I. Ioane 4:9 - Iaai Bible 1901 (New Caledonia)

⁹ Adre hia but omanenâ köta ibetengiö anyin Khong, waleji hnyi hnen Khong hna kunâ ka hnyi hmeledrany Nokon a khaca, mʼ ate me he ka möt ûnyi gan.

I. Ioane 4:9 ပူးပေါင်းရင်းမြစ်များ

Genese 22:2

Ke e ame ha, ka habe, Hom dö nokom, a nokom a khaca, at u me betenge gan, jia Isaaka, me he thö ka hnyi hnyei Moria; me hudo thö e me hnân hut adre le, hon ke bucen oge me he ka ha köu.

Salamo 2:7

Oge me he ka omanenâ hnanyibu: Haingö Iehova könya, ka habe, U thibi nokuk; Oge hnöku u hnyi bong ang.

Mareko 12:6

Ke tiga e bi unyin nokon a oûnykûminy, me e ame kunâ minya but kodra hnyi obiny, haingen, Adre me he ka ogânâ nokuk.

Luka 4:18

E but huk Hanon Than, Anyin a e ame hia but hû nya he ka khetâ ûthumetu ae so ka ta je theduoc: E ame hia but kunö nya he ka haimemenâ hna hna ka ta je hwenbâ, Ke hna bwele ka je wadröu, Ke he ka thang hnyat adre aat dö

Ioane 10:10

Ame ca o baû at venöu, ke so bi he ka venöu, me ûhlingö me ohia: oge me o but mʼ adre me he ka hu möt, kʼ adre me he ka hu gânâ.

Ioane 14:6

Iesu ame ha kâu, ka habe, Inya ang gethen, me hnathu, me möt: e ba at ame he ka he kö Cica, e ka ca mē bân ka o könya.

Ioane 3:16

Anyin a Khong ame betenge ge hmeledrany, me e ame ham but Nokon a khaca thibi, me me ca he ka mok ke at ge tavat adre me labageju kâu, ke ame he bi ka hu möt ame ca ba balua.

Ioane 3:18

Adre me ca ohnaûhangoâ at ame labageju kâu: kʼ adre hia but ohnaûhangoâ walang ang at ame ca labageju, anyin a e ame ca hia but labageju ka ien Nokon Khong a khaca.

Ioane 5:23

me me he tavat hia thithö ka ogânâ Nokon helâ me hnödra hna ogânâ Kamen. Haba at ame ca ogânâ Nokon, me ame ca ogânâ Kamen at a kunâ e.

Ioane 6:29

Iesu ame thu ködra, ka habe, Walang huliwa anyin Khong, ka habe, öbun e he ka labageju ka at a kunâ.

Ioane 6:51

Inya ang areto ae möt ame utut ûheny hnyi drany: a ne an dö ke at areto eang e ame he ka möt nyiele balua: eke, ke haba areto oge me he ka ham me wale unyik, hnân malen hmeledrany.

Ioane 6:57

Haba Kamen ae möt ame kunö nya, ke inya oge möt ûnyi ge Kamen; ke helâe ge at ame he ka han unyik, e ame he ka möt ûnyi gak.

Ioane 8:29

Ke tha e mönya at a kunö nya: e ame ca hnö nya but; anyin a inya oge me ânyâ bala ta je ûnyi hnân osenyinâ e.

Ioane 8:42

Iesu ame ha ködrin, ka habe, A ne Khong Kamöbun, öbun e he ka hnyok könya; anyin oge me o but, me oge me o ûnyi ge Khong; ke oge ca ka hamök o, ke e a kunö nya.

Ioane 9:3

Iesu ame thu, ka habe, E ca monu at ang, ke ca monu minya kamen me hinyen: ke so bi me me manen dut la je huliwa anyin Khong ge at ang.

Roma 8:32

Hawa, ame ca he ka ham bâûâ köta ta je unyi hia, hnen at ame ca behânâ Nokon, kʼ ame hna but e hobi köta hia?

Heberu 1:5

Anyin a ie ke angela e ame ha kâu, ka habe, U thibi Nokuk Oge me hnöku u hnyi bong ang? Wale hmetu ang, ka habe, Oge me he bi ka Kamen, Ke e ame he bi ka Nokuk?

I. Ioane 3:16

Ke manen köta ibetengiö anyin a e ame hamen ham anyin möt hnân hobi köta: me ûcû minya köta he ka ham anyita möt hnân hobi kâu je liamekeiny.

I. Ioane 4:10

Wale thibi ang ibetengiö, ca hnöta hna hnyok ka Khong, ke so bi hnen hna hnyok köta, me hna kunâ Nokon hnân hut can anyita je hulo.

I. Ioane 4:16

Ke ate me wâ me labagejoâ ibetengiö anyin Kong köta. Haba Khong, me ibetengiö; ke haba at ame laba hnyi ibetengiö, me ame laba hnyi hnyekon Khong, ke Khong eû hnyi hnyin.

I. Ioane 5:11

Ke walang hna ohnatho, a Khong ame ham köta möt ae ca ba balua, ke ûnyi ge Nokon möt eling.

I. Ioane 5:13

Oge hia but sihnalimen ta je ûnyi e köbun tavat öbun e labageju ka ien Nokon Khong, me me khanʼ öbun ae hu but gabun möt ae ca ba balua.