I. Ioane 5:11 - Iaai Bible 1901 (New Caledonia)

¹¹ Ke walang hna ohnatho, a Khong ame ham köta möt ae ca ba balua, ke ûnyi ge Nokon möt eling.

I. Ioane 5:11 ပူးပေါင်းရင်းမြစ်များ

Mataio 25:46

Ke haba tavat ang, me adre me he ka he ka hnyi hna bi hwaban ame ca ba balua; ke haba tavat ae wisa hwakecidra ka hnyi möt ame ca ba balua.

Ioane 1:19

Ke walang hna ohnathoâ hnö Ioane hnyi ûen adre me kunâ tavat bihut me at Levi hnen at Juda ûhedra Jerusalema he ka hnö e, ka habe, U ia?

Ioane 1:4

E hu möt unyin; ke haba möt, me melaminy at.

Ioane 10:28

ke oge me ham ködra möt ame ca ba balua; ke adre me ca he ka mok nyiele balua, ke ba ke at ame he ka hûgûnʼ ödra ûnyi hnyi hnyamok.

Ioane 12:50

Ke e khanö nya a haba anyin hnanyibu, me möt ame ca ba balua: me haba ta je hofuc oge me ha, me helâ me hnen Kamen hna ha könya, me wale hnok hna ha.

Ioane 14:6

Iesu ame ha kâu, ka habe, Inya ang gethen, me hnathu, me möt: e ba at ame he ka he kö Cica, e ka ca mē bân ka o könya.

Ioane 19:35

Ke ame ohnathoâ hnen at ame wâ, ke hnathu but hnen hna ohnatho: ke a wâ but ae hnathu hnen hna ha, mʼ öbun e he minya ka labageju.

Ioane 3:36

Haba at ame labageju ka Nokon, me hu but kâu möt ame ca ba balua; ke haba at ame ca long hoton Nokon, me ame ca he ka wâ möt, kʼ ame he ka takoû e hnen hmonyin anyin Khong.

Ioane 4:36

Haba at ame hiny, me e ame kap hwaban, kʼ ame ûkhöûnâ troban hobi kâu möt ame ca ba; me me tha senyin at ame tā me at ame hiny.

Ioane 4:4

Ke hamen he ka he hanyâûâ Samaria.

Ioane 5:21

Anyin a Kamen ame otilâ thö ta je komok me omeli ödra, helâe minya Nokon ame omelö tavat e ame weny.

Ioane 5:26

Anyin ae ka hu bi ge Kamen anyin möt, ke helâe e ame hna ka Nokon he ka hu gan möt:

Ioane 6:40

Ke walang weny Kamök, a gʼ ame he ka hu möt ame ca ba balua ka tavat hia adre me wâ Nokon, me labageju kâu; me oge me he bi nya ka otilʼ ödra hnyi bong a obiny.

Ioane 6:47

E hnathu, e hnathu, inya oge me ha köbun, ka habe, Haba at ame labageju, me hu but kâu möt ame ca ba balua.

Ioane 6:68

Haba Simona Peteru ame thu kâu, ka habe, Than lö, ohmun e he ka he ko ia? e thibi gam je hofucin möt ame ca ba balua.

Roma 5:21

ke haba hulo ame musi ka hnyi mok, me helâe ame he ibetengiö baû ka musi hnen hwakecin ae wisa ka hnyi möt ame ca ba balua, a deny Iesu Keriso a Tuhöta.

Roma 6:23

Anyin a haba hwaban hulö, me mok; ke haba bwihlany a ham bâûâ hnen Khong, me möt ame ca ba balua, ûnyi ga Iesu Keriso a Tuhöta.

I. Timoteo 1:16

ke wale thibi e can adre betenge baû könya, me me he Iesu Keriso ka omanenâ a ûnyi gak, wale at ae nuâ monuiny, anyin hokhnyok ae beû hmâ hia thithö hnân tulut kodra adre me he ka labageju kâu nyiele, mʼ adre me hu gadra möt ame ca ba balua.

Tito 1:2

hnyi hna gejon möt ame ca ba balua, waleji hna ha bânâ adrem balua hnen Khong at ae ca khana he ka thoi;

I. Ioane 2:25

Ke walang hna ha bânâ waleji e ame ha bânâ köta, möt ame ca ba balua.

I. Ioane 4:10

Wale thibi ang ibetengiö, ca hnöta hna hnyok ka Khong, ke so bi hnen hna hnyok köta, me hna kunâ Nokon hnân hut can anyita je hulo.

I. Ioane 4:9

Adre hia but omanenâ köta ibetengiö anyin Khong, waleji hnyi hnen Khong hna kunâ ka hnyi hmeledrany Nokon a khaca, mʼ ate me he ka möt ûnyi gan.

I. Ioane 5:10

Haba at ame labageju ka Nokon Khong, me e hu but eû hnyi hnyekon hna ohnatho: haba at ame ca labageju ka Khong, me ame hai thoiâ e; anyin a e ame ca hia but kap hnen Khong hna ohnathoâ Nokon.

I. Ioane 5:20

Ke e khanʼ öta a gʼ ame hia but o Nokon Khong, ke a hia but ham köta hna wâhmakhmeto, me me khanʼ öta e at ae hnathu, ke öta but eû hnyi hnyekon at ae hnathu, wale eû hnyi hnyekon Nokon a Iesu Keriso. Wale Khong ae hnathu, me möt ame ca ba balua.

I. Ioane 5:7

Ke Hanu at ame ohnathö, anyin ae hnathu Hanu.

III. Ioane 1:12

Haba Demetio, me adre me ohnathoâ hnen tavat hia, ke hnen minya hnathu bi: eke, öhmun minya öhmun e ohnatho; ke e khanö u a e hnathu hnö-hmun hna ohnatho.

Juda 1:21

ke tuʼ öbun ju hnyi ibetengiö anyin Khong, ke halubahingen ju öbun ibetengiö baû anyin Tuhöta Iesu Keriso, ke ne o but ka hnyi möt ame ca ba balua.

Hna Omanenâ 1:2

waleji at ame ohnathoâ hofuc hwan Khong, ke hna ohnatho hnö Iesu Keriso, a ta je ûnyi hia e ame wâ.

Hna Omanenâ 22:1

KE e ame omanenâ könya wagewiny köiö möt ae alai helâ me uselat, ame di hnyi theron anyin Khong me Arenio,