I. Ioane 5:18 - Iaai Bible 1901 (New Caledonia)

¹⁸ E khanʼ öta bi a gʼ ame ca ânyâ hulo hnen at adre hnokoâ ûnyi ge Khong; ke ame tuö e hnen at eji a hnokoâ ûnyi ge Khong, ke ame ca kâlâ e hnen at ae kong.

I. Ioane 5:18 ပူးပေါင်းရင်းမြစ်များ

Salamo 119:101

Oge hia but behânâ li cak ge ta je gethen hia ae kong, Me inye he ka tuö hwâm hofuc.

Salamo 119:3

Eke, adre me ca hnyi ânyâ hwakecin ae hwali; Kʼ adre me vheno deny ta je gethen.

Salamo 17:4

Haba ta je huliwa anyin tavat, me, ûnyi ge ifuciny li esongodâm Oge hia but tuö nya mʼ inye ca he hnyi je gethen deny tavat ûkuc.

Salamo 18:23

Ke ba hnyikonguk minya gan, Ke oge me tuö nya bi ge anyik hulo.

Salamo 39:1

HAINGÖK, Oge me he bi nya ka tuö dek je gethen, Mʼ oge me ca he ka monu ge bolimök: Oge me he ka tuö hnyimök ge ûnyi hnân ohnyibö, E ka tiga laba hnyi hnyimakök tavat ae kong.

Ta je Vejec 4:23

Ti tuö wia ju hnyekom; Anyin ame o but möt ûnyi e.

Levitiko 11:37

Ke a ne kölu takoû je hatong adre ta, ge ke ûnyi a hanen unyin je ûnyi e a mokcu, me ame he ka bo so.

Mataio 5:37

Ke so e helâng ifucibun, ka habe, E, e; e ba, e ba: anyin a ûnyi hnyi monu he ka bi hanen hon e.

Mataio 6:13

Ca hum ohmun ka hnyi ûcûbic, ke so bi hûgûnʼ ohmun dut ûnyi hnyi hulö.

Ioane 1:13

ke adre me ca hnöku ödra ûnyi hnyi dra, ke ca ûnyi minya bi ge weny unyin, ke ca ûnyi ge weny at, ke ûnyi bi ge Khong.

Ioane 14:30

Oge me ca he hmetu ka ose hia fuc köbun, anyin ame he jem tuhan eang hmeledrany:

Ioane 15:4

Laba ju öbun eû hnyi hnyik, ke inya minya eû hnyi hnyibun. E ca khana vheiny he ka wa thibut, a ne ca tot hnyi vine; ke helâe e ca khanʼ öbun, öbun e ne ca laba eû hnyi hnyik.

Ioane 15:7

Öbun e ne laba eû hnyi hnyik, ke hok ta je hofuc ame laba minya hnyi je hnyekubun, öbun e he ka sumâtâ ûnyi öbun e weny, me adre me he ka ânyâ hobi köbun.

Ioane 15:9

Inya oge me hnyok köbun helâ me Kamen ame hnyok könya: tet hmâ ju öbun hnyi anyik ibetengiö.

Ta je huliwa 11:23

ke ame o but me wâ ibetengiö baû anyin Khong, me e ame senyin, me khöu kodra hia he ka kece ka Than ge hnyok ae tethmâ:

Iakobo 1:18

E ame hnöku öta ge hwan hofuc ae hnathu hoton weny, mʼ ate me he ka helâke je wan a bân ge ta je ûnyi e ame op.

Iakobo 1:27

Walang hwakecin hmi ae kalaöt me ba hnyikongon hnyi hnyimakan Khong a Kamen, ka habe, he ka senâ je nakahme me je safac hnyi anyidra vec, me hamen he ka tuö e, me me ca hu hnyikongon hnen hmeledrany.

I. Peteru 1:23

anyin adre hnöku öbun hmetu ca ûnyi bi hnyi wan ame he ka bobot, ke so bi ge wan ame ca be ka bobot hnen hofuc hwan Khong ae möt me tethmâ nyiele balua.

I. Ioane 2:29

A ne khanʼ öbun a e at ae wisa, awe, e khanʼ öbun minya a gʼ adre hnoko ûnyi gan tavat hia adre me ânyâ hwakecin ae wisa.

I. Ioane 3:12

ca helâ me Kaina, a ûnyi ge at ae kong, kʼ ame hlingâ keiny. Ke can ieû e ame hlingâ e? Can ae kong anyin bi ta je huliwa, ke wisa bi ta je huliwa anyin keiny.

I. Ioane 3:3

Ke haba ödra hia ae hu gadra geju eang, me, adre me okabi ödra bi, helâ më ae kap.

I. Ioane 3:9

Ame ca ânyâ hulo at adre hnokoâ ûnyi ge Khong, anyin ame laba eû hnyi hnyekon wan gan; ke e ca khana he ka ânyâ hulo, anyin adre hnokoâ ûnyi ge Khong.

I. Ioane 4:6

Öhmun tavat ûnyi ge Khong: ke ame ling öhmun hnen at ame wâhmakhmeto Khong; ke ame ca ling öhmun hnen at a ca ûnyi ge Khong. Hnen ûnyi e ate me wâhmakhmeto hanu ae hnathu, me hanu ae monu.

I. Ioane 5:1

ADRE hnokoâ ûnyi ge Khong hnyat adre me kap, ka habe, Iesu thibi Keriso: ke haba at ame hnyokâ at a hnokoâ, me ame he ka hnyokâ minya at e ame hnokoâ.

I. Ioane 5:15

ke a ne khanʼ öta a e ame ling öta hnyi hnöta hna sumâtâ, me e khanʼ öta ae hu but gata minya ta je ûnyi ate me sumâtâ gan.

I. Ioane 5:19

E khanʼ öta a ûheta unyin Khong, ke hmeledrany hia thithö ame mokut unyin at ae kong.

I. Ioane 5:20

Ke e khanʼ öta a gʼ ame hia but o Nokon Khong, ke a hia but ham köta hna wâhmakhmeto, me me khanʼ öta e at ae hnathu, ke öta but eû hnyi hnyekon at ae hnathu, wale eû hnyi hnyekon Nokon a Iesu Keriso. Wale Khong ae hnathu, me möt ame ca ba balua.

I. Ioane 5:21

Je wanakat lö tuʼ öbun ju ge ta je hnatheat.

I. Ioane 5:4

Anyin ame hwege hon hmeledrany ûnyi a hnokoâ ge Khong: ke walang hwege ae hwege hon hmeledrany, wale anyita labageju.

Juda 1:21

ke tuʼ öbun ju hnyi ibetengiö anyin Khong, ke halubahingen ju öbun ibetengiö baû anyin Tuhöta Iesu Keriso, ke ne o but ka hnyi möt ame ca ba balua.

Juda 1:24

Ke so e unyin at ae khana he ka tuʼ öbun, wâ öbun nye ū but, me omanenʼ öbun ae ba hnyikongon hnyi hnyimakan anyin hmanenang me senyin ae gan,

Hna Omanenâ 2:13

E khanö nya dok u me laba hnyin, wale hnyi theron anyi Satana: ke u je kât hmâ iök, me ca ivinoâ labageju könya, waleji hnyi je bong bongu Anetipa ae hnathu, at ame ohnathu nya, waleji adre hlingâ unyibun, hnyi dok ame laba hnyin Satana.