I. Ioane 4:19 - Iaai Bible 1901 (New Caledonia)

¹⁹ Ate me betenge, anyin a e ame bân ka betenge gata.

I. Ioane 4:19 ပူးပေါင်းရင်းမြစ်များ

Luka 7:47

Waleling me inye ha köu, ka habe, Adre hia but hna degecâ anyin ta je hulö ae se hia; anyin ae gan hmâ ibetengiö anyin momo: ke e ka ûhnyûkong hna ohia ge ke at, me ka ûhnyûkong anyin ibetengiö.

Ioane 15:16

Öbun e ca ûco nya, ke oge me ûcʼ öbun, me otilʼ öbun, mʼ öbun e he ka he me wa, me tet hmâ ju wan gabun: me me he Kamen ka ham köbun ta je ûnyi hia öbun e he ka sumâtâ huyi iök.

Ioane 3:16

Anyin a Khong ame betenge ge hmeledrany, me e ame ham but Nokon a khaca thibi, me me ca he ka mok ke at ge tavat adre me labageju kâu, ke ame he bi ka hu möt ame ca ba balua.

Galatia 5:22

Ke haba je wan Hanu, me, ibetengiö, me senyin, me hnahic, me hokhnyok beû hmâ, me menyik, me hwakecin ae so, me hnathu,

I. Ioane 4:10

Wale thibi ang ibetengiö, ca hnöta hna hnyok ka Khong, ke so bi hnen hna hnyok köta, me hna kunâ Nokon hnân hut can anyita je hulo.

I. Ioane 4:20

E ka ha hnen ke at, ka habe, Oge me hnyokâ Khong, kʼ ame hûkotiâ liamekeiny më, me at thoi bi: anyin a haba at ame ca betenge ka liamekeiny më, ame wâ, me ca khana he ka hnyokâ Khong, ame ca wâ.