I. Ioane 4:8 - Iaai Bible 1901 (New Caledonia)

⁸ Haba at ame et hnyi betenge bi, me ca khana bi e hnen Khong; anyin a Khong ibetengiö.

I. Ioane 4:8 ပူးပေါင်းရင်းမြစ်များ

Salamo 86:15

Than lö, u thibi Khongon ibetengiö me betenge baû, At ame ca ie hmonyin bi, ke ti hu gam ibetengiö me hnathu.

Salamo 86:5

Anyin a Than lö, u thibi at ae so, me at ame thang, Me se hia ibetengiö kodra hia adre me hongot köu.

II. Korinito 13:11

Hnyat me lakeiny lö, obiny ju ang, ka habe, e so öbun e hnahic. Wisa ju öbun, ke kahwa ju; tha hnyok ju; ûsoköu ju: me me e unyibun Khongon ibetengiö me hnahic.

Efeso 2:4

ke haba Khong at ae tren ibetengiö ae gan hmâ, ke ûnyi hnyi ûganiny anyin ibetengiö köta,

Heberu 12:29

anyin a haba Khonguta, me meic ame han hmonyin.

I. Ioane 1:5

Ke walang ûthumetu öhmun e hia but löng ûnyi gan, me haimemenâ köbun, ka habe, Khong thibi melam, ke ba ju ke ong lit unyin.

I. Ioane 2:4

Haba at ame ha, ka habe, e khanö nya but e, kʼ ame ca löng bi hoton anyin ta je hnanyibu, awe, e ame thoi, ke ca e bi eû hnyi hnyekon hnathu:

I. Ioane 2:9

Haba at ame ha, ka habe, e but hnyi melam, ke ame hûkotiâ bi liamekeiny më, awe, e bala bi hnyi lit ke ne o but walang ang.

I. Ioane 3:10

Ûnyi hnyi e, me manen dut lakon Khong me lakon diabolo: anyin a ca ûnyi ge Khong at ame ca ânyâ hwakecin ae wisa, me at minya ame ca betenge me liamekeiny më.

I. Ioane 3:6

Haba at ame laba eû hnyin e ame ca mâdrâ hulo: haba at ame ânyâ hulo, me ame ca hia but wâ e, ke ame ca wâhmakhmetoâ e;

I. Ioane 4:16

Ke ate me wâ me labagejoâ ibetengiö anyin Kong köta. Haba Khong, me ibetengiö; ke haba at ame laba hnyi ibetengiö, me ame laba hnyi hnyekon Khong, ke Khong eû hnyi hnyin.

I. Ioane 4:7

Hnyat a oûnykûmik lö, e so ate me he ka ibetengiököu: anyin a ûnyi ge Khong ibetengiö; ke adre hnoko ûnyi ge Khong ödra hia adre me hnyi betenge, ke adre me wâhmakhmeto Khong.