I. Je Than 13:2 - Iaai Bible 1901 (New Caledonia)

² Ke e ame hongot ka hnyi taben hut ge hofuc ho Iehova, me ha, ka habe, Taben hut, taben hut lö, walang hna ha hnö Iehova, Wâ bi, adre me he ka hnokoâ wanakat ka hnyi lap anyi Davita, Josea ien; ke e ame he ka hudo hom je hnyat bihut hnyi je dok ae görany, tavat ödrin e leû uto ae bo so hom, ke ödrin e he ka le hom je jeien at.

I. Je Than 13:2 ပူးပေါင်းရင်းမြစ်များ

I. Je Than 13:32

Anyin ame he ka hwâdâ hofuc waleji e ame hongot ge hofuc ho Iehova ka hnyi taben hut hnyi Beth-ela, me hon je uma hia hnyi je dok ae görany hnyi je taun hnyi Samaria.

II. Man Ûlabainy Je Than. 34:1

EIT but je hunai Josea hnyi ûen e ame hwân ka than; ke e ame musi hnyi Jerusalema thote wan je huna.

II. Man Ûlabainy Je Than. 34:3

Ke haba hnyi huna a eitiny anyin musi, ke tiga ûhnyûkong, e ame ibi hwân he ka elâm Khongu Davita a kiben: ke haba hnyi huna a twelv e ame hwân ka ohia je dok ae gorany hnyi Juda me Jerusalema, me je Aseira, me je hnatheat, me je hna oköiâ.

Isaia 1:2

Drany lö, long ju, ke hmeledrany lö, tevehling ju, anyin a Iehova ame hia but fuc me ha, ka habe, Oge hia but hat me tuö je wanakat, ke ödra bi adre me ûkhin fuc mönya.

Isaia 42:9

Wa bi, a hwâdâ thö ta je ûnyi a bân, ke inya oge me omanenâ ta je ûnyi ae teb ûnyi: ke oge me bok ka omanenâ köbun, ke tiga ca kû ta je ûnyi e.

Isaia 46:10

at ame haimemenâ obiny ûnyi hnyi can, ke ame ha ehac ta je ûnyi a ödra, tiga ca ânyâ bi; kʼ ame ha, ka habe, Ame he ka tethmâ anyik musi, ke oge me he bi nya ka ânyâ hia wek:

Isaia 58:1

HONGOT hwege ju, hai goranyai ifucâm helâ me trutru, ke haimemenâ thö ka lakeik hnödra hna hanyâûâ, ke haimemenâ thö ka lap anyi Jekob anyidra ta je hulo.

Jeremia 1:2

waleji ame o hofuc ho Iehova kâu hnyi bong bongu Josea, nöku Amona than Juda, hnyi huna a thötininy anyin musi.

Jeremia 22:29

Hmeledrany, hmeledrany, hmeledrany lö, löng ju hofuc ho Iehova.

Ezekiela 36:1

KE haba u, nokon at lö, perofeta thö ka je buceniny Isaraela, me ha, ka habe, Je buceniny Isaraela lö, long ju hofuc ho Iehova.

Ezekiela 36:4

anyin a wale, öbun je buceniny Isaraela lö, long ju hofuc hwan Than Iehova, ka habe, walang hna ha hnen Than Iehova ka ta je bucen me ta je hut me je deny köiö, me je hnyigöulen bucen, me je hnyebuba ae ba aten, me je taun adre me hna degecâ, wale a hnân söh me oû hnen kolon ta je hnyei igigilo:

Ezekiela 38:4

ke oge me he ka ohmetu u, me det hnyimâm ge je wage, me oge me he ka lili u but, me ânyâm utbavat hia, je hors, me tavat tabö hors, adre me khavâ khaûen vat ae bekhot, a bunyen ae gan hmâ, tavat ae hu gadra bec, me bec ae gan, ödra hia adre me hok hele vat:

Luka 19:40

Me e ame thu, ka habe, Inya oge me ha köbun, a ne laba hnyibû ju tavat ang, ame he bi ta je veto ka fuc.

Deuteronomi 32:1

DRANY lö, tevehlöng ju, ke oge me he ka fuc; Ke so hmeledrany ame löng ifucin hnyimök;