I. Je Than 11:4 - Iaai Bible 1901 (New Caledonia)

⁴ Anyin ae ka hingat ut Solomona, haba laâiân ödrin e wia thö hynekon he ka hnu hoton je khong me monu: ke e ca bekhot bi hnyekon kö Iehova a Khongon, helâ me hnyeku Davita a kamen.

I. Je Than 11:4 ပူးပေါင်းရင်းမြစ်များ

I. Je Than 11:2

ûnyi hnyi je hnyei waleji a ha Iehova ka lakon Isaraela, ka habe, Ca he öbun ködrin, ke khaca ödrin e ca he ka he köbun: anyin ae hnathu ödrin e he ka wia je hnyekubun he ka hnu hoton je khongudrin: me ame kece hnyeku Solomona ködrin.

I. Je Than 11:33

can ödrin e digic nya, me khudrung kö Aseira khong momo anyin at Zidona, me Kemosa khongon at Moaba, me Milekoma khongon laku Amona; ke ödrin e ca vheno dek je gethen, he ka ânyâ wisa hnyi hnyimakök, me tuö anyik je hnanyibu helâ me Davita a kamen.

I. Je Than 11:38

Ke u je ne he ka long hia hoton hnok hna hûna köu, me vheno dek je gethen, me ânyâ ûnyi ae wisa hnyi hnyimakök, me tuö anyik je hnanyibu, me hnok je hna hûna, helâji a ânyâ Davita athnyabaik; me oge me he bi nya ka tha inya möu, me bi uma ae tet hmâ me umâm, helâji me hnok hna ânyâ hobi kö Davita, me oge me he ka ham köu Isaraela bi.

I. Je Than 11:42

Ke haba ûen ame musi hnyin Solomona hon Isaraela hia hnyi Jerusalema, me fâte je huna.

I. Je Than 11:6

Ke Solomona ame ânyâ hwakecin ae kong hnyi hnyimakö Iehova, ke ame ca ti hnu hotu Iehova helâ me Davita a kamen.

I. Je Than 11:9

Ke haba Iehova ame hmöyin kö Solomona can hna wia hnyekon ga Iehova, Khongu Isaraela, wale a olo omanenâ e bi kâu,

I. Je Than 14:21

Ke haba Reoboama nöku Solomona ame musi hnyi Juda. Fâte wan je hunai Reoboama hnyi ûen e ame hwân ka musi, ke e ame musi seventin je huna hnyi Jerusalema, wale taun ame ûca Iehova hnyi je tribu hia anyi Isaraela he ka ip ien hnyin: ke haba ien hinyen, jia Naama momo Amona.

I. Je Than 15:14

Ke adre ca ohia je dok ae görany: ke so bi e bekhot ut hnyeku Asa nnyi Iehova hnyi bongon ta je bong hia.

I. Je Than 15:3

Ke e ame vheno ta je hwakecin hia ae kong anyin kamen, waleji e ame ânyâ ehac: ke ame ca bekhot ut hnyekon kö Iehova a Khongon, helâ me hnyeku Davita a kiben.

I. Je Than 3:3

Ke Solomona ame hnyok kö Iehova, kʼ ame vheno je hnanyibu anyi Davita a kamen; ke so bi e ame hudo me leû uto ae bo so hnyi je dok ae görany.

I. Je Than 6:1

KE hnyi huna a foa haded ke eite wale ame he but hnyin lakon Isaraela ûnyi hnyi hnyei Aigupito, hnyi huna a vakiny musi anyi Solomona hnyi Isaraela, hnyi tehi Zif, wale tehi a loiny, me e ame ibi hwân op uma umo Iehova.

I. Je Than 8:61

E so e bekhot je hnyekubun unyi Iehova Khonguta, he ha vheno anyin je hnanyibu, me tuö hnen je hna hûna, helâ me hnyi bong ang.

I. Je Than 9:10

Ke a um dö je hunai Solomona a twente ka op li uma, wale uma umö Iehova me uma umen than,

I. Je Than 9:4

Ke haba u, u je ne he ka he hnyi hnyimakök, helâ me hnö Davita a kâmâm hna he me hnyekon ae bekhot me wisa, he ka ânyâ ta je ûnyi hia oge hûna köu, me tuö anyik je hnanyibu me hnok je hna owisa;

II. Je Than 20:3

Iehova lö, oge me khöû köu, Ö u ûnykûme ju walang ang hnok hna he hnathu hnyi hnyimâkâm, me hnyok ae wisa, me ânyâ ûnyi ae so hnyi hnyimâkâm. Ke Hezekia ame tenge hwege.

I. Man Ûlabainy Je Than. 28:9

Ke haba u, Solomona nokuk, khanö u thö Khongon kâmâm, me bi athnyaba kâu ge hnyok ae bekhot me hanu ae weny: anyin a Iehova ame elâm ta je hnyok hia, me wâhmakhmeto ta je hna ûnykûme hia eû hnyi hnyok: u je ne elâm e, me u me he ka wâ e; ke u je ne hna degecâ e, me ame he ka digic u nyiele balua.

I. Man Ûlabainy Je Than. 29:19

ke ham kö Solomona a nokuk hnyok ae bekhot, he ka tuö hnâm je hna hûna, me hna ohnathoâ, me hnâm je hnanyibu, me he ka ânyâ ta je ûnyi hia eling, me otilâ uma, wale oge me penapena kâu.

II. Man Ûlabainy Je Than. 17:3

Ke Iehova ame tha e me Jehosafata, anyin a e ame vheno je de Davita a bân a kiben, ke e ame ca elâm unyin je Baala;

II. Man Ûlabainy Je Than. 25:2

Ke e ame ânyâ wisa hnyi hnyimakö Iehova, ke so bi e ca bekhot ut hnyekon.

II. Man Ûlabainy Je Than. 34:2

Ke e ame ânyâ wisa hnyi hnyimakö Iehova, me vheno hia je gethen de Davita a kiben, me e ame ca saû ka hnyi ke keihen metâ me me.

Esodo 20:3

U ma ca he ka hu ke je khong hnyi hnyimakök.

Deuteronomi 17:17

Ke e ame ca he ka osehia je laâiân, wâ e nye saû hnyekon: ke ca so e ame ûkhöûnâ sileva me gol hnân hobi kâu bi.

Deuteronomi 7:4

Anyin a e ame he ka okâ nokom unyik, me me he ka bi athnyabainy ke je khong: me ame he ka ubâhlâ hmönyin anyi Iehova köbun, ke e ame he ka ie ohiö o.