I. Ioane 4:7 - Iaai Bible 1901 (New Caledonia)

⁷ Hnyat a oûnykûmik lö, e so ate me he ka ibetengiököu: anyin a ûnyi ge Khong ibetengiö; ke adre hnoko ûnyi ge Khong ödra hia adre me hnyi betenge, ke adre me wâhmakhmeto Khong.

I. Ioane 4:7 ပူးပေါင်းရင်းမြစ်များ

Ioane 13:34

Inya oge me ham köbun hnanyibu a teb ûnyi, a öbun e he ka ibetengiököu; oge hia but betenge köbun, e so öbun e be ka helâe wale he ka ibetengiököu öbun.

Ioane 17:3

Ke walang möt ame ca ba balua, a gʼ adre me he ka wâhmakhmetu u Khong hnathu a khaca thibi, me at u je kunâ, wale Iesu Keriso.

I. Korinito 8:3

a ne ke at ame hnyokâ Khong, awe, e ame wâ ûnykûme at eling.

II. Korinito 4:6

Anyin a Khong, waleji at ame ha, ka habe, Ame he ka umumelam but melam ûnyi hnyi lit, waleji ame öumumelamâ je hnyekuta, me me melam but he ka wâhmakhmetoâ hmanenang anyin Khong hnyi hnyimakö Iesu Keriso.

Galatia 4:9

ke e khanʼ öbun Khong walang ang, ke khana Khong öbun, me ieû gabun öbun e hwio hmetu ka hnyi ta je ûnyi a â bân, ke sënyin, ke ca ûnyi hnathu, wale ame webun hmetu he ka hwenbâ kâu?

Galatia 5:22

Ke haba je wan Hanu, me, ibetengiö, me senyin, me hnahic, me hokhnyok beû hmâ, me menyik, me hwakecin ae so, me hnathu,

Deuteronomi 30:6

Ke ame he Iehova Khongom ka peritomonâ hnyekom, me hnyekon je mâtrânâm, mʼ u me we Iehova Khongom ge hnyekom ae bekhöt me hanom ae bekhöt, mʼ u me möt bi.

II. Timoteo 1:7

Anyin a Khong ame ca ham köta hanon ot; ke so bi ae man, me betenge, me metâ.

I. Peteru 1:22

Öbun e hia but okâlâotâ je hnyekubun hnyi hnobun hna löng hoton hnathu ke ne o but ka hnyi ibetengiö ae ba thoi hnyin ka hnyat me lakeiny, anyin a wale ibetengiököu ju öbun ge hnyok ae ba hnyikongon:

I. Ioane 2:10

Haba at ame betenge ka liamekeiny më, e but hnyi melam, ke ba ûnyi hnân othoâ gan.

I. Ioane 2:29

A ne khanʼ öbun a e at ae wisa, awe, e khanʼ öbun minya a gʼ adre hnoko ûnyi gan tavat hia adre me ânyâ hwakecin ae wisa.

I. Ioane 2:3

Ke walang haten a ga khanʼ öta e, ka habe, ate ne löng hoton anyin hnanyibu.

I. Ioane 2:4

Haba at ame ha, ka habe, e khanö nya but e, kʼ ame ca löng bi hoton anyin ta je hnanyibu, awe, e ame thoi, ke ca e bi eû hnyi hnyekon hnathu:

I. Ioane 2:7

Hnyat a oûnykûmik lö, oge me ca sihnalimen köbun hnanyibu a teb ûnyi, ke so bi hnanyibu adrem, waleji öbun e hu ûnyi hnyi can: haba hnanyibu adrem, me waleji hofuc öbun e löng.

I. Ioane 3:9

Ame ca ânyâ hulo at adre hnokoâ ûnyi ge Khong, anyin ame laba eû hnyi hnyekon wan gan; ke e ca khana he ka ânyâ hulo, anyin adre hnokoâ ûnyi ge Khong.

I. Ioane 4:11

Hnyat a oûnykûmik lö, a ne betenge gata Khong helâe, hamöta he ka ibetengiököu.

I. Ioane 4:12

E ba bala at ame wâ Khong: ate ne ibetengiököu, me Khong ame laba eû hnyi je hnyekuta, ke adre obekhotâ anyita ibetengiö kâu eû hnyita;

I. Ioane 4:16

Ke ate me wâ me labagejoâ ibetengiö anyin Kong köta. Haba Khong, me ibetengiö; ke haba at ame laba hnyi ibetengiö, me ame laba hnyi hnyekon Khong, ke Khong eû hnyi hnyin.

I. Ioane 4:20

E ka ha hnen ke at, ka habe, Oge me hnyokâ Khong, kʼ ame hûkotiâ liamekeiny më, me at thoi bi: anyin a haba at ame ca betenge ka liamekeiny më, ame wâ, me ca khana he ka hnyokâ Khong, ame ca wâ.

I. Ioane 4:8

Haba at ame et hnyi betenge bi, me ca khana bi e hnen Khong; anyin a Khong ibetengiö.

I. Ioane 5:1

ADRE hnokoâ ûnyi ge Khong hnyat adre me kap, ka habe, Iesu thibi Keriso: ke haba at ame hnyokâ at a hnokoâ, me ame he ka hnyokâ minya at e ame hnokoâ.

II. Ioane 1:5

Ke walang ang oge me ûjongi u ishola, ca helâke oge me set köu hnanyibu a teb ûnyi, ke so bi hnöta hna hu ûnyi hnyi can, a gʼ ate me ibetengiököu.