I. Ioane 3:9 - Iaai Bible 1901 (New Caledonia)

⁹ Ame ca ânyâ hulo at adre hnokoâ ûnyi ge Khong, anyin ame laba eû hnyi hnyekon wan gan; ke e ca khana he ka ânyâ hulo, anyin adre hnokoâ ûnyi ge Khong.

I. Ioane 3:9 ပူးပေါင်းရင်းမြစ်များ

Jobu 19:28

Öbun e ne ha, ka habe, ohmun e kâmâu he ka ovecâ e! Ke e bi eû hnyi hnyekuk iwâniny bongon e;

Salamo 119:3

Eke, adre me ca hnyi ânyâ hwakecin ae hwali; Kʼ adre me vheno deny ta je gethen.

Levitiko 11:37

Ke a ne kölu takoû je hatong adre ta, ge ke ûnyi a hanen unyin je ûnyi e a mokcu, me ame he ka bo so.

Mataio 7:18

E ca khana ûö ae so he ka wa kong, ke ca khana ûö ae kong he ka wa so.

Ioane 1:13

ke adre me ca hnöku ödra ûnyi hnyi dra, ke ca ûnyi minya bi ge weny unyin, ke ca ûnyi ge weny at, ke ûnyi bi ge Khong.

Ioane 3:3

Iesu ame thu me ha kâu, ka habe, E hnathu, e hnathu, inya oge me ha köu, Adre ne ca hnokoâ hmetu hi at, e ca khana he ka wâ dokhu dokhon Khong.

Ta je huliwa 4:20

anyin ae ca khanʼ ohmu he ka ca ha ta je ûnyi ohmu me wâ me long.

Roma 6:2

Ohe. Öta tavat a mok ka hnyi hulo, kʼ ate me he ka kâmâu he ka möt bala hnyin?

Galatia 5:17

Anyin a haba unyin ame ûö bi ûnyi me Hanu, ke haba Hanu ame ûö bi ûnyi me unyin; anyin a ödru li at ûö bi ûnyi köu ödru; waleling me öbun e ca ânyâ bi ûnyi ame webun.

Tito 1:2

hnyi hna gejon möt ame ca ba balua, waleji hna ha bânâ adrem balua hnen Khong at ae ca khana he ka thoi;

I. Peteru 1:23

anyin adre hnöku öbun hmetu ca ûnyi bi hnyi wan ame he ka bobot, ke so bi ge wan ame ca be ka bobot hnen hofuc hwan Khong ae möt me tethmâ nyiele balua.

I. Ioane 2:29

A ne khanʼ öbun a e at ae wisa, awe, e khanʼ öbun minya a gʼ adre hnoko ûnyi gan tavat hia adre me ânyâ hwakecin ae wisa.

I. Ioane 3:6

Haba at ame laba eû hnyin e ame ca mâdrâ hulo: haba at ame ânyâ hulo, me ame ca hia but wâ e, ke ame ca wâhmakhmetoâ e;

I. Ioane 4:7

Hnyat a oûnykûmik lö, e so ate me he ka ibetengiököu: anyin a ûnyi ge Khong ibetengiö; ke adre hnoko ûnyi ge Khong ödra hia adre me hnyi betenge, ke adre me wâhmakhmeto Khong.

I. Ioane 5:1

ADRE hnokoâ ûnyi ge Khong hnyat adre me kap, ka habe, Iesu thibi Keriso: ke haba at ame hnyokâ at a hnokoâ, me ame he ka hnyokâ minya at e ame hnokoâ.

I. Ioane 5:18

E khanʼ öta bi a gʼ ame ca ânyâ hulo hnen at adre hnokoâ ûnyi ge Khong; ke ame tuö e hnen at eji a hnokoâ ûnyi ge Khong, ke ame ca kâlâ e hnen at ae kong.

I. Ioane 5:4

Anyin ame hwege hon hmeledrany ûnyi a hnokoâ ge Khong: ke walang hwege ae hwege hon hmeledrany, wale anyita labageju.

III. Ioane 1:11

Oûnykûmik lö, ca hnu hoton ûnyi ae kong, ke so bi ûnyi ae so. Ûnyi ge Khong at ame ânyâ so: haba at ame mâdrâ monu, me e ame ca wâ Khong.