I. Ioane 4:21 - Iaai Bible 1901 (New Caledonia)

²¹ Ke walang hnanyibu ae hu gata ûnyi gan, a baba at ame hnyokâ Khong, me ame he ka betenge minya ge liamekeiny mē.

I. Ioane 4:21 ပူးပေါင်းရင်းမြစ်များ

Levitiko 19:18

Ca he ka oûcoâ hulö, me ip hnân ka aten em hnyei, ke u me he ka betenge ka at ame laba hakekenyi u helâ me u bi: Inya Iehova.

Mataio 5:43

Öbun e hia but long a gʼ adre me ha, ka habe, Betenge ju ge at ae hakekenyi u, ke ikiki thö ka iwahnaihmiony möu:

Luka 10:37

Ke e ame ha, ka habe, Wale at ame betenge gan. Haba Iesu ame ha kâu, ka habe, He thö ka mâdrâ helâe.

Ioane 15:12

Walang anyik hnanyibu, ka habe, Öbun e he ka ibetengiököu helâ me hnok hna betenge köbun.

Galatia 5:14

Anyin adre ohwâdâ hnanyibu hia hnyi hofuc a khaca, ka habe; U me he ka betenge ge at ame laba hakekenyi u helâ me u bi.

Galatia 5:6

Anyin ae ca ûnyi hnathu bi ka Keriso peritom, me ca peritom; ke so bi labageju, at ame huliwa hnyi ibetengiö.

I. Thesalonika 4:9

Ke ca ûnyi hnathu bi a oge me he ka sihnalimen köbun ge bongon ibetengiö anyin hnyat me lakeiny: anyin a nʼ öbun Khong he ka ibetengiököu;

I. Peteru 3:8

Walang obiny, e so öbun e he hia ka tha hnyok, me vec betenge, me tha hnyok helâ me je liamekeiny, me sang betenge, me hnyok ae hnyikânâ:

I. Peteru 4:8

ke hon ta je ûnyi hia, e so öbun e ibetengiököu; anyin ame he ibetengiö ka tube ta je hulo ae se hia.

I. Ioane 2:7

Hnyat a oûnykûmik lö, oge me ca sihnalimen köbun hnanyibu a teb ûnyi, ke so bi hnanyibu adrem, waleji öbun e hu ûnyi hnyi can: haba hnanyibu adrem, me waleji hofuc öbun e löng.

I. Ioane 3:11

Anyin a walang ûthumetu öbun e löng ûnyi hnyi can, ka habe, hamöta he ka ibetengiököu:

I. Ioane 3:14

E khanʼ öta, a ate me hia but didro ûnyi hnyi mok ka hnyi möt, anyin ate me betenge ge je liamekeiny. Haba at ame ca betenge, me e bala bi hnyi mok.

I. Ioane 3:18

Je wanakat lö, ca he öta ka betenge thibi ge hofuc, me bohmen; ke so bi hnyi huliwa me hnathu.

I. Ioane 3:23

Ke walang ang anyin hnanyibu, ka habe, hamöta he ka labageju ka hnyi ien Nokon a Iesu Keriso, me ibetengiököu, helâ me hnanyibu a ham köta.

I. Ioane 4:11

Hnyat a oûnykûmik lö, a ne betenge gata Khong helâe, hamöta he ka ibetengiököu.