ

I. Je Than 15:34

Ke e ame ânyâ hwakecin ae kong hnyi hnyimakö Iehova, me vheno gethen de Jeroboama, me anyin monu, waleji ame okûâ hwakecin ae kong hnyi Isaraela.

I. Je Than 14:7

He thö ka ha kö Jeroboama, ka habe, Walang hna ha hnö Iehova Khongu Isaraela, ka habe, Oge me oganö u hnyi wanben tavat, me ûco u hnân thaniny hnyei Isaraela,

I. Samuela 2:8

E ame ogöranyâ at ae theduoc ûnyi hnyi sesâ, Me ogöranyâ at ae ba ta ûnyi hnyi hna digic thatûnyi, He ka tha olabʼ ödrin me je than, Me tabâ theron ae hmanenang: Anyin a e unyi Iehova je hmolominy hmeledrany, Ke e ame otilâ hmeledrany hon e.

Luka 1:52

E ame hagutâ je than ûnyi hnyi hon anyidra ta je theron, Me ogöranyâ tavat a ödra hnyikânâ.

Mataio 5:19

Anyin a wale, haba at ame he ka hanyâûâ khaca hnyi ta je hnanyibu eang ae ûhnyûkong hmonyin, kʼ ame nâ tavat he ka helâe, me adre me he ka ha oûhnyûkongo e hnyi dökhu dokhon drany: ke haba at ame he ka vheno me nâ, me adre me he ka ogânâ e hnyi dökhu dokhon drany.

I. Je Than 15:26

Ke e ame ânyâ monu hnyi hnyimakö Iehova, me vheno gethen deny kamen, me anyin hulö, wale ûnyi ame okûâ hwakecin ae kong hnyi Isaraela.

I. Je Than 14:16

Ke e ame he ka hna degeci Isaraela can je hulö anyi Jeroboama, wale e ame ânyâ, me at ame okûâ je hulö kö Isaraela.

I. Samuela 26:19

Anyin a wale, e na he than a tuhok ka long hofuc hwan athnyabaem. Ame ne ûnyi ga Iehova hnâm hna tot könya, me so e ame be ka kap hut: ke ame ne ûnyi ge tavat, me ödra ka hnaûhango hnyi hnyimakö Iehova: anyin a ödrin e hia but obö nya hnyi bong ang me me ca tha inya me jekhoû Iehova, me ha, ka habe, He thö ka athnyaba ke je khong bi.

I. Samuela 2:24

Ohe, lakuk; e ca so ûthûmetu oge long: öbu me omono tavat anyi Iehova.

Esodo 32:21

Ke haingö Mose kö Arona, ka habe, Ieû a anyâ köu tavat cang, mʼ u me okûâ ködra monu ae gan eang?

Jeremia 7:18

Ta je wanakat adre me thigö utö, ke haba je kamen adre me hû meic, ke haba je momo adre me up falawa, me adre me ânyâ je ong areto hobi kâu momo thaniny drany, me hingâlâ ka ke je khong je hudiny ic, me adre me ohmönyini nya.