I. Ioane 4:16 - Iaai Bible 1901 (New Caledonia)

¹⁶ Ke ate me wâ me labagejoâ ibetengiö anyin Kong köta. Haba Khong, me ibetengiö; ke haba at ame laba hnyi ibetengiö, me ame laba hnyi hnyekon Khong, ke Khong eû hnyi hnyin.

I. Ioane 4:16 ပူးပေါင်းရင်းမြစ်များ

Salamo 31:19

Shaiba ge ûganiny ânyâm so, wale u je hitangen hobi kâu tavat adre me outö u, Waleji u me ânyâ hobi kodra adre me labageju köu, hnyi hnyimakan tavat!

Isaia 64:4

Anyin a haba hwân kâû adrem, ame ca löng bi hnen tavat, me ca tevehlöng bi, ke ame ca wâ hnen ecmak ke Khong, ke hake u ke thibi, at ame huliwa kodra adre me halubahingen e.

Ioane 6:69

Ke ohmun e hia but labageju me wâhmakhmeto a u thibi At ae Kap anyin Khong.

Ioane 9:3

Iesu ame thu, ka habe, E ca monu at ang, ke ca monu minya kamen me hinyen: ke so bi me me manen dut la je huliwa anyin Khong ge at ang.

I. Korinito 2:9

helâ me hna sihnalimen, ka habe, Ame ca wâ hnen ecmak, kʼ ame ca long ge hnyiköny, Kʼ ame ca dit ka hnyi hnyin at ta je ûnyi Waleji a penapena Khong hobi kodra adre me hnyok kâu.

I. Ioane 3:1

WA bi ûganiny ibetengiö waleji a ham köta Kamen, mʼ adre me he ka haʼ öta me je lakon Khong: ke öta e. Waleling me me ca khanʼ öta hnen hmeledrany, anyin ae ca khanʼ ödra e bi.

I. Ioane 3:16

Ke manen köta ibetengiö anyin a e ame hamen ham anyin möt hnân hobi köta: me ûcû minya köta he ka ham anyita möt hnân hobi kâu je liamekeiny.

I. Ioane 3:24

Ke haba at ame löng hoton anyin ta je hnanyibu, me ame laba eû hnyi hnyekon, ke e minya eû hnyi hnyekon. Ke hnen bi e, me ate me wâhmakhmeto a e ame laba eû hnyi hnyekuta, ûnyi ge Hanu e ame ham köta.

I. Ioane 4:7

Hnyat a oûnykûmik lö, e so ate me he ka ibetengiököu: anyin a ûnyi ge Khong ibetengiö; ke adre hnoko ûnyi ge Khong ödra hia adre me hnyi betenge, ke adre me wâhmakhmeto Khong.