I. Je Than 10:9 - Iaai Bible 1901 (New Caledonia)

⁹ Ole kö Iehova Khongom, at ae weny u, he ka otilö u hon theroni Isaraela: anyin a Iehova ame betenge ka at Isaraela nyiele balua, anyin a wale e ame otilö u ka than, he ka ânyâ wisa me ûnyi ae ûcû.

I. Je Than 10:9 ပူးပေါင်းရင်းမြစ်များ

II. Samuela 23:3

Ame ha Khongu Isaraela, Ame fuc könya kic anyi Isaraela: At ame muso tavat hnyi wisa Ame musi me outen Khong;

II. Samuela 5:12

Ke Davita ame wâhmakhmeto a Iehova ame otilâ me me thaniny Isaraela, kʼ ame ogânâ dokhon dökhu can je lakeiny a at Isaraela.

II. Samuela 8:15

Ke Davita ame muso Isaraela hia; ke Davita ame ûhnö me ânyâ wisa ka lakeiny hia.

I. Je Than 3:28

Haba at Isaraela hia adre me long hna owisa hnen than; me adre me outen than: anyin adre me wâ a e unyin metâ he ka owisa ûnyi ge Khong.

I. Je Than 5:7

Ke a long ut Hirama hofuc ho Solomona, me e ame senyin gan hmâ, me ha, ka habe, Ole kö Iehova hnyi bong ang, at ame ham kö Davita nokon ae metâ he ka muso hnyei eling ae gan.

I. Man Ûlabainy Je Than. 17:22

Anyin a u je wia lakem a Isaraela me me em hnyei nyiele balua; ke u thibi, Iehova, u je bi Khong ködrin.

II. Man Ûlabainy Je Than. 2:11

Me haba Hirama than Turo ame thu hnyi tusi a kunâ kö Solomona, ka habe, Anyin a Iehova ame betenge ge lakeiny, me ame otilö u he ka tuhödrin.

Salamo 18:19

E ame su nya minya ka hnyi dok ae lau; E ame omeli nya anyin a e ame senyin könya.

Salamo 22:8

Hnö u thö kö Iehova; hamen bi he ka omelo e: Hamen he ka omelo e, anyin a e ame senyin kâu.

Salamo 72:2

E ame he ka owisa lakem ge hwakecin ae wisa, Me latâm ae vec hoton wisa.

Isaia 42:1

WÂ bi ang athnyabaik, at o ge me cö; ûcanök, ame senyin kâu hnyekuk: oge hia but ip hanuk hon e; e ame he ka oâ hna owisa ka je Ethen.

Isaia 62:4

Ke adre me ca he hmetu ka haiö u, ka habe, Adre degec; ke adre me ca he bi ka ha ge em hnyei, ka habe, E ba aten: ke adre me he ka hwenyi iâm, ka habe, Hnok hna senyin gan, ke haba ien em hnyei, A faipoipo thö: anyin ame senyin köu Iehova, kʼ ame he ka faipoipo em hnyei.

Isaia 9:6

Anyin adre me hnokoâ hobi köta wanakat, kʼ adre me ham köta da; ke ame he ka e bi hon bajebenyin musi; ke adre me he ka hwenyi ien e, Hnân lâiâ, me At ame obongon, me Khong ae man, me Kamen a nyiele balua, me Thaniny ûsoköu.

Isaia 9:7

Ame ca he ka hu obiny ûganiny anyin musi, me ûsoköu hon theron anyi Davita, me hon dokhon dokhu, he ka ohmâ e me cö e ge hna owisa me hwakecin ae wisa hwân walang ang ke ne o but nyiele balua. Ame he ka ânyâ e hnen weny ae gan hmâ anyi Iehova tuhan sabaoth.

Jeremia 31:3

Haba Iehova ame manen dut könya ehac me ha, ka habe, Inya oge me betenge gam ge betenge a nyiele balua: anyin a wale oge hia but lili u ge betenge baû.

Malaki 1:2

Oge hia but betenge gabun, haingö Iehova. Ke haingöbun, ka habe, U je hai but betenge gahmun hnyi ieû? Hawa, ca kei Esau Jekob? haingö Iehova: ke oge me betenge ga Jekob;

Deuteronomi 7:8

ke so bi ûnyi hnyi ibetengiö anyi Iehova köbun, ke hnyi weny he ka oûnyihnathö hnen hna khemanyin ka lakamöbun, waleling me me hum öbun hnö Iehova ge hnyam ae hwege, me omeli öbun ûnyi hnyi hnyaba ae ûthaluo, a ûheny hnyi hnyamö Farao than Aigupito.