I. Ioane 5:19 - Iaai Bible 1901 (New Caledonia)

¹⁹ E khanʼ öta a ûheta unyin Khong, ke hmeledrany hia thithö ame mokut unyin at ae kong.

I. Ioane 5:19 ပူးပေါင်းရင်းမြစ်များ

Luka 4:6

Ke haba diabolo ame ha kâu, ka habe, Oge me he ka ham köu ta je musi hia e, me ta je hmanenanginy: anyin adre hia but hna but e könya; mʼ inye he ka ham ka at oge me wek kâu.

Ioane 12:31

Adre me he walang ang ka owisa hmeledrany: ke adre me he walang ang ka obâ tuhan hmeledrany ang.

Ioane 14:30

Oge me ca he hmetu ka ose hia fuc köbun, anyin ame he jem tuhan eang hmeledrany:

Ioane 16:11

ge hna owisa anyin adre hia but owisa tuhan eang hmeledrany.

Ioane 17:15

Oge me ca sumatö u a u me he ka hum ödrin ûnyi eang hmeledrany, ke so bi he ka tuʼ ödrin hnyi hulö.

Roma 8:16

Haba Hanu ame ka tha ohnathoâ me je hanuta, a öta je lakon Khong:

II. Korinito 1:12

Anyin a walang anyihmun sēnyin, a gʼ ame ohnathoâ hnen ûnykûmenöhmun ae hnyi hwakecin ae wisa me hnathu ûnyi ge Khong, ke ca ûnyi bi hnyi metâiny unyin ke ûnyi hnyi ibetengiö baû anyin Khong, öhmun e ânyâ hwakecihmun eang hmeleʼ drany, ke ti gan hmâ bi köbun.

II. Korinito 4:4

wale tavat ame owadruâ je oûnykûmenödra bi, ke adre me ca labageju bi, ûnyi ge khongon hmeledrany eang, wâ e nye melam! kodra melaminy ûthumetu ae so ae hmanenang anyin Keriso, wale ae we Khong.

II. Korinito 5:1

ANYIN ae khanʼ öhmun a ga ne kia but umöhmun uma menâ eang hmeledrany, me hu bi gahmun uma ûnyi ge Khong, wale uma adre ca mâdrâ bi ge hnyam, ame ca ba balua, ke ethö hnyi drany.

Galatia 1:4

waleji at ame ka hamen ham e hobi kâu anyita ta je hulo, me me omeli ota ûnyi hnyi ang hmelen ae kong, hoton weny Khong a Kamöta:

Efeso 2:2

waleji öbun e vheno adrem hoton hwakecin eang hmeledrany, hoton taben at ame muso hnyi dok ae bwang, wale hanu at ame huliwa hnyi hnyekon tavat adre me ca ûling;

II. Timoteo 1:12

Can e oge me vecâ ta je ûnyi e; ke inya oge me ca hmehma bi; anyin oge me wâhmakhmeto but e, waleji at oge me labageju kâu, ke mou thö hnyi hnyekuk a e khana he ka tuö hnok hna hna kâu, ke ne o but hnyi bong e.

Tito 3:3

Anyin a öta ta je monu ehac, me tavat ca ûling, me tavat adre iyawâ, me bi athnyabainy ta je weny ae kong, me ta je ûnyi hnân osenyinâ unyin a ve bongon bi, ate me laba hnyi hnyok ae kong me ihunyinköu, tavat hnân ikikiâ, me tavat adre me ûikikiköu.

Iakobo 4:4

Öbun tavat bi ûnyi monu, hana, e ca khanʼ öbun a iwahnaihmiony me Khong he ka hanen hmeledrany? Anyin a wale haba at ame behe ka hanen hmeledrany me wale iwahnaihmiony me Khong.

I. Ioane 3:14

E khanʼ öta, a ate me hia but didro ûnyi hnyi mok ka hnyi möt, anyin ate me betenge ge je liamekeiny. Haba at ame ca betenge, me e bala bi hnyi mok.

I. Ioane 3:24

Ke haba at ame löng hoton anyin ta je hnanyibu, me ame laba eû hnyi hnyekon, ke e minya eû hnyi hnyekon. Ke hnen bi e, me ate me wâhmakhmeto a e ame laba eû hnyi hnyekuta, ûnyi ge Hanu e ame ham köta.

I. Ioane 5:10

Haba at ame labageju ka Nokon Khong, me e hu but eû hnyi hnyekon hna ohnatho: haba at ame ca labageju ka Khong, me ame hai thoiâ e; anyin a e ame ca hia but kap hnen Khong hna ohnathoâ Nokon.

I. Ioane 5:13

Oge hia but sihnalimen ta je ûnyi e köbun tavat öbun e labageju ka ien Nokon Khong, me me khanʼ öbun ae hu but gabun möt ae ca ba balua.

I. Ioane 5:15

ke a ne khanʼ öta a e ame ling öta hnyi hnöta hna sumâtâ, me e khanʼ öta ae hu but gata minya ta je ûnyi ate me sumâtâ gan.

I. Ioane 5:18

E khanʼ öta bi a gʼ ame ca ânyâ hulo hnen at adre hnokoâ ûnyi ge Khong; ke ame tuö e hnen at eji a hnokoâ ûnyi ge Khong, ke ame ca kâlâ e hnen at ae kong.

I. Ioane 5:20

Ke e khanʼ öta a gʼ ame hia but o Nokon Khong, ke a hia but ham köta hna wâhmakhmeto, me me khanʼ öta e at ae hnathu, ke öta but eû hnyi hnyekon at ae hnathu, wale eû hnyi hnyekon Nokon a Iesu Keriso. Wale Khong ae hnathu, me möt ame ca ba balua.

Hna Omanenâ 12:9

Me adre me obâ but drakona ae gan, wale on adrem, adre hwenyi ien Diabolo, me Satana, at ame omonoâ hmeledrany hia thithö; adre obâ but ka hnyi hmeledrany, ke adre tha obâ e me anyin ta je angela.

Hna Omanenâ 20:3

me khûâ e ka hnyi hmonop ae dit hmonyin, kʼ ame hlöng e, kʼ ame ohmâ haten hon, me me ca he hmetu ka omonoâ ta je hnyei, ke ne o but ame bekhöt je huna a wan thauzan: ke hwaban e, e ûcû he ka thang hmetu but e hnyi ûen ae okhulit.