I. Ioane 3:5 - Iaai Bible 1901 (New Caledonia)

⁵ Ke e khanʼ öbun a gʼ ame manen dut me me he ka hom degecâ hulo; ke ba anyin hulo.

I. Ioane 3:5 ပူးပေါင်းရင်းမြစ်များ

Hosea 14:2

Hom dö je ifucibun ke hmeto ju kö Iehova, ha thö kâu, ka habe, Hom dö hulo hia, me kap ju ûnyi ae so: me ohmun e he ka ham je hudiny hnyi-möhmun.

Mataio 1:21

Ke e ame he ka hnokoâ da, ke u me he ka hwenyi ien Iesu; anyin a e at ame he ka omelö lakeiny ûnyi hnyi anyidra ta je hulö.

Luka 23:41

Ke e wisa hnaûhango a otu, anyin adre bi hwaban kötu e me ûcû me hnötu hna mâdrâ: ke haba at ang, me ba bi monu gan.

Luka 23:47

Ke a wâ but keneturio hna mâdrâ, me e ame haisoâ Khong, me ha, ka habe, E hnathu wale at ae wisa.

Ioane 1:29

Nyi e ame ō Iesu ame he kâu, me haingen, ka habe, Wâ bi Arenio anyin Khong at ame hijen monu anyin hmeledrany!

Ioane 1:31

Ke oge me ca wâhmakhmeto e, ke so bi a e ame he ka manen ka at Isaraela, can thibi e oge me o but he ka bapataiso ge köiö.

Ioane 14:30

Oge me ca he hmetu ka ose hia fuc köbun, anyin ame he jem tuhan eang hmeledrany:

Ioane 8:46

Ia gabun ame he ka ohnathoâ a gʼ ame hu monu gak? Ke oge ne ha hnathu, ieû gabun öbun e ca labageju könya?

II. Korinito 5:21

E, at eji ae ca khana bi monu, e ame wia e me me monu hobi köta, mʼ adre me he ka wiʼ öta hnân hwakecin ae wisa anyin Khong ûnyi gan.

I. Timoteo 1:15

Walang uthofuc ae hnathu, me ti ûcû he ka kap, ka habe, A o Keriso Iesu eang hmeledrany he ka omelö tavat ae monu; ke iny beönua bi hudrin:

I. Timoteo 3:16

Ke ca hnân ivinoâ, ka habe, e gan hmâ ûiyonginy hwakecin ae ûcû me Khong, ka habe, E ame manen dut hnyi unyin, ame haiwisa hnyi hanu, ame wâ hnen ta je angela, adre me khetâ hnyi ta je hnyei, adre me labageju kâu hnyi hmeledrany, adre me kap goranyai ka hnyi hmanenang.

Tito 2:14

waleji at a hamen ham e hnân hobi köta, me me he ka ûcû öta ûnyi hnyi ta je hulo hia thithö, me ânyâwia hnân hobi kâu tavat hnân athnyabainy bi, hnyat ae hwege ka hnyi ta je huliwa ae so.

Heberu 1:3

ke e thibi hadröngöcin anyin hmanenang ke at a ti we e, kʼ ame otilâ hmâ ta je ûnyi bia thithö ge hwan hofuc ae man, ke a hia but hneû degecâ ta je hulo, me e ame laba ju hnyi ke keihen a metân Beönua ethö;

Heberu 4:15

Anyin ae ca hu bi gata at bihut ae nua at ame ca hnyi vec hnyi anyita ta je sënyin; ke so bi at adre hia but cubec ge ta je ûnyi hia thithö helâ möta, ke ba bi anyin hulo.

Heberu 7:26

Anyin ae ûcû köta at bihut eling ae, nua, ae kap, ae ba hulo gan, me ba hnyikongon, me ûsâkâûö me tavat adre me anyâ hulo, ke adre öbeönua hon drany;

Heberu 9:26

anyin a ne helâe me ûcû kâu he ka osehia vec hwân hnyi hna bi taben hmeledrany: ke walang ang hnyi obiny ta je dö adre hia but omanenâ e me me he ka ohia hulo ge hnen hna hamen hudo e bi.

Heberu 9:28

helâe minya Keriso, adre me okhaca hudo e he ka vadren ta je hulo anyin tavat ae se hia, me e ame he ka olo manen ka tavat adre me halubahingen e, ke ca ha bi ge hulö, ke hnân omelö.

I. Peteru 1:18

anyin ae khanʼ öbun a gʼ adre ca ûco anyibun möt hwaban ta je ûnyi ame he ka bobot, wale sileva me gol, ûnyi hnyi hwakecibun ae monu a nʼ öbun hnen lakamöbun;

I. Peteru 1:20

waleji adre wâ bânâ adrem, kʼ at tiga ca bi taben hmeledrany, ke adre omanenâ but hobi köbun hnyi je bong a biliny walang ang,

I. Peteru 2:22

waleji a, at ame ca hnyi ânyâ hulo, ke ba minya thoi adre wâ hnyi hnyimen:

I. Peteru 2:24

waleji at a hake vadren anyita ta je hulo ge unyin hon ûö, mʼ ate me he ka möt ka hwakecin ae wisa, anyin ate me mok ut ûnyi hnyi hulo; anyin adre me omeli öbun ge hwadeny hnân ta je osö.

I. Peteru 3:18

Anyin ae okhaca hom vec Keriso can hulo, wale ae wisa me hwaban tavat ae ca wisa hwakecidra, me me he ka lili öta ka Khong: adre hlingâ e hnyi unyin, ke adre omelö e hnyi hanu;

I. Ioane 1:2

(ke a manen dut möt, kʼ öhmun e hia but wâ me ohnathoâ, me thumetu öbun ge möt a nyiele balua bi, waleji ae unyin Kamen, kʼ adre me omanenâ kohmun):

I. Ioane 1:7

ke ate me ne he hnyi melam, helâ me e hnyi melam, awe, ate me tha laba ke at me ke at, kʼ ame hneû degecâ anyita ta je hulo hia thithö hnen dro Iesu a Nokon.

I. Ioane 2:1

JE lakuk lö, inya oge me set köbun ta je ûnyi e, mʼ öbun e ca he ka ânyâ hulo. Ke a ne ânyâ hulo ke at, me hu but gata Ûhadruo unyin Kamen a Iesu Keriso at ae wisa:

I. Ioane 2:2

ke e thibi hut can anyita ta je hulo; ke ca hake öta thibi, ke can minya bi hmeledrany hia thithö.

I. Ioane 2:29

A ne khanʼ öbun a e at ae wisa, awe, e khanʼ öbun minya a gʼ adre hnoko ûnyi gan tavat hia adre me ânyâ hwakecin ae wisa.

I. Ioane 3:8

ûnyi ge diabolo at ame ânyâ hulo; anyin ame ânyâ hulo diabolo ûnyi hnyi can. Kʼ a manen dut Nokon Khong, me me he ka ohia ta je huliwa anyin diabolo.

Hna Omanenâ 1:5

me ûnyi ga Iesu Keriso at ohnatho ke hnathu, wale atöiny tavat ûhedra hnyi hna mok, ka tuhan ta je than hnyi hmeledrany. E so e unyin at ame betenge gata, kʼ ame thang degecâ anyita ta je hulo ûnyi ge dren;