I. Ioane 5:10 - Iaai Bible 1901 (New Caledonia)

¹⁰ Haba at ame labageju ka Nokon Khong, me e hu but eû hnyi hnyekon hna ohnatho: haba at ame ca labageju ka Khong, me ame hai thoiâ e; anyin a e ame ca hia but kap hnen Khong hna ohnathoâ Nokon.

I. Ioane 5:10 ပူးပေါင်းရင်းမြစ်များ

Jobu 24:25

Ame ne ca hnathu e, me ewa at ame he ka ohwâdâ a iny at thoi, Me oûnyibaûâ hok hofuc?

Salamo 25:14

Haba ûbnenamö duöng ûnyi ga Iehova me wale unyin tavat adre me outen e; Ke e ame he ka omanenâ kodra anyin ûhihinyköu.

Ta je Vejec 3:32

Anyin ae ikiki Iehova ge at ae hwali hwakecin: Ke e unyin tavat ae wisa anyin ûsabâ ae iyong.

Isaia 53:1

IE at a kap anyihmun ûthumetu? kʼ adre hia but omanenâ kö ia benyi Iehova?

Jeremia 15:18

Anyin a ieû a e bala bi anyik vec, ke ba eny hnok aat, ke ame ca bemetu? hawa, u me he ka helâ me wagewe ame iyawo, a köiö ame hme?

Numera 23:19

Haba Khong me ca at bi, me me he ka thoi; Ke ca nokon at bi, me me he ka ietra: Hawa e ame fuc kʼ ame ca he ka ânyâ? Ame ha hofuc, kʼ adre me ca he ka owhâdâ?

Ioane 3:16

Anyin a Khong ame betenge ge hmeledrany, me e ame ham but Nokon a khaca thibi, me me ca he ka mok ke at ge tavat adre me labageju kâu, ke ame he bi ka hu möt ame ca ba balua.

Ioane 3:18

Adre me ca ohnaûhangoâ at ame labageju kâu: kʼ adre hia but ohnaûhangoâ walang ang at ame ca labageju, anyin a e ame ca hia but labageju ka ien Nokon Khong a khaca.

Ioane 3:33

Ke haba at ame kap hnen hna ohnatho, me wale at ame bi haten a e hnathu Khong.

Ioane 5:38

Ke ca e bi eû hnyi je hnyekubun hwan hofuc: anyin a öbun e ca labageju bi ka hnen hna kunâ.

Roma 8:16

Haba Hanu ame ka tha ohnathoâ me je hanuta, a öta je lakon Khong:

Galatia 4:1

KE inya oge me ha, ka habe, E ka tiga wanakat bi atö, me ca ve bongon bi e me athnyabainy, ke so bi e tuhan hia;

Galatia 4:6

Ke can öbun je hing lakon, me Khong ame kunâ Hanon Nokon ka hnyi je hnyekubun, kʼ ame hongot, ka habe, Aba, Cica.

Kolose 3:3

Anyin a öbun e mokcu, ke adre tha ikhâlâ anyibun möt me Keriso unyin Khong.

Heberu 3:12

Öbun âu hnyat me lakeiny lö, wâ e nye hu eû hnyin ke at gabun hnyok ae kong me ca labageju, ame oûsâkâûʼ öbun me Khong ae möt:

II. Peteru 1:19

Ke e hu but gahmun hofuc adre perofeta adre ti ohnathoâ; ke so öbun e ûnykûme wia ka hnyin, helâ me ka lamepa ame umumelam hnyi dok ae lit, ke ne o but hnyi haolany, ke ame o thö okhû lany eû hnyi je hnyekubun:

I. Ioane 1:10

Ate me ne ha, ka habe, ate me ca hia but hnyi ânyâ hulo, awe, ate me wia e me at thoi bi, ke haba hwan hofuc, me ca eû hnyi je hnyekuta.

I. Ioane 5:1

ADRE hnokoâ ûnyi ge Khong hnyat adre me kap, ka habe, Iesu thibi Keriso: ke haba at ame hnyokâ at a hnokoâ, me ame he ka hnyokâ minya at e ame hnokoâ.

Hna Omanenâ 12:17

Kʼ ame hmonyin drakona ka momo, me he but he ka vat me je kolon a je mâtrâniny momo, tavat adre me löng hoton hnanyibu anyin Khong, kʼ adre kât hmâ hna ohnathu Iesu:

Hna Omanenâ 2:17

Haba at ae hu hnyikönyen, löng ju hna ha hnen Hanu ka ta je ekalesia. Haba at ame ton, me oge me he ka hân ge mana ae iyong, ke oge me he ka ham kâu ke veto ae hau, ke e hnyi veto ien a teb ûnyi adre set, ae ca khana at, ke so bi at ame kap.

Hna Omanenâ 2:28

ke oge me he ka ham kâu okhû lany.