I. Je Than 11:2 - Iaai Bible 1901 (New Caledonia)

² ûnyi hnyi je hnyei waleji a ha Iehova ka lakon Isaraela, ka habe, Ca he öbun ködrin, ke khaca ödrin e ca he ka he köbun: anyin ae hnathu ödrin e he ka wia je hnyekubun he ka hnu hoton je khongudrin: me ame kece hnyeku Solomona ködrin.

I. Je Than 11:2 ပူးပေါင်းရင်းမြစ်များ

Genese 2:24

Waleling me me he at ka hna kamen me hinyen, me kece ka âiân; kʼ ame he ka khaca thibi unyidru.

Genese 34:3

Kʼ ame kece but hnyekon kö Dina nöku Jekob, ke e ame betenge ka hlu, me fuc menyik ka hlu.

I. Je Than 11:9

Ke haba Iehova ame hmöyin kö Solomona can hna wia hnyekon ga Iehova, Khongu Isaraela, wale a olo omanenâ e bi kâu,

II. Man Ûlabainy Je Than. 19:2

Ke haba Jehu nöku Hanani at wâ ame he me ûkhanö më, me ha kö Jehosafata than, ka habe, Hawa, e so köu he ka hadruâ at ae kong, me betenge gadrin adre me hûkötiö Iehova? anyin a wale e hu hmonyin anyi Iehova köu.

II. Man Ûlabainy Je Than. 21:6

Ke e ame vheno gethen deny je than Isaraela, helâ me hna ânyâ ge lap anyi Ahaba: anyin a âiân momo nöku Ahaba: ke e ame ânyâ ûnyi ae kong hnyi hnyimakö Iehova.

Ezera 9:12

Ke walang ang ca he ka ham lakubun wahlu ka lakudrin obaga, ke ca hok lakudrin wahlu hobi kâu lakubun obaga, ke ca he ka elâm anyidrin hnahic me so nyiele balua: mʼ öbun hwege bi, me an soiny kânâ, me ûjelabâ ge lakubun nyiele balua.

Salamo 139:21

Iehova lö, hawa oge me ca hûkotiâ tavat adre me ikiki u? Me vec minya ge tavat adre me bi tot köu?

Esodo 23:31

Ke oge me he ka si hnyigöulâm hwân hnyi Köiö ae Dra ke ne o but ka hnyi köien at Filisiti, ke hwân hnyi hnyebuba ke ne o but hnyi Wagewe: anyin oge me he ka hna ka hnyi hnyamöbun tavat adre me labâ hnyei; kʼ u me he ka obʼ odra hnyi hnyimâkâm.

Esodo 34:12

Wâ wiö u bi, wâ u nye ânyâ ûhihinyköu me aten hnyei u me he ka hnyin, wâ e nye he ka nuc u helâ me hnewe unyâm:

Esodo 34:16

ke wâ u nye he ka hom lakudra je hlu hobi kâu lakom je baga, me ame he lakudra je hlu ka bi ûnyi monu me anyidra je khong, kʼ ame he minya lakom je baga ka bi ûnyi monu me anyidra je khong.

Malaki 2:11

Juda ame hia but iyawö, ke adre ânyâ ûnyi ae ikiki hnyi Isaraela me Jerusalema; anyin a hia but Juda okongoâ ûnyi ae kap waleji e ame hnyok kâu, me hom hlu nokon khong kanyua me âiân.

Roma 1:32

ke khanʼ ödra hna hûna hnen Khong, a e ûcû kodra he ka mok, ödra ka ânyâ ta je ûnyi e, ke adre me mâdrâ ta je ûnyi eling, kʼ adre me ogʼ ödra minya bi tavat adre me ânyâ.

Roma 12:9

E so betenge ke ba thoi hnyin. Ikikiâ thö ûnyi ae kong; kece ju ka ûnyi ae so.

I. Korinito 15:33

Ca iyâûʼ öbun bi: ûhnenamö ae monu, wale at ame okongoâ hwakecin ae so.

Hna Omanenâ 2:4

Ke so bi e hu gak ûnyi ang gam, a u me hna degecâ wem a bân.