I. Ioane 5:16 - Iaai Bible 1901 (New Caledonia)

¹⁶ A ne ke at ame wâ liamekeiny më ame ânyâ hulo adre me ca mekiny, me e ame he ka sumâtâ, ke Khong ame he! ka ham kâu möt hobi kâu at ame ânyâ hulo a ca hnân mekiny. E hu hulo hnân mekiny: oge me ca ha a e ame he ka khöûâ e.

I. Ioane 5:16 ပူးပေါင်းရင်းမြစ်များ

Genese 20:17

Ke Aberahama ame hic ka Khong: ke Khong ame osoi Abimeleke, me âiân me lathnyabainy omomo; me ödrin e hnokoâ bi.

Genese 20:7

Anyin a wale, he thö u ka hna hmetu momo ka âiân: anyin a e perofeta, kʼ ame he ka hic hobi köu, me u me he ka möt: ke u je ne ca he ka hna hmetu, wâhmakhmeto ju a u me he ka mokcu, u bi, me je waem hia.

Salamo 106:23

Anyin a wale e ame ha he ka ohiʼ ödra, Ke so bi hnö Mose, waleji e ame ûca, hna tot hnyi iwatretra hnyi hnyimakan, He ka ohmeto anyin hmönyin, wâ e nye ohiʼ ödra but,

Esodo 34:9

Ke haingen, ka habe, Than lö u je ne betenge gak, ö u he Than ka tha he möhmun; anyin ae hwege nyin hnyei ang; ke u ma thang degecâ anyihmun monu me hulö, me wiʼ ohmun do mʼ ohmun e em hnyei

Jeremia 11:14

Anyin a wale, u me ca he ka hijö tavat ang, ke u me ca he ka tenge me hic hobi kodra: anyin oge me ca he ka löng kodra hnyi ûen adre me he ka hawo nya hnyin hnyi anyidra vec.

Jeremia 14:11

Ke haba Iehova ame ha könya, ka habe, U me ca he ka hijö tavat ang, mʼ adre me so.

Jeremia 7:16

Anyin a wale u me ca he ka hije tavat ang, ke ca ogöranyâ tenge me hic hobi kodra, ke ca khöu bi könya: anyin oge me ca he ka ling u.

Ezekiela 22:30

Ke oge me elâm gadra at he ka op hagik hak, me tot hnyi hnyi-makök hnyi dok ae khekhe hobi kâu hnyei, mʼ oge me ca he ka ohia e: ke ba bi at oge me wâ.

Numera 12:13

Ke Mose ame tenge kö Iehova, me ha, ka habe, Khong lo, ö u omelö thö momo walang ang.

Numera 15:30

Ke haba at ame ânyâ sheshamökâ ke ûnyi, ame ne aten hnyei ame ne atkanyua, me wale at ame bi gan kö Iehova; ke adre me he ka subâ degecâ at eling ûnyi hnyi iny hnyei.

Luka 12:10

Haba at ame he ka bifuco Nokon at, me adre me he ka hna e: ke haba at ame he ka haikongoâ Hanu Kap, me adre me ca he ka hna degecâ e.

Ioane 17:9

Inya oge me hic hobi ködrin: oge ca hic hobi kâu hmeledrany, ke hobi ködrin bi u je ham könya; anyin a ânyâm ödrin:

II. Timoteo 4:14

E gan monu ame ânyâ könya Alesanedro, at ame leû fao kapa: kʼ ame he Than ka bi hwaban kâu e ûcû me anyin huliwa:

I. Ioane 5:17

Haba ta je hwakecin hia ae ca wisa bi, wale hulo: ke e hu hulo bi a ca hnân mekiny.

I. Samuela 12:19

Ke ame ha tavat hia kö Samuela, ka habe, Bethe hic hobi kohmun a lathnyabaem kö Iehova Khongom, mʼ ohmun e ca be ka mokcu: anyin a ohmun e hia but bi hanen ka anyihmun ta je hulö hia ûnyi eang ae kong, he ka sumatö tuhömun.

I. Samuela 2:25

Ame ne kong ke at ka ke at, Khong ame he ka owisa kâu: ke ame ne kong at kö Iehova ie at ame he ka khöû hobi kâu? Ke so bi ödru me ca long hofuc hwan kamödru, anyin ae be he Iehova ka hlingʼ ödru.