I. Je Than 14:3 - Iaai Bible 1901 (New Caledonia)

³ Ke hom dö hnyi hnyamâm je areto a ten, me je ong areto ae balelöû, me tap hani, me he thö kâu: me e ame he ka thumetu u ge ûnyi ame be ka o ka wanakat.

I. Je Than 14:3 ပူးပေါင်းရင်းမြစ်များ

I. Je Than 13:7

Ke haba than ame ha ka aten Khong, ka habe, Ötu he ka hnyi hnyabak, mʼ u me menâ, me oge me he ka ham köu hwaban.

II. Je Than 1:2

Ke haba Ahazia ame kolu ûnyi hnyi hna pewanâ mamalama hnyi hnyeuleny ethö, hnyi Samaria, me e ame moko: ke e ame kunâ je ûthumetu, me ha ködrin, ka habe, He thö ka hnei Bele-sebuba kongon Ekerona me inye he ka möt ûnyi hnyi mok ang.

II. Je Than 4:42

Ke ame o but ke at ûheny Baala-salisa, ke ame hom ka aten Khong aretoiny je wan a bân, a twente je areto bali, me je ban hwit ae hât hnyi tangen tang. Me haingen, ka habe, Ham dö ka tavat mʼ ödrin e han.

II. Je Than 5:15

Me e ame hmetu ka aten Khong, e me anyin bunyen hia, me o, me tot hnyi hnyimakan: ke e ame ha, ka habe, Wâ bi, oge me wâ ju walang ang, ae ba Khong hnyi hmeledrany hia, ke hnyi Isaraela thibi: ke walang ang ö u hom dö bwihlany gak a athnyabaem.

II. Je Than 5:5

Me haba than Suria ame ha, ka habe, Awe, oge me he ka kunâ tusi ka than Isaraela. Me e ame he, kʼ ame tha hom me ta je talan sileva a ten, ke siks thauzan je sekel gol, ke ten ta hna khaû.

Mataio 26:7

me ame o but kâu ke momo ae hu kaia alabasa tangen muro ae gan hmâ hwaban, me hingâlâ hon ban, hnyi ûen e ame tiga laba ju ka han.

Ioane 11:3

Ke haba li lahaniny, me ödru me ûkhûnöng he ka ha kâu, ka habe, Taböny Than, mē wâ bi at u me betenge gan ame mok.