I. Ioane 4:17 - Iaai Bible 1901 (New Caledonia)

¹⁷ Hnen thibi ang adre me obekhotâ ibetengiö unyita, mʼ ate me he ka hu hnyok ae hwege hnyi bong owisa: anyin a öta tha ûcû më eang hmeledrany.

I. Ioane 4:17 ပူးပေါင်းရင်းမြစ်များ

Mataio 10:15

E hnathu, inya oge me ha köbun, ka habe, Ame he ka hâhâ ka hnyei Sodoma me Gomora hnyi bong owisa hon taun eling.

Mataio 10:25

E so ka at adre nâ ame ne tha ûcû me at ame nâ e, ke e ka tha ûcû hlu me tuhan. Adre ne hia but hawâ at ae tren hnyaba, ka habe, Belezebuba, hawa, adre me ca he minya ka hawâ ien aten hnyaban!

Mataio 11:22

Ke so bi, inya oge me ha köbun, ame he bi ka hâhâ ka Turo me Sidona hubun hnyi bong owisa.

Mataio 11:24

Ke inya oge me ha köbun, ka habe, Ame he ka hâhâ ka hnyei Sodoma hom bi hnyi bong owisa.

Mataio 12:36

Ke inya oge me ha köbun, a haba ta je hofuc baû hia ame ha hnen at, me adre me he ka ha hmetu hnyi bong owisa.

Ioane 15:20

Ûnykûme ju hofuc oge me ha köbun, ka habe, E ca gan athnyaba hon tuhan. Adre ne hia but oveci nya, adre me he bi ka oveci öbun; ke adre ne hia but vheno hok hofuc, adre me he bi ka vheno hobun hofuc.

Ioane 17:22

Ke haba hmanenang u je hia but ham könya, oge hia but ham kodra; mʼ adre me he bi ka khaca thibi, helâ me ötu a ötu khaca thibi;

Roma 8:29

Anyin a haba tavat waleji e ame wâhmakhmetu ödra, me e ame ip ödra minya he ka tha bongudra me tulutiny Nokon, me me atö bi e unyin je liamekeiny ae se hia:

Heberu 9:27

Adre me ip ka tavat he ka okhaca mok, ke hwaban e ûhnei;

Iakobo 2:13

Anyin a haba at ame ca betenge, me adre me ca he bi ka betenge gan hnyi hna ûhnei: anyin ame hobeluâ ibetengiö hnyi ûhnei.

Iakobo 2:22

U me wâ a gʼ ame tha huliwa labageju me anyin ta je huliwa, ke ame obekhotâ labageju hnen ta je huliwa;

II. Peteru 2:9

e khana Than hwakecin hna omelö tavat ae wisa hwakecidra ae ûcû me Khong ûnyi hnyi ta je ûcûbic, me he ka ip me hnân hwaban tavat ae ca wisa hwakecidra ke ne o but hnyi bong owisa;

II. Peteru 3:7

ke haba drany me hmeledrany walang ang, me adre hia but ip ûnyi ge hofuc eling hnân hobi kâu meic, kʼ adre me ip bi ke ne o but hnyi bong owisa me hnaûhango anyin tavat ae ca ûcû hwakecidra me Khong.

I. Ioane 2:28

Ke walang ang je wanakat lö, laba ju eû hnyi hnyin; me me hu gata hnyok ae hwege, e ka manen dut, mʼ ate me ca he ka hmehma hnyi hnyimakan e ka o but.

I. Ioane 2:5

ke haba at ame löng hoton hwan hofuc, me hnathu adre hia but obekhotâ eû hnyin at e hnyok ka Khong. Waleling me me khanʼ öta a öta but eû hnyi hnyekon:

I. Ioane 2:6

haba at ame ha, ka habe, e ame laba eû hnyi hnyekon, me ûcû kâu he ka he helâ me ûheny.

I. Ioane 3:1

WA bi ûganiny ibetengiö waleji a ham köta Kamen, mʼ adre me he ka haʼ öta me je lakon Khong: ke öta e. Waleling me me ca khanʼ öta hnen hmeledrany, anyin ae ca khanʼ ödra e bi.

I. Ioane 3:3

Ke haba ödra hia ae hu gadra geju eang, me, adre me okabi ödra bi, helâ më ae kap.

I. Ioane 3:7

Je wanakat lö, ca he ka omonu öbun hnen ke at: e wisa at ame ânyâ hwakecin ae wisa, helâ më ae wisa:

I. Ioane 4:12

E ba bala at ame wâ Khong: ate ne ibetengiököu, me Khong ame laba eû hnyi je hnyekuta, ke adre obekhotâ anyita ibetengiö kâu eû hnyita;