I. Je Than 10:3 - Iaai Bible 1901 (New Caledonia)

³ Ke Solomona ame omanenâ kâu ta je ûnyi e ame hnö: e ba ûnyi a ikhâlâ than a ga ca omanenâ kâu.

I. Je Than 10:3 ပူးပေါင်းရင်းမြစ်များ

II. Samuela 14:17

Ke ame ha athnyabaem, ka habe, Ö u, he ka öûsoköuâ but hofuc hwan than a tuhok: anyin a helâ than a tuhok me angela anyin Khong, he ka wâhmakhmeto so me kong: ke ame he Iehova Khongom ka tha e möu.

II. Samuela 14:20

A ânyâ ûnyi eling Joab athnyabaem, hnân he ka wia bongon: ke e metâ tuhok helâ me ûmetâinv angela anyin Khong, he ka wâhmakhmetoâ ta je ûnyi hia tbithö eang hmeledrany.

I. Je Than 10:1

KA long ut momo than Sheba lung anyi Solomona hnyi iö Iehova, me e ame o but he ka cubec ge je hofuc ae iyong.

I. Je Than 10:2

Ke e ame o but hnyi Jerusalema me bunyen ae se, a je kamela ame hijen je utö ae bo so, me gol ae ti gan, me je veto ae ûnyi hnathu: kʼ ame o but kö Solomona, me e ame ûhnenamö më ge ta je ûnyi eû hnyi hnyekon.

I. Je Than 10:4

Ke a hia but momo than Sheba wâ ta je metâ anyi Solomona, me uma e ame op,

I. Je Than 3:12

awe, oge hia but ânyâ helâ me hnâm hna ha: me wâ bi, oge hia but ham köu hnyok ae metâ me wahmakhmeto; ke ba ke at a helâ möu ehac, ke haba khaca, e ba ke at ame he ka ûcû möu ame he ka o hwabâm.

II. Man Ûlabainy Je Than. 9:2

Ke haba Solomona ame omanenâ ka momo anyin ta je hofuc hia: e ba ke ûnyi adre ikhâlâ kö Solomona wale a ca omanenâ ka momo.

Ta je Vejec 13:20

Tha he ju me tavat ae metâ, mʼ u me he ka metâ: Ke ame he ka iei at ame hanen tavat ae monu.

Isaia 42:16

Ke oge me he ka hom ta je wadröu hnyi gethen ae ca khanʼ ödra; me su ödra hnyi je gethen ae ca khanʼ ödra: ke oge me he ka wia menekholom hnân lany bi hnyi hnyimakodra, ke owisa je dok ae hwahwali. Wale ta je ûnyi oge me he ka ânyâ hobi kodra, ke oge me ca he bi ka hnʼ ödra.

Mataio 13:11

E ame thu ködrin me ha, ka habe, Adre me ham köbun he ka wâhmakhmetoâ ta je ûnyi ae iyong hnyi dokhon drany, kʼ adre me ca ham bi kodra.

Ioane 7:17

A ne weny ke at he ka mâdrâ weny, e ame he ka wâhmakhmetoâ hna ûne, a ne ûnyi ge Khong, oge ne ha ka ûnyi bi gak.

I. Korinito 1:30

Ke ûnyi gan öbun hnyi Keriso Iesu, at adre wia köta ûnyi ge Khong hnân metâ, me hwakecin ae wisa, me kap, me hnân möt:

Kolose 2:3

at adre ikhâlâ unyin ta je omjeûiny hia metâ me wâ ûnykûme.