I. Ioane 5:13 - Iaai Bible 1901 (New Caledonia)

¹³ Oge hia but sihnalimen ta je ûnyi e köbun tavat öbun e labageju ka ien Nokon Khong, me me khanʼ öbun ae hu but gabun möt ae ca ba balua.

I. Ioane 5:13 ပူးပေါင်းရင်းမြစ်များ

Ioane 1:12

Ke haba tavat adre me kap e, wale hnyat adre me labageju ka hnyi ien, me e ame ham kodra man, me adre me lakon dut Khong:

Ioane 2:23

Tiga e bi hnyi Jerusalema hnyi bijeûiny paseka, ödra se hia adre me labageju ka hnyi ien, anyin adre me wâ ta je ûöman e ame ânyâ.

Ioane 20:31

ke adre hia but sihnalimen ta je ûnyi e me öbun e he bi ka labagejon a Nokon Khong Iesu Keriso: ke ûnyi ge hnobun hna labageju me ame he ka ha möt köbun ûnyi hnyi ien bi.

Ioane 21:24

Walang aten at ame ohnatho ta je ûnyi e me sihnalimen: ke e khanʼ öta but ae hnathu.

Ioane 3:18

Adre me ca ohnaûhangoâ at ame labageju kâu: kʼ adre hia but ohnaûhangoâ walang ang at ame ca labageju, anyin a e ame ca hia but labageju ka ien Nokon Khong a khaca.

Ioane 5:24

E hnathu, e hnathu, inya oge me ha köbun, ka habe, Haba at ame long hok ta je hofuc, kʼ ame labageju ka at a kunö nya, me hu but gan möt ame ca ba balua, kʼ ame ca he bi ka hnaûhango, ke e ame he but ûheny hnyi mok ka hnyi möt.

Ta je huliwa 3:16

Ke haba at ang öbun e wâ, ke khanʼ öbun, me ame hwege bi ûnyi hnyi labageju ka hnyi ien, ke can ien bi: eke, adre me ham kâu hwege eang ae bekhöt hnyi hnyimaköbun hia hnen labageju a ûnyi gan.

Ta je huliwa 4:12

Ke ba ûhomeli ge ke at bi: anyin ae ba ke ien eang hmeledrany adre ham ka at, ae khana he ka omeli öta.

II. Korinito 5:1

ANYIN ae khanʼ öhmun a ga ne kia but umöhmun uma menâ eang hmeledrany, me hu bi gahmun uma ûnyi ge Khong, wale uma adre ca mâdrâ bi ge hnyam, ame ca ba balua, ke ethö hnyi drany.

Galatia 4:6

Ke can öbun je hing lakon, me Khong ame kunâ Hanon Nokon ka hnyi je hnyekubun, kʼ ame hongot, ka habe, Aba, Cica.

I. Peteru 5:12

Oge hia but sihnalimen okhulitâ köbun ûnyi ge Silevana, ke oge me ûnykûme ae liamekeiny ae hnathu, hnân he ka sihwegi öbun me ohnatho, ka habe, wale ibetengiö baû ae hnathu anyin Khong; tethmâ ju öbun hnyin e.

I. Ioane 1:4

ke öhmun e sihnalimen ta je ûnyi ang, me me hwâdâ but anyita senyin.

I. Ioane 2:1

JE lakuk lö, inya oge me set köbun ta je ûnyi e, mʼ öbun e ca he ka ânyâ hulo. Ke a ne ânyâ hulo ke at, me hu but gata Ûhadruo unyin Kamen a Iesu Keriso at ae wisa:

I. Ioane 2:21

Oge me ca sihnalimen köbun anyin ae ca khanʼ öbun ûnyi ae hnathu, ke so bi, anyin ae khanʼ öbun e, ke anyin ame ca o thoi ûnyi hnyi hnathu.

I. Ioane 2:25

Ke walang hna ha bânâ waleji e ame ha bânâ köta, möt ame ca ba balua.

I. Ioane 2:26

Oge hia but sihnalimen ta je ûnyi e köbun ge tavat adre beomonu öbun.

I. Ioane 3:23

Ke walang ang anyin hnanyibu, ka habe, hamöta he ka labageju ka hnyi ien Nokon a Iesu Keriso, me ibetengiököu, helâ me hnanyibu a ham köta.

I. Ioane 4:9

Adre hia but omanenâ köta ibetengiö anyin Khong, waleji hnyi hnen Khong hna kunâ ka hnyi hmeledrany Nokon a khaca, mʼ ate me he ka möt ûnyi gan.

I. Ioane 5:10

Haba at ame labageju ka Nokon Khong, me e hu but eû hnyi hnyekon hna ohnatho: haba at ame ca labageju ka Khong, me ame hai thoiâ e; anyin a e ame ca hia but kap hnen Khong hna ohnathoâ Nokon.

I. Ioane 5:11

Ke walang hna ohnatho, a Khong ame ham köta möt ae ca ba balua, ke ûnyi ge Nokon möt eling.

I. Ioane 5:20

Ke e khanʼ öta a gʼ ame hia but o Nokon Khong, ke a hia but ham köta hna wâhmakhmeto, me me khanʼ öta e at ae hnathu, ke öta but eû hnyi hnyekon at ae hnathu, wale eû hnyi hnyekon Nokon a Iesu Keriso. Wale Khong ae hnathu, me möt ame ca ba balua.